ტენდერის აღწერილობა:

,,სტრადა მოტორსი" აცხადებს ტენდერს სარემონტო-სარეკონსტრუქციო სამუშაოების შესყიდვაზე.

1. სატენდერო მოთხოვნები და ფორმალობები:

წარმოდგენილი ინსტრუქცია მონაწილეთა მიერ ყურადღებით უნდა იქნას შესწავლილი, რადგან მასთან შეუთავსებლობამ შესაძლოა გამოიწვიოს მონაწილის დისკვალიფიკაცია. „მონაწილეთა ინსტრუქციის“ მიღებისთანავე მონაწილემ უნდა შეამოწმოს მიღებული დოკუმენტი სრულყოფილად მიეწოდა მას თუ არა. ნებისმიერი ინფორმაციის დანაკლისის შემთხვევაში, მონაწილემ დაუყოვნებლივ უნდა შეატყობინოს დამკვეთს, ტენდერის მენეჯერს ან შესაბამის უფლებამოსილ პირს. აღნიშნული პროცესის გაჭიანურება არ გამოიწვევს სატენდერო ვადების ცვლილებას.

ტენდერის გამოცხადებისას მონაწილეებთან გაიგზავნება შემდეგი დოკუმენტაცია:

პაკეტი 1 – ინსტრუქცია მონაწილეთათვის:

• 1.0 ინსტრუქცია მონაწილეთათვის (არსებული საბუთი)
• 1.1 სატენდერო წერილი

პაკეტი 2 – ხელშეკრულების დანართი:

• 2.0 საორიენტაციო მოცულობათა უწყისი (BOQ)

პაკეტი 3 – ნახაზები:

• 3.0 არქიტექტურული პროექტი;
• 3.1 კონსტრუქციული ნახაზები;
• 3.2 საინჟინრო ნახაზები;
• 3.3. სპეციფიკაციები;
• 3.4. დამატებითი საინფორმაციო დოკუმენტაცია

2. სამუშაოების აღწერა: 

სამუშაო მოიცავს:

ფიატის ცენტრის რეკონსტრუქცია-სარემონტო სამუშაოების წარმოებას საქართველოს საკანონმდებლო და კანონქვემდებარე ნორმებით განსაზღვრული ნორმებისა და ასეთი სამუშაოს შესრულებისათვის დადგენილი საერთაშორისო სტანდარტების შესაბამისად.

• სადემონტაჟო სამუშაოები
• რკ.ბეტონის ანტრესოლის მოწყობა
• სახურავების მოწყობა
• ფასადის მოწყობა
• ვიტრაჟების მოწყობა
• თუნუქის წყალშემკრები მილების მოწყობა 
• ტიხრების და კედლების მოწყობა
• კარების მონტაჟი
• ჭერების მოწყობა
• იატაკების მოწყობა
• სახურავის და კედლების სენდვიჩ პანელების მოწყობა არსებულ კონსტრუქციებზე დამხმარე მასალებით
• კიბეების მოწყობა
• ლიფტის შახტის მოწყობა
• მოსაპირკეთებელი სამუშაოები
• სანიტარული მოწყობილობების მონტაჟი
• მომსახურების ლუკების მოწყობა
• მოაჯირების მოწყობა
  - კონტრაქტორმა სამუშაოები უნდა შეასრულოს ა. ბელიაშვილის 191-ში არსებული მანქანების სალონის სარეკონსტრუქციო და სარემონტო სამუშაოები
  - შემსრულებლებმა სატენდერო წინადადების წარმოდგენისას უნდა იხელმძღვანელონ „Lump Sum” პრინციპით.

კონტრაქტორმა სამუშაოები უნდა აწარმოოს იმგვარად რომ მეზობელი შენობები, სამშენებლო მოედნები, პარალელური სამუშაოები ან შესრულებული სამუშაოები დაცული იყოს ნებისმიერი ზიანისგან.

შემსრულებელს შეუძლია წინასწარ შეისწავლოს სამშენებელო მოედანი იმ მიზნით, რომ დარწმუნდეს, დამკვეთის წარმოდგენილი მონაცემები და გარემო პირობები მისაღებია სამუშაოთა ზემოთ ნახსენები ზიანისა და დანაკარგების გარეშე საწარმოებლად.

პროექტის მსვლელობის თითოეულ ეტაპზე ნებისმიერ მესამე მხარესთან ზიანსა, თუ დანაკარგზე პასუხისმგებელია კონტრაქტორი.

ნებისმიერი ზიანი გამოსწორებულ უნდა იქნას დამკვეთის მხრიდან ნულოვანი დანახარჯებით. შრომის დანახარჯი, აღჭურვილობა, მექანიზმები და საჭიროების შემთხვევაში მასალები უზრუნველყოფილ უნდა იქნას კონტრაქტორის მიერ შემდგომში მისი ანაზღაურების გარეშე.

კონტრაქტორმა უნდა შეასრულოს დამკვეთის მოთხოვნები უსაფრთხოების ნორმებთან დაკავშირებით იმგვარად რომ მიღწეულ იქნას შემდეგ მიზნები:

• ნულოვანი უბედური შემთხვევები
• ნულოვანი ზიანი ადამიანებს
• ნულოვანი ზიანი გარემოს.
  

კონტრაქტორმა უნდა განახორციელოს მიზნობრივი მოქმედებები, რათა დარწმუნდეს, რომ უზრუნველყოფილი იქნება დამსაქმებლის, საკუთარი, სხვა კონტრაქტორებისა და საზოგადოების წევრების უსაფრთხოება, ისევე როგორც გარემოს დაცვა. კონტრაქტორი უნდა დარწმუნდეს, რომ მისი დასაქმებულები კარგად იცნობენ შესაბამის წესებს და ემორჩილებიან მათ.

კონტრაქტორმა უნდა მოახდინოს თავისი თითოეული თანამშრომლის უზრუნველყოფა უსაფრთხოების აღჭურვილობით, რომელიც სავალდებულო იქნება გამოსაყენებლად ობიექტზე სამუშაოთა მსვლელობის ნებისმიერ ეტაპზე.

3. სამშენებლო ობიექტის ვიზიტი და საბუთების შემოწმება:

მონაწილემ უნდა დაათვალიეროს სამშენებლო ობიექტი, სრულყოფილი ინფორმაციის მისაღებად, რომელიც საჭირო იქნება სატენდერო წინადადების წარმოდგენისა და შემდგომში ხელშეკრულების გაფორმების ეტაპებისთვის. ისევე როგორც, უნდა შეამოწმოს სატენდერო პაკეტით წარმოდგენილი მონაცემები და გაითავისოს ხელშეკრულებით მოსალოდნელი რისკები, ვალდებულებები და პასუხისმგებლობები.

სატენდერო პაკეტით წარმოდგენილი ნებისმიერი ინფორმაცია მოწოდებულია ყოველგვარი გარანტიების გარეშე, მის რეალობასთან შესაბამისობათან დაკავშირებით. სამშენებლო მოედანი მდებარეობს შემდეგ მისამართზე: თბილისი, ა. ბელიაშვილის #191, საკ. კოიდი N 01.13.02.001.084

სატენდერო წინადადების წარმოდგენისას თითოეული მონაწილე მოისაზრება, რომ მათ გამოიკვლიეს ლოჯისტიკის, შესყიდვების, ადამიანური რესურსის, მექანიზმების ქირავნობისა თუ ლიზინგის, გარემოსდაცვითი, ამინდისა და სამუშაო პირობები, საქართველოში არსებული შრომის კოდექსის, ადგილობრივი თვითმმართველობისა და ნებისმიერი მესამე მხარის მოთხოვნები სამშენებლო მოედნის შიგნითა და მის გარეთ. მონაწილის წარუმატებლობა გარემოპირობების არცოდნის ნაწილში არ განაპირობებს ფასის ან დროის გაზრდა/კორექტირებას.

4. კითხვები, გაუგებრობები და ბუნდოვანებები:

ნებისმიერი სახის ბუნდოვანების, გაუგებრობისა თუ ორაზროვნების შემთხვევაში სატენდერო დოკუმენტაციასთან, ან ტენდერით, თუ შემდგომში ხელშეკრულებით გათვალისწინებულ პროცესთან დაკავშირებით, მონაწილემ წერილობითი ფორმით უნდა მიმართოს პროექტის მენეჯერს არაუგვიანეს ტენდერის გამოცხადებიდან 2 კალენდარულ დღეში. პასუხი წერილობით კითხვაზე, განმარტებები და დეტალიზაციები გაეგზავნებათ ტენდერში მონაწილე თითოეულ წევრს.

5. საკომუნიკაციო ენა:

სატენდერო პროცესის სრულ ეტაპზე, ნებისმიერ სახის კორესპონდენცია დამკვეთთან მოხდება ქართულ ენაზე.

6. სატენდერო კომუნიკაცია (ტექნიკური ნაწილი):

მონაწილეებმა ტექნიკური ხასიათის კომუნიკაცია დამკვეთის მხარესთან უნდა აწარმოონ შემდეგ ადრესატთან: ttugushi@strada.ge

7. კონფიდენციალური ინფორმაცია:

ყველა საბუთი, სფეციფიკაციები, გეგმები, ნახაზები და სატენდერო პაკეტის დანართები წარმოადგენს დამკვეთის საკუთრებას. მონაწილეებს არ აქვთ უფლება გადასცენ აღნიშნული ინფორმაცია ნებისმიერ მესამე მხარეს და გამოიყენოს სხვა ნებისმიერი მიზნით, გარდა ამავე სატენდერო წინადადების მომზადებისა.

8. სატენდერო პროცესის ვადები:

მონაწილემ უნდა გაითვალისწინოს, რომ ტენდერის გეგმა-გრაფიკი განისაზღვრება ქვემოთ წარმოდგენილის შესაბამისად, ამასთან დამკვეთი იტოვებს უფლებს შეცვალოს წარმოდგენილი ვადები:

9. ღირებულება:

ერთეული ღირებულებები უნდა მოიცავდეს ყოველგვარ ზედნადებ ხარჯებს, სახელმწიფო მოსაკრებლებს, გადასახადებს და სხვა ყველა სახის ხარჯს, რომელიც შესაძლოა გამოიკვეთოს შემსრულებლის მიერ საქართველოს თუ მის ფარგლებს გარეთ ამავე ხელშეკრულების მიზნებისთვის ოპერირებისას.

თითოეული ერთეული ღირებულება უნდა შეიცავდეს მასალის, მექანიზმების, აქსესუარების და მაკომპლექტებლების შესყიდვის ხარჯს რომელიც საჭირო იქნება სამშენებლო თუ სამონტაჟო სამუშაოებისთვის, ტრანსპორტირების ხარჯებს, სასაწყობე ხარჯებს მშენებლობისა და მანამდე პერიოდში, სახელმწიფო მოსაკრებლებსა და შრომის ღირებულებებს სამშენებლო-სამონტაჟო სამუშაოებისა და საქართველოში მოქმედი სამშენებლო ნორმებისა და სტანდარტების შესაბამისად.

ხარჯთაღრიცხვაში გათვალისწინებული უნდა იყოს მშენებლობის/მონტაჟის, საჭიროების შემთხვევაში ტესტირებების ხარჯები.

მნიშვნელოვანია:

ღირებულებითი ნაწილი, ხარჯთაღიცხვა და სხვა ნებისმიერი კომერციული ინფორმაცია მიწოდებულ უნდა იქნას მხოლოდ ქვემოთ წარმოდგენილ ადრესატებთან. სხვა ნებისმიერი რგოლის ჩართულობა კომერციულ ნაწილში დაუშვებელია

მონაწილემ სატენდერო წინადადების სახით უნდა წარმოადგინოს შემდეგი ინფორმაცია:

• ხარჯთაღრიცხვა;
• გეგმა-გრაფიკი;
• შემოთავაზებული მასალის სპეციფიკაცია
• საშემსრულებლო პროცესების დასაწყებად საჭირო დრო;
• დამკვეთის მიმართ არსებული ნებისმიერი დამატებითი სახის მოთხოვნა (მათი არსებობის შემთხვევაში);
• სამუშაოთა თუ მასალათა ისეთი ჩამონათვალი, რომელიც შესაძლოა მოისაზრებოდეს შემსრულებლის ვალდებულებად, თუმცა არ არის გათვალისწინებული მოწოდებულ წინადადებაში.

10. სატენდერო წინადადების ხარჯები:

დამკვეთი არ არის ვალდებული აანაზღაუროს მონაწილის მიერ სატენდერო წინადადების მომზადებისთვის გაწეული ნებისმიერი სახის ხარჯი.

11. გამარჯვებულის გამოვლენა:

დამკვეთს არ გააჩნია ვალდებულება გამარჯვებულად გამოავლინოს მინიმალური ფასის მქონე ან სხვა ნებისმიერი მონაწილე და არ გააჩნია არანაირი ვალდებულება დაასაბუთოს რომელიმე წინადადების გამარჯვებულად, თუ დამარცხებულად გამოცხადების გადაწყვეტილება. დამკვეთი იტოვებს უფლებას ნებსმიერ დროს შეწყვიტოს ტენდერი. მსგავსი შეწყვეტის შემთხვევაში, დამკვეთს არ გააჩნია მონაწილეთათვის რაიმე სახის კომპენსაციის გადახდის ვალდებულება.

12. ვალუტა:

სახელშეკრულებო ვალუტად განისაზღვრება ეროვნული ლარი, შესაბამისად ღირებულებებიც წარმოდგენილი უნდ იქნას მხოლოდ ლარში. ნებისმიერი გადახდა ამავე ხელშეკრულების ფარგლებში განხორციელდება ლარში.

13. საავანსო გადახდები:

საავანსო გადახდა მოლაპარაკებული იქნება ტენდერის შემდგომ ეტაპებზე. საავანსო თანხის გადახდა მოხდება ერთი ტრანშით, არაუგვიანეს 10 (ათი) კალენდარული დღისა, კონტრაქტორის მიერ ავანსად შეთანხმებული თანხის შესაბამისი საბანკო, საავანსო, უპირობო გამოუთხოვადი გარანტიის წარმოდგენიდან, დამკვეთის მიერ მოთხოვნილ ფორმაში.

დაინტერესებულმა პირებმა შეთავაზება უნდა გაგზავნონ: ttugushi@strada.ge

ტენდერის დასრულების თარიღი: 2024 წლის 4 დეკემბერი, 19:00 საათი.

სრული სატენდერო დოკუმენტაცია იხილეთ ბმულზე:
https://drive.google.com/drive/folders/1E7AQiT7OaVqZSTUvWaLQ-u7S5dhYUmq_

საკონტაქტო ინფორმაცია:
ttugushi@strada.ge
zgvazava@fiat.ge

ტენდერის კატეგორია:

• 50800000 სხვადასხვა სახის სარემონტო (შესაკეთებელი) სამუშაოები და ტექნიკური მომსახურება
• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები