ტენდერის აღწერილობა:

სს ,,კორპორაცია ფოთის საზღვაო ნავსადგური“ იწვევს კომპანიებს ტენდერში მონაწილეობის მისაღებად, რომელიც უკავშირდება ორი ვიდეორგოლის მომზადებას.

ვიდეორგოლების მიზანია:

• კორპორაცია ფოთის საზღვაო ნავსადგურის ტერიტორიაზე არსებული ღია საწყობისა („პლაზა“) და საკონტეინერო საწყობში არსებული გადატვირთვებისთვის გამიზნული დახურული ტერიტორიის გადაღება და სამიზნე აუდიტორიისთვის გაცნობა; ნავსადგურის მხრიდან კლიენტებზე მორგებული სერვისების გაცნობა და პოპულარიზაცია. 
• საზოგადოების ინფორმირება, კორპორაცია ფოთის საზღვაო ნავსადგურის საქმიანობის შესახებ (თანამშრომლების მონაწილეობით).

სამუშაოს აღწერა: 

• ვიდეორგოლები უნდა მომზადდეს ფოთის საზღვაო ნავსადგურში. 
• ,,პლაზას“ შესახებ ვიდეორგოლის ქრონომეტრაჟი განსაზღვრულია 35-40 წამამდე;
  თანამშრომლების ჩართულობით მომზადებული ვიდეორგოლის ქრონომეტრაჟი განსაზღვრულია 1:30-დან 2:00 წუთამდე.
• ვიდეორგოლებისთვის რესპონდენტებს განსაზღვრავს დამკვეთი, თუმცა სცენარის შემუშავება უნდა მოხდეს კონტრაქტორის მიერ დამკვეთთან შეთანხმებით;
• კონტრაქტორი შეიმუშავებს ვიდეორგოლების სცენარს (შინაარსის, გადაღების, მუსიკალური გაფორმებისა და დიზაინის ჩათვლით), ასევე, უზრუნველყოფს გამართულ და მაღალი დონის გადაღების პროცესს, მონტაჟს, ფერთა კორექციას, მუსიკისა და ხმოვანი ეფექტების (კადრს გარეთ ხმა) კორექციას;
• ინტერვიუსთან ერთად ვიდეორგოლებს უნდა ჰქონდეს გრაფიკული გაფორმება  (ტიტრები, მნიშვნელოვანი ფრაზები);
• ვიდეორგოლებს, საჭიროების მიხედვით, თან უნდა ერთვოდეს Voice-over და სუბტიტრები. ტიტრების თარგმნა, მაღალ დონეზე, უზრუნველყოფილი უნდა იყოს კონტრაქტორის მიერ.  

შენიშვნა:

• სამუშაო უნდა განხორციელდეს ხელშეკრულების დადებიდან 15 კალენდარული დღის ვადაში;
• ვიდეორგოლის გავრცელება შესაძლებელი უნდა იყოს, როგორც სოციალურ ქსელში, ისე სატელევიზიო სივრცეში. 

ვიდეორგოლის გადაღება უნდა მოხდეს შემდეგი ტექნიკური მახასიათებლებით:

• ფორმატი FULL HD (1920x1080). ვიდეორგოლის მონტაჟი უნდა მოხდეს უახლესი პროგრამებით. 

ტენდერში მონაწილეობის საკვალიფიკაციო მოთხოვნები:

• ტენდერში მონაწილეობა შეუძლია, საქართველოში რეგისტრირებულ კომპანიებს; 
• კომპანიას უნდა ჰქონდეს მინიმუმ 3 წლიანი სამუშაო გამოცდილება ტენდერით განსაზღვრული დავალების მიმართულებით;
• სასურველია კომპანიას ჰქონდეს მსგავსი ვიდეო რგოლის მომზადების გამოცდილება; 
• სასურველია საერთაშორისო ორგანიზაციებთან მუშაობის გამოცდილება;

დაინტერესებულმა კომპანიამ უნდა წარმოადგინოს:

• ინფორმაცია კომპანიის შესახებ (პორტფოლიო); 
• მინიმუმ 3 ვიდეორგოლის ბმული   განთავსებული youtube.com-ზე;
• ტექნიკური წინადადება: პროდუქციის მიწოდების პირობები, მომსახურების გაწევის ვადები (დაწყებისა და დასრულების თარიღი); 
• ფინანსური წინადადება: მომსახურების სრული ღირებულება, დღგ-ს გარეშე. 

ტენდერის ჩაბარების პირობები:

• დაინტერესებულმა პირებმა წინადადებები უნდა წარმოადგინონ არაუგვიანეს 2021 წლის 30 აგვისტოს 15:00 საათისა. 
• სატენდერო დოკუმენტაცია დამოწმებული პასუხისმგებელი პირის მიერ უნდა გამოიგზავნოს ელექტრონული ფორმით შემდეგ მისამართზე: nino.tabatadze@apmterminals.com                                                                                                                                              

ტენდერთან დაკავშირებული ყველა შეკითხვა ან განმარტება 2021 წლის 27 აგვისტოს ჩათვლით, შეგიძლიათ გამოგზავნოთ შემდეგ მისამართზე: nino.tabatadze@apmterminals.com

ტენდერის კატეგორია:

• 92100000 კინოდა ვიდეომომსახურებები