ტენდერის აღწერილობა:

შპს „ჯორჯიან უოთერ ენდ ფაუერი“ (GWP) აცხადებს ელექტრონულ ტენდერს ბოდორნა-ღრმაღელეს წყალმომარაგების გვირაბის დაზიანებული მონაკვეთების სარეაბილიტაციო სამუშაოების ჩატარების შესყიდვაზე.

1.2 მომსახურების/სამუშაოს აღწერა (ტექნიკური დავალება), შესყიდვის ობიექტის რაოდენობა/მოცულობა

• ბოდორნა-ღრმაღელეს წყალმომარაგების გვირაბის დაზიანებული მონაკვეთების რეაბილიტაციის შესყიდვა ქვემოთ მოცემული მოცულობების შესაბამისად განხორციელდება:
• გვირაბის სარეაბილიტაციო სამუშაოების ტექნიკური სპეციფიკაციები მოცემული იქნება დანართი N1 (რომელიც ტენდერზე დაიდება 2026 წლის 2 თებერვალს)
• განსაკუთრებული მოთხოვნები:
• გამარჯვებული პრეტენდენტი ვალდებულია უზრუნველყოს სამშენებლო სამუშაოების დაზღვევა მშენებლობის მთელი პერიოდის განმავლობაში და შესაბამისი სადაზღვევო პოლისი წარუდგინოს შპს „ჯორჯიან უოთერ ენდ ფაუერს“. აღნიშნულ პოლისში ბენეფიციარად მითითებული უნდა იყოს შპს „ჯორჯიან უოთერ ენდ ფაუერი“;

1.3 განფასება

პრეტენდენტმა უნდა წარმოადგინოს განფასება წინამდებარე დოკუმენტის 1.2 პუნქტში მოცემული ხარჯთაღრიცხვით განსაზღვრულ თითოეულ სამუშაოზე.

1.4 სამუშაოს შესრულების ფორმა, ადგილი და ვადა

ქ. თბილისი, გლდანი-ნაძალადევის რაიონი, ავჭალის დასახლება.

სამუშაოს შესრულების ვადა განისაზღვრება ხელშეკრულების გაფორმებიდან არაუმეტეს 30 კალენდარული დღის განმავლობაში, საიდანაც კონტრაქტორის მიერ უშულაოდ გვირაბში განსახორციელებელი სამუშაოების ვადა არ უნდა აღემატებოდეს 25 კალენდარულ დღეს. გვირაბში შესასრულებელი სამუშაოების შესრულების მიზნით გვირაბის (ჰესის გაჩერების) სავარაუდო ვადა განისაზღვრება 15 თებერვლიდან 16 მარტის ჩათვლით, რომელიც დაზუსტდება ხელშეკრულების მიმდინარეობის პროცესში, შესაბამისად ტენდერში გამარჯვებული კომპანია ვალდებული იქნება მხოლოდ ზემოთ განსაზღვრულ გვირაბის სავარაუდო გაჩერების ვადაში უზრუნველყოს უშუალოდ გვირაბში განსახორციელებელი სამუშაოების შესრულება.

1.5 მოთხოვნა საგარანტიო ვადის შესახებ

მოწოდებული მომსახურების საგარანტიო ვადა განისაზღვრება მომსახურების დასრულებიდან 12 (თორმეტი) თვის ვადით. 

1.6 მოთხოვნა პრეტენდენტის გამოცდილების შესახებ

მოთხოვნა ზოგადი გამოცდილების შესახებ: 

პრეტენდენტს უნდა გააჩნდეს ბოლო 5 წლის განმავლობაში მინიმუმ ორი მსგავსი მოცულობის და სირთულის სამუშაოების შესრულების წარმატებული გამოცდილება, რაზედაც უნდა წარმოადგინოს შესაბამისი დამადასტურებელი დოკუმენტები ხელშეკრულებ(ებ)ა და ამავე ხელშეკრულებ(ებ)ის სრულად შესრულების დამადასტურებელი დოკუმენტ(ებ)ი ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: NAT/CMR/SPA და ა.შ).

მოთხოვნა სპეციფიური გამოცდილების შესახებ:

პრეტენდენტს ჰიდროტექნიკური ნაგებობების მშენებლობის და რეაბილიტაციის სფეროში უნდა გააჩნდეს ბოლო 5 წლის განმავლობაში მინიმუმ ორი პროექტის შესრულების გამოცდილება, რაზედაც უნდა წარმოადგინოს შესაბამისი დამადასტურებელი დოკუმენტები ხელშეკრულებ(ებ)ა და ამავე ხელშეკრულებ(ებ)ის სრულად შესრულების დამადასტურებელი დოკუმენტ(ებ)ი ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: NAT/CMR/SPA და ა.შ). 

გამოცდილების დამადასტურებელი დოკუმენტებიდან უნდა დგინდებოდეს მინიმუმ ქვემოთ განსაზღვრული სამუშაოების შესრულება:

• ჰიდროტექნიკური ნაგებობების მშენებლობა და რეაბილიტაცია, წყალსატარი ან მსგავსი მშენებელობის დროს ზედაპირული და მიწისქვეშა წყლების რეგულირება;
• საცემენტაციო სამუშაოები გვირაბში და სხვა ჰიდროტექნიკურ ნაგებობებში;
• მიწისქვეშა რკინაბეტონის სამუშაოების შესრულება, დაზიანებული ბეტონის მოსახვის აღდგენა და რეაბილიტაცია;
• ფილტრაციული წყლების ლიკვიდაცია პოლიურეთანის ფისის ინექციების გამოყენებით.

1.7 მოთხოვნა პრეტენდენტის პერსონალის გამოცდილების შესახებ

პრეტენდენტს უნდა ჰყავდეს ცხრილში განსაზღვრულ პოზიციებზე დასაქმებული სათანადო კვალიფიკაციის მქონე თანამშრომლები, რომლებსაც უნდა გააჩნდეთ ჰიდროტექნიკური ნაგებობების, გვირაბების და მიწისქვეშა ნაგებობების მშენებელობის და რეაბილიტაციის სფეროში სამუშაო გამოცდილება, ამასთან კანდიდატებს უნდა ჰქონდეთ პროექტით მოთხოვნილი სამუშაოების ანალოგიური და პუნქტი 1.6-ში განსაზღვრული სპეციფიური სამუშაოების განხორციელების გამოცდილება არანკლებ ცხრილში დაფიქსირებული ვადის განმავლობაში, რაზედაც პრეტენდენტმა უნდა წარმოადგინოს შესაბამისი CV-ები.

გარდა წამყვანი სპეციალისტებისა, პრეტენდენტს უნდა ჰყავდეს ტექნიკური პერსონალი, კერძოდ მხაზველების და ტოპოგრაფების ჯგუფი, რომელთაც უნდა გააჩნდეთ გამოცდილება საშემსრულებლო დოკუმენტაციის (ნახაზები, სქემები) მომზადებასა და შესრულებული სამუშაოების მოცულობების დადგენაში (აზომვაში) არანკლებ ცხრილში განსაზღვრული ვადით, აღნიშ 

ცხრილში განსაზღვრული თითოეული პოზიციისთვის პრეტენდენტმა უნდა წარმოადგინოს როგორც ძირითადი ასევე ალტერნატიული კანდიდატის მონაცემები.

1.8 მოთხოვნა პრეტენდენტის მატერიალურ-ტექნიკური ბაზის შესახებ

პრეტენდენტს სამუშაოების განსახორციელებლად უნდა გააჩნდეს მინიმუმ ცხრილში განსაზღვრული (ან მისი ალტერნატიული) საჭირო აღჭურვილობა. 

შენიშვნა: შემსყიდველი იტოვებს უფლებას განახორციელოს პრეტენდენტის მატერიალურ- ტექნიკური ბაზის ადგილზე დათვალიერება და მათ მიერ ტენდერში განსაზღვრული საჭირო აღჭურვილობის ინსპექტირება. 

1.9 ქვეკონტრაქტორთან დაკავშირებული მოთხოვნები

ქვეკონტრაქტორი (ასეთის არსებობის შემთხვევაში) უნდა აკმაყოფილებდეს სატენდერო დოკუმენტაციის 1.6, 1.7 და 1.8 პუნქტებით განსაზღვრულ მოთხოვნებს, რაზედაც წარმოდგენილ უნდა იქნას დასახელებული პუნქტებით გათვალისწინებული დოკუმენტაცია.

1.10 ანგარიშსწორების პირობები

ანგარიშსწორება მოხდება კონსიგნაციის წესით, უნაღდო ანგარიშსწორებით შესრულებულ სამუშაოზე მიღება-ჩაბარების აქტის გაფორმებიდან 30 (ოცდაათი) კალენდარული დღის განმავლობაში. 

დასაშვებია ავანსი არაუმეტეს ხელშეკრულების ჯამური ღირებულების 20%-ის ოდენობით, ასეთ შემთხვევაში ანგარიშსწორება განხორიციელდება მხოლოდ საავანსო გარანტიის საფუძველზე.

1.11 ხელშეკრულების შესრულების უზრუნველყოფის გარანტია

შემსრულებელი ვალდებულია ხელშეკრულების ხელმოწერიდან 7 (შვიდი) კალენდარული დღის ვადაში წარმოადგიანოს ხელშეკრულების შესრულების უზრუნველყოფის გარანტია წარმოდგენილი წინადადების 5%-ის ოდენობით, რომელიც გაცემული უნდა იყოს საქართველოში ლიცენზირებული ბანკის ან „ეკონომიკური თანამშრომლობისა და განვითარების ორგანიზაციის“ („OECD“) წევრი ქვეყნის ბანკის მიერ და რომლის მოქმედების ვადა მინიმუმ 60 კალენდარული დღით უნდა აღემატებოდეს ხელშეკრულების მოქმედების ვადას, ზემოთ განსაზღვრულ ვადაში გარანტიის წარმოუდგენლობის შემთხვევაში დამკვეთი იტოვებს უფლებას შეწყვიტოს ხელშეკრულება.

1.12 პრეტენდენტის მიერ ელექტრონულ ტენდერში ასატვირთი/წარმოსადგენი მონაცემები:

• ხარჯთაღრიცხვა განსაკუთრებული მოთხოვნების გათვალისწინებით (პუნქტი 1.2);
•  გამოცდილების დამადასტურებელი დოკუმენტები 1.6 პუნქტის შესაბამისად;
• პერსონალის გამოცდილების დამადასტურებელი დოკუმენტები 1.7 პუნქტის შესაბამისად;
• iნფორმაცია მატერიალურ-ტექნიკური ბაზის შესახებ 1.8 პუნქტის შესაბამისად;
• ინფორმაცია შესრულებული სამუშაოს საგარანტიო ვადის შესახებ 1.5 პუნქტის შესაბამისად;
• სამუშაოების შესრულების დეტალური გეგმა-გრაფიკი;
• ქვეკონტრაქტორის ასეთის არსებობის შემთხვევაში პრეტენდენტსა და ქვეკონტრაქტორს შორის გაფორმებული სამართლებრივი ურთიერთობის დამადასტურებელი დოკუმენტი და 1.9 პუნქტით განსაზღვრული დოკუმენტები.
• ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, რომელიც გაცემული უნდა იყოს წინამდებარე ელექტრონული ტენდერის გამოცხადების თარიღის შემდეგ;
• ხელმოწერილი კონტრაქტორის განაცხადი (გარემოსდაცვითი და სოციალური მართვის გეგმებისთვის) 
• ყველა სხვა ინფორმაცია, რომელიც მოთხოვნილია წინამდებარე დოკუმენტით ან მის დანართებში არსებული მოთხოვნების შესაბამისად.

ყურადღება: პრეტენდენტის მიერ 1.12 პუნქტში მოცემული დოკუმენტების არასრულყოფილად წარმოდგენის შემთხვევაში, სატენდერო წინადადება არ განიხილება!

წინადადების მიწოდების საბოლოო ვადაა - 2026 წლის 6 თებერვალი, 17:00 საათი

წინადადების წარმოდგენის ფორმა: ქართულ ენაზე, ელექტრონული ფორმით (თითო ეგზემპლარი) 

შენიშვნა:
1) ელექტრონულ ტენდერში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა);
2) პრეტენდენტის მიერ შექმნილი ყველა დოკუმენტი ან/და ინფორმაცია სასურველია დადასტურებულ იქნას უფლებამოსილი პირის ელექტრონული ხელმოწერით ან კომპანიის ელექტრონული შტამპით.

1.13 სხვა მოთხოვნა

• წინადადების წარდგენის მომენტისთვის პრეტენდენტი არ უნდა იყოს:
  - გაკოტრების პროცესში;
  - ლიკვიდაციის პროცესში;
  - საქმიანობის დროებით შეჩერების მდგომარეობაში.
• ფასების წარმოდგენა დასაშვებია მხოლოდ საქართველოს ეროვნულ ვალუტაში (ლარი). ფასები უნდა მოიცავდეს ამ ტენდერით გათვალისწინებულ ყველა ხარჯსა და კანონით გათვალისწინებულ გადასახადებს.
• პრეტენდენტის მიერ წარმოდგენილი წინადადება ძალაში უნდა იყოს წინადადებების მიღების თარიღიდან 30 (ოცდაათი) კალენდარული დღის განმავლობაში.
• შპს „ჯორჯიან უოთერ ენდ ფაუერი“ უფლებას იტოვებს თვითონ განსაზღვროს ტენდერისდასრულების ვადა, შეცვალოს ტენდერის პირობები, რასაც დროულად აცნობებს ტენდერის მონაწილეებს, ან შეწყვიტოს ტენდერი მისი მიმდინარეობის ნებმისმიერ ეტაპზე.

შპს „ჯორჯიან უოთერ ენდ ფაუერი“ გამარჯვებულ მიმწოდებელს გამოავლენს სატენდერო კომისიაზე და გადაწყვეტილებას აცნობებს ყველა მონაწილე კომპანიას. შპს „ჯორჯიან უოთერ ენდ ფაუერი“ არ არის ვალდებული მონაწილე კომპანიას მისცეს სიტყვიერი ან წერილობით ახსნა-განმარტება კონსკურსთან დაკავშირებულ ნებისმიერ გადაწყვეტილებაზე.

შპს „ჯორჯიან უოთერ ენდ ფაუერი“ იტოვებს უფლებას გადაამოწმოს პრეტენდენტებისგან მიღებული ნებისმიერი სახის ინფორმაცია, ასევე მოიძიოს ინფორმაცია პრეტენდენტი კომპანიის ან მისი საქმიანობის შესახებ. იმ შემთხვევაში, თუ დადასტურდება, რომ პრეტენდენტის მხრიდან მოწოდებული ინფორმაცია არ შეესაბამება სინამდვილეს ან გაყალბებულია, პრეტენდენტი იქნება დისკვალიფიცირებული.

გთხოვთ გაითვალისწინოთ, რომ შპს „ჯორჯიან უოთერ ენდ ფაუერი“ არ მიიღებს არავითარ ზეპირ შეკითხვას დამატებითი ინფორმაციის მისაღებად. გამონაკლისის სახით მიიღება შეკითხვები ტელეფონით. 

შენიშვნა: ნებისმიერი სხვა ინფორმაცია, მოპოვებული სხვა გზით არ იქნება ოფიციალური და არ წარმოშობს არავითარ ვალდებულებას შპს „ჯორჯიან უოთერ ენდ ფაუერის“ მხრიდან.

პასუხისმგებელი პირი: შპს „ჯორჯიან უოთერ ენდ ფაუერი“ (GWP), საიდენტიფიკაციო ნომერი 203826002, პერსონალურ მონაცემთა დაცვის მიზნებისთვის - პერსონალურ მონაცემთა დაცვის ოფიცერი, სათავო ოფისი, მედეა (მზია) ჯუღელის ქ. N10, თბილისი 0179, საქართველო; საკონტაქტო ელ-ფოსტა: pdpo@gwp.ge. მონაცემთა დამუშავების მიზანი: მესამე მხარის შესახებ ღია-წყაროებზე დაყრდნობით ანალიზის ჩატარება, რათა შეფასდეს მესამე მხარესთან პოტენციური ურთიერთობისას შესაბამისობის რისკები. ლეგიტიმაცია: პროფესიული ან/და კომერციული ურთიერთობა. მიმღებები: თქვენი მონაცემები არ გადაეცემა რომელიმე მესამე მხარეს, გარდა კანონიერი ვალდებულების ან უფლების შემთხვევისა. შენახვა: თქვენი მონაცემები ინახება კომპანიის შეფასებისთვის საჭირო დროის და სახელშეკრულებო ურთიერთობის განმავლობაში. აღნიშნული დროის გასვლის შემდეგ თქვენი პერსონალური მონაცემები დაიბლოკება კანონმდებლობით დაშვებული ვადით. როგორც კი ხსენებული ვადები ამოიწურება, არსებული ინფორმაცია განადგურდება. უფლებები: თქვენ შეგიძლიათ ისარგებლოთ მონაცემებზე წვდომის, მონაცემთა გასწორების, განახლების, წაშლის, დამუშავების შეზღუდვის ან აკრძალვის უფლებით, ასევე გააუქმოთ გაცემული თანხმობა წერილობითი მიმართვის მაიდენტიფიცირებელი გრიფით „მონაცემთა დაცვა“ გაგზავნით პერსონალურ მონაცემთა დაცვის ოფიცერთან, შპს „ჯორჯიან უოთერ ენდ ფაუერი“, მედეა (მზია) ჯუღელის ქუჩა N10, თბილისი 0179, საქართველო, ან ელექტრონული ფოსტის გაგზავნით შემდეგ მისამართზე: pdpo@gwp.ge, რომელშიც უნდა მიუთითოთ ის უფლება, რომელსაც ახორციელებთ და რომელიც ხელმოწერილი უნდა იყოს თქვენ მიერ (ფიზიკურად ან ელექტრონულად). თუ ვერ ხერხდება თქვენი ვინაობის დადგენა, შეიძლება ჩვენი მხრიდან დამატებით მოთხოვნილ იქნას ინფორმაცია, მათ შორის, და არა მხოლოდ თქვენი პირადობის მოწმობის ასლი. პრეტენზიის შემთხვევაში, დაინტერესებულ პირებს უფლება აქვთ მიმართონ საქართველოს პერსონალურ მონაცემთა დაცვის სამსახურს (www.personaldata.ge).

ყოველგვარი ეჭვის გამოსარიცხად შპს „ჯორჯიან უოთერ ენდ ფაუერი“ ხაზგასმით აღნიშნავს საორიენტაციო ჯამური მოცულობა არის სავარაუდო და მისი მითითება არც ერთ შემთხვევაში არ შეიძლება განიმარტოს როგორც შპს „ჯორჯიან უოთერ ენდ ფაუერის“ ვალდებულება შეისყიდოს საქონელი/მომსახურება საორიენტაციო ჯამური მოცულობით. საორიენტაციო ჯამური მოცულობა არ წარმოადგენს ხელშეკრულების გაფორმების შემთხვევაში ხელშეკრულების მოქმედების ვადის განმავლობაში შესასყიდი საქონლის/მომსახურების ზუსტ მოცულობას, ფაქტობრივად შესყიდული საქონლის/მომსახურების მოცულობა შესაძლოა მნიშვნელოვნად განსხვავდებოდეს (იყოს მეტი ან ნაკლები) საორიენტაციო ჯამური მოცულობისგან, ასეთ შემთხვევაში: (ა) ტენდერში მონაწილე გარანტიას იძლევა, რომ იგი ამ საფუძვლით არ მოითხოვს ზიანის ანაზღაურებას და აცხადებს უარს ამ საფუძვლით რაიმე სახის ზიანის/ზარალის ანაზღაურების მოთხოვნაზე, (ბ) ეს გარემოება არ შეიძლება გახდეს ტენდერში მონაწილე პირის მიერ შპს „ჯორჯიან უოთერ ენდ ფაუერთან“ ხელშეკრულების შეწყვეტის ან სახელშეკრულებო პირობების ცვლილების მოთხოვნის საფუძველი. ტენდერში მონაწილეობით ტენდერში მონაწილე ეთანხმება ამ პირობებს და მათ მიმართ პრეტენზიები არ გააჩნია. 

გთხოვთ, ასევე გაითვალისწინოთ რომ პრეტენდენტი კომპანია უნდა იყოს იგივე შპს, რომლის მიერ ხდება წინადადების ატვირთვა. 

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი;
• სატენდერო წინადადების წარმოდგენის ბოლო ვადა: 2026 წლის 6 თებერვალი, 17:00 საათი
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ტენდერში მონაწილეობა უფასოა
  
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში 

საკონტაქტო ინფორმაცია:

საკონტაქტო პირი: მარიამ სილაგაძე
მის.: ქ. თბილისი, მედეა (მზია) ჯუღელის ქუჩა N10
ელ. ფოსტა: msilagadze@gwp.ge
ელ.: +995 322 931111 (1147); 599 723 003

საკონტაქტო პირი: მაგდა ლომთათიძე
მის: ქ. თბილისი, მედეა (მზია) ჯუღელის ქუჩა N10
ელ. ფოსტა: mlomtatidze@gwp.ge
ტელ.: +995 322 931111; 595 22 66 94

ტენდერის კატეგორია:

• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები
• 90400000 ჩამდინარე წყლებთან დაკავშირებული მომსახურებები