ტენდერის აღწერილობა:

საქართველოს საზოგადოებრივ საქმეთა ინსტიტუტის, სოფლის მეურნეობის განვითარების დეპარტამენტი ევროკავშირის მიერ დაფინანსებული პროექტის „სოფლის განვითარების ახალი მიდგომის ხელშეწყობა ახალქალაქში“ ფარგლებში აცხადებს ტენდერს ბანაკის კვებით მომსახურებაზე.

სამუშაოს ტექნიკური აღწერილობა და მომსახურებათა ჩამონათვალი:

ბანაკი მოეწყობა 2017 წლის სექტემბრის თვეში, ახალქალაქის მუნიციპალიტეტში. ბანაკის ხანგრძლივობა შეადგენს 10 დღეს. მიმწოდებელმა უნდა უქრუნველყოს ბანაკში მყოფი (40 პერსონის კვების მომსახურება. პრეტენდენტის მიერ შემოთავაზებული მომსახურება უნდა აკმაყოფილებდეს შემდეგ მოთხოვნებს:

• პრეტენდენტმა უნდა განახორციელოს ბანაკის მონაწილეთა და ტექნიკური პერსონალის (40 პერსონა) მომსახურება საუზმით, სადილით, სამხარით და ვახშამით;
• მოწოდებული საკვები უნდა დამზადდეს სურსათის უვნებლობის მოთხოვნების სრული დაცვით;
• დამზადებული საკვების ტრანსპორტირება უნდა განახორციელოს ტენდერში გამარჯვებულმა ორგანიზაციამ;
• ტრანსპორტირების დროს დაცული უნდა იყოს კვების სურსათის უვნებლობის ნორმები, ცივი ჯაჭვის პრინციპი და სხვა შესაბამისი მოთხოვნები;
• მოწოდებული საკვები უნდა აკმაყოფილებდეს სამიზნე ჯგუფის (17-24 წლამდე ახალგაზრდები, დატვირთული სპორტული აქტივობებით) ენერგეტიკული ღირებულების ნორმებს;
• საკვები უნდა იყოს დაბალანსებული (ხორცი, თევზი, ფრინველი, კვერცხი, რძის პროდუქტები, მარცვლეული, ბურღულეული, ხილი და ბოსტნეული);
• შემოთავაზებული საკვები სავალდებულოა იყოს ცვლადი და მენიუ შეიცვალოს ყოველდრიურად;
• პრეტენდენტი ვალდებულია ასევე, დამკვეთს მიაწოდოს ქარხნულად დალუქული სასმელი წყალი და გაზირებული მინერალური წყლის ყოველდღიური ნორმა (40 პერსონაზე), კოპმაქტური შეფუთვით;
• პრეტენდენტი ვალდებულია ბანაკი უზრუნველყოს შესაბამისი ერთჯერადი ჭურჭლითა და ჰიგიენური აღჭურვილობით.

დამატებითი მოთხოვნები:

• სოციალური, გასართობი და სადემონსტრაციო აქტივობების ფარგლებში გამოყოს მზარეული/ები, ბანაკის ტერიტორიაზე საკვების მოსამზადებლათ (მაქსიმუმ 5-ჯერ ბანაკის განხორციელების პერიოდში);
• წინასწარი შეთანხმების საფუძველზე, პერმანენტულად მიაწოდოს დამკვეთს კომპაქტურად შეფუთული საკვები, ლაშქრობის ან/და ექსკურსიებისთვის (მაქსიმუმ 5-ჯერ ბანაკის განხორციელების პერიოდში);
• უზრუნველყოს საკვები ნარჩენების მართვა და გატანა ბანაკის ტერიტორიიდან ყოველდღიურად.

შენიშვნა: ტენდერში მონაწილებით პრეტენდენტი ეთანხმება, სატენდერო დოკუმენტაციით განსაზღვრულ ტექნიკურ პირობებს. 

პრეტენდენტის მიერ წარმოსადგენი დოკუმენტაცია:

• პრეტენდენტის რეკვიზიტები (კომპანიის სრული დასახელება, საინდ. კოდი, იურიდიული მისამართი მომსახურე ბანკი, ანგ. ნომერი);
• იმ პიროვნებათა რეზიუმე, რომლებიც უშუალოდ დაამზადებენ და მიაწვდიან საკვებს ბანაკის ტერიტორიაზე.
• ფასების ცხრილი (მე-4 მუხლის შესაბამისად) .

ტენდერის ჩაბარების პირობები: 

პრეტენდენტებმა არაუგვიანეს 2017 წლის 02 სექტემბრისა, ზემოაღნიშნული დოკუმენტები უნდა წარმოადგინონ, ქ. თბილისში ი. გურჯის 7ბ-ში ან გამოაგზავნონ შემდეგ მეილებზე l.bokuchava@gipa.ge   E.molashkhia@gipa.ge .

საკონტაქტო პირები:

• 577 61 44 44 ლაშა ბოკუჩავა;
• 577 10 11 07 ეკა მოლაშხია.

ტენდერის კატეგორია:

• 55300000 რესტორნებისა და კვების საწარმოების მომსახურეობები
• 55500000 სასადილოებისა და საზოგადოებრივი კვების საწარმოების მომსახურება