ფასთა გამოკითხვის საგანს წარმოადგენს, სასხორის კირქვის კარიერზე (ლიც. #32/0398/ II K) და დედოფლისწყაროს კირქვის კარიერზე (ლიც. #1001352) რელიეფის ტოპო გადაღებითი სამუშაოები.

სასხორის კირქვის კარიერის (ლიც. #32/0398/ II K) დასავლეთ უბნის 2025 წლის სამთო სამუშაოების გეგმაში საჭიროა მუშა ჰორიზონტების ადგილმდებარეობის (მოპოვების უბნების) ცვლილება, რათა მოპოვებულ სამთო მასაში შენარჩუნდეს საჭირო კონდიციები (სასარგებლო კომპონენტების მოცულობა). კორექტირება აუცილებელია კარიერის გეგმასა და ჭრილებზეც, რომელზეც უნდა აისახოს საფეხურების მდგომარეობა გამომუშავების მომენტისთვის, რისთვისაც საჭიროა კარიერის რელიეფის აეროფოტოგრამმეტრიული გადაღება და ტოპოგრაფიული რუკის შედგენა. ტოპოგეგმაზე დატანილი იქნება საანგარიშო პერიოდში დამუშავებული ფართობები. რელიეფის ციფრული მოდელის შესაქმნელად და სამთო-მოპოვებითი სამუშაოების დაგეგმვისთვის საჭიროა ტოპო-გადაღება ამავე ლიცენზიის აღმოსავლეთ უბანზეც.

აგრეთვე საჭიროა ტოპო გადაღება დედოფლისწყაროს კირქვის კარიერზე (ლიც.#1001352), ფართობი -16 ჰა. აღნიშნულ კარიერზე დაგეგმილია გადახსნითი სამუშაოები.

გადასაღები ტერიტორიების ფართობები ლიცენზიების მიხედვით:

სასხორის კირქვის კარიერი, ლიცენზიის #32/0398/ II K დასავლეთ უბანი: 364,580 მ2; სასხორის კირქვის კარიერი, ლიცენზიის #32/0398/ II K აღმოსავლეთ უბანი: 233,210 მ2; დედოფლისწყაროს კირქვის კარიერი, ლიცენზიის #1001352: 160,000 მ2.

ამ ფასთა გამოკითხვის საგანს წარმოადგენს აღნიშნული ტერიტორიების ტოპო გადაღებითი სამუშაოები იმ მოცულობით რაც განსაზღვრულია ქვეყანაში მოქმედი კანონმდებლობით და რაც აუცილებელია რელიეფის ციფრული მოდელების ასაგებად, რაც ასევე წარმოადგენს შემსრულებლის ვალდებულებას.

ტოპო გადაღებითი სამუშაოების შესრულების საბოლოო დოკუმენტაცია: გადაღებული ტერიტორების რელიეფის ციფრული მოდელები DXF ფორმატში.

,,ჰანიველ ცემენტი’’ წამყვანი ბრენდია საქართველოს ცემენტის ბაზარზე. ის ამარაგებს თითქმის ყველა მსხვილ სამშენებლო პროექტს ცემენტით და ბეტონით, მეტიც, კომპანია წარმოადგენს კლინკერის ერთადერთ მწარმოებელს ქვეყანაში. კომპანიას ქვეყნის მასშტაბით 1200-ზე მეტი ადამიანი ჰყავს დასაქმებული. კომპანია ფლობს ცემენტის ქარხნებს კასპსა და რუსთავში, ცემენტის წისქვილს ფოთში და ცემენტის ტერმინალს სუფსაში, ასევე, ბეტონის საწარმოებს საქართველოს სხვადასხვა რეგიონში.