ტენდერის აღწერილობა:

• მომწოდებელმა უნდა ატვირთოს წარმოდგენილი პროცენტული ფასდაკლებები მის ქსელში არსებული საბაზრო ფასების გათვალისწინებით.
• მომწოდებლის მიერ შემოთავაზებული საწვავი არ უნდა შეიცავდეს ეთილს.
• მომწოდებლის მიერ წარმოდგენილი ფასდაკლებული შეთავაზება უნდა შეიცავდეს ყველა სახის გადასახადს;
• მომწოდებელმა უნდა ატვირთოს შემდეგი დოკუმენტაცია PDF ან Word-ის ფორმატში:
  1. საჯარო რეესტრიდან განახლებული სამეწარმეო ამონაწერი;
  2. კომპანიის სერთიფიკატები (ასეთის არსებობის შემთხვევაში);
  3. კომპანიის მოღვაწეობის შესახებ ინფორმაცია (საქმიანობის მოკლე აღწერილობა (გამოცდილება, კლიენტების სია), დაარსების თარიღი, რეკომენდაციები, ა.შ.);
• მომწოდებელი ვალდებულია ატვირთოს დეტალური ინფორმაცია ჩიპების, ანუ მათი მონიტორინგის სისტემის შესახებ.
• მომწოდებელი ვალდებულია შემოთავაზებები დალუქული კონვერტით მოგვაწოდოს სს "საქართველოს ბანკის" სათაო ოფისში (გაგარინის #29ა), კანცელარიის სამსახურში.
• ყოველთვიური სავარაუდო საწვავის მოხმარება (ლიტრებში): ბენზინი - 30000 ლიტრი; დიზელი - 23000 ლიტრი;
• დამკვეთის კუთვნილი ავტომანქანები სარგებლობენ ჩიპიანი და საწვავის პლასტიკური საბარათე სისტემით (Fill & Go);

დამატებითი ინფორმაცია:

• ტენდერის ვადა განისაზღვრება 2016 წლის 25 მაისიდან - 2016 წლის 8 ივნისის ჩათვლით;
• ტენდერში გამარჯვებულ კომპანიასთან სახელშეკრულებო ვადა განისაზღვრება 1 წლის პერიოდით.
• ტენდერში გამარჯვებული კომპანიისგან საქონლის/მომსახურების შესყიდვა იქნება რეგულარული სახელშეკრულებო პერიოდის განმავლობაში.
• ფასდაკლების განხორციელება მოხდება გამყიდველის ავტოგასამართ სადგურზე, საწვავის ჩასხმის დღეს ნაჩვენები ფასის შესაბამისად;
• გამარჯვებული კომპანია ვალდებული იქნება მიაწოდოს ბანკს Excel-ის ფაილში ბანკის მხრიდან ჩარიცხული თანხის გაშიფრვა მანქანის ნომრების ჭრილში. აღნიშნული ფაილი უნდა მოიცავდეს ინფორმაციას რეგიონების, მოხმარებული საწვავის ტიპის, ბენზინ-გასამართი სადგურის მისამართის, მოხმარების თარიღისა და დროის, მოხმარებული მოცულობის, ერთეულის ფასის და ჯამური თანხების შესახებ;
• მომწოდებელი ვალდებულია ელექტრონული ტენდერების ვებ-გვერდზე განათავსოს შეთავაზება პროცენტების სახით, მაგალითად: თუ მომწოდებლის მიერ შემოთავაზებული ფასდაკლება არის 10%, ასეთ შემთხვევაში მომწოდებელმა შესაბამის გრაფაში უნდა ჩაწეროს 10; თუ ფასდაკლება არის 20% მაშინ გრაფაში უნდა ჩაწეროს 20 და ა.შ; საწვავის რომელიმე ტიპის არ ქონის შემთხვევაში, გთხოვთ შესაბამის გრაფაში ჩაწეროთ 0.
• გთხოვთ გაითვალისწინოთ რომ შესაბამის გრაფებში შეთავაზება მიუთითოთ რიცხვობრივად, პროცენტის (%) ნიშნის გარეშე, მაგალითად: 90% უნდა ჩაიწეროს 90; 80% - 80 და ა.შ;
• კონკრეტული ტენდერის შემთხვევაში ტენდერში მონაწილეობის დროს მომწოდებელს შეუძლია კითხვა–პასუხის რეჟიმში მიიღოს სასურველი ინფორმაცია კონკრეტული ტენდერის პანელში „შეკითხვები შემსყიდველს“;
• შემოთავაზებები მიმწოდებლისათვის გახდება ანონიმური ტენდერის დასრულებამდე 3 (სამი) საათით ადრე.

ტენდერის ჩაბარების პირობები:

სატენდერო წინადადების ჩაბარების ბოლო ვადაა 2016 წლის 8 ივნისი, 17:00 საათი.

სატენდერო წინადადების ატვირთვა უნდა განხორციელდეს ს.ს. "საქართველოს ბანკის" საიტის მეშვეობით, რომელზეც მომხმარებელი უნდა დარეგისტრირდეს, შევიდეს სისტემაში და შესაბამისი ტენდერი არჩევის შედეგად მიიღოს მასში მონაწილეობა.

ბმული საქართველოს ბანკის შესყიდვების ვებ-გვერდზე:
http://tenders.bog.ge/?action=tender&id=590&lang=geo