ტენდერის აღწერილობა: 

შპს „ჯეო-ჯიფსუმ“ აცხადებს ტენდერს დაბა მანგლისში არსებული სკოლის ეზოს საფარის (ასფალტ-ბეტონის) დაგების, სარინელის მოწყობისა და ბორდიურების დაგების სამუშაოების წარმოებაზე. 

სამუშაოები უნდა განხორციელდეს შემდეგ მისამართზე: დაბა მანგლისი, დიდგორის ქუჩა 1

ტენდერის შინაარსი და მოთხოვნები:

• ტენდერში მონაწილე მხარემ სამუშაოები უნდა აწარმოოს დაბა მანგლისში არსებულ ლოკაციაზე (გთხოვთ, იხილეთ დანართი 2 დადანართი 3 ნახაზები). სამუშაოები მოიცავს: წინა მოსამზადებელი სამუშაოების განხორციელებას, საფუძვლის ზედა ფენის მოწყობას ინერტული მასალით (დატკეპნით), 6 სმ-იანი სისქის მსხვილმარცვლოვანი ასფალტ-ბეტონის საფარის დაგებას, 4 სმ-იანი სისქის წვრილმარცვლოვანი ასფალტ-ბეტონის საფარის დაგებას; სარინელის მოწყობას 4 სმ-იანი სისქის წვრილმარცვლოვანი ასფალტ-ბეტონის საფარით; ბორდიურების - ზომით 15*30*100 სმ - დაგებას (კომპანია „ბედეგის“ წარმოების).
• ტენდერში მონაწილე მხარემ საკუთარი მუშახელის, მასალებისა და მანქანების/დანადგარების მეშვეობით უნდა განახორციელოს სამუშაოები.
• ტენდერში მონაწილე მხარემ დანართი ნახაზების შესაბამისად უნდა მოახდინოს სამუშაოების ღირებულების დაანგარიშება 1 მ2/1 გრძივ მეტრზე და განფასების მოწოდება. განფასებაში გათვალისწინებული უნდა იყოს სამუშაოების წარმოებისათვის საჭირო ყველა სამშენებლო ხარჯი.
• სამუშაოების დაწყების დრო: განისაზღვრება წინასწარი შეთანხმებით.
• სამუშაოების დასრულების ვადა: სამუშაოების დაწყებიდან 14 კალენდარული დღე.

ტენდერში მონაწილეობის მისაღებად საჭირო დოკუმენტები:

• წინადადება (შევსებული დანართი 1 - ხარჯთაღრიცხვა) საქართველოს კანონმდებლობით გათვალისწინებული გადასახადების ჩათვლით; შეთავაზების ვალუტა: ლარი
  შენიშვნა: ავანსის მოთხოვნის შემთხვევაში, დამკვეთი უფლებამოსილია მოითხოვოს საბანკო გარანტია მოთხოვნილი თანხის ოდენობაზე.
  წინადადება აუცილებლად უნდა მოიცავდეს:
  - ტრანსპორტირების ხარჯს სამუშაოების განხორციელების ადგილამდე;
  - ინფორმაციას გადახდის პირობების შესახებ;
  - ინფორმაციას სამუშაოების გრაფიკის შესახებ;
  - ინფორმაციას საგარანტიო პირობებისა და ვადების შესახებ; 
• პრეტენდენტი ორგანიზაციის რეკვიზიტები: სრული დასახელება, მისამართი და საკონტაქტო ტელეფონი, პასუხისმგებელი პირის პირადობის დამადასტურებელი მოწმობის ასლი;
• უახლესი ამონაწერი სამეწარმეო რეესტრიდან;
• კომპანიის კლიენტების სია და სარეკომენდაციო წერილები (მინიმუმ 2 კომპანიის)
• საბანკო რეკვიზიტები (ბანკის მიერ გაცემული ბეჭდიანი ცნობის სახით)

ტენდერში გამარჯვების შემთხვევაში, წარმოსადგენი დოკუმენტაცია:

• ცნობა საჯარო რეესტრიდან, რომ არ მიმდინარეობს კომპანიის რეორგანიზაცია ან ლიკვიდაცია;
• ცნობა სასამართლოდან, რომ კომპანიის მიმართ არ მიმდინარეობს გაკოტრების ან სანაციის საქმის წარმოება;
• ცნობა შემოსავლების სამსახურიდან ბიუჯეტის მიმართ დავალიანების არ არსებობის შესახებ;
• ცნობა საჯარო რეესტრიდან, რომ იურიდიული პირის ქონება არ არის დატვირთული საგადასახადო გირავნობით/იპოთეკით/ ან/და არ ადევს ყადაღა/საჯარო სამართლებრივი შეზღუდვა;
• ცნობა მომსახურე ბანკიდან ანგარიშზე საინკასო დავალების/ყადაღის არ არსებობის შესახებ;

დამატებითი ინფორმაცია:

დამკვეთი უფლებამოსილია მოითხოვოს დამატებითი ინფორმაცია და დეტალები ტენდერის მონაწილეებისგან, დამკვეთს ასევე შეუძლია, საჭიროების შემთხვევაში, ჩაატაროს წინასწარი გასაუბრება მათთან. 

წინადადების წარდგენის წესები:

შეთავაზება უნდა წარმოადგინოთ ქართულ ენაზე, დალუქული კონვერტით დამკვეთის მისამართზე -თბილისი, 0160, პეკინის გამზ. 34/ალ. ყაზბეგის გამზ. 2ა. კონვერტზე აუცილებლად უნდა მიუთითოთ ტენდერის დასახელება და ნომერი - „ტენდერი დაბა მანგლისში არსებული სკოლის ეზოს საფარის (ასფალტის) დაგების, მოკირწყვლის (სარინელი) და ბორდიურების დაგების სამუშაოების წარმოებაზე #03-24/02/25-MNG/ASP“, პრეტენდენტის შესახებ ინფორმაცია და საკონტაქტო ინფორმაცია. კონვერტზე ასევე უნდა მიუთითოთ ადრესატი: GIG ჰოლდინგის კანცელარია - (995 32) 221 01 87.

 სატენდერო წინადადების წარმოდგენის ბოლო ვადა: 2025 წლის 7 მარტი, 16:00 სთ.

საკონტაქტო პირები:

სატენდერო საბუთებთან დაკავშირებით - ნათია გელაშვილი, 577 75 60 06

ტექნიკურ საკითხებზე კითხვების შემთხვევაში -შალვა მჭედლიძე, 577 59 59 38

ტენდერის კატეგორია:

• 71500000 მშენებლობასთან დაკავშირებული მომსახურებები
• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები
• 45300000 სამშენებლო-სამონტაჟო სამუშაოები