ტენდერის აღწერილობა:

შპს „დაირექტ დებიტ ჯორჯია“ ს/კ 205130464  აცხადებს ელექტრონულ ტენდერს სწრაფი გადახდის ტერმინალის მეტალის კორპუსისა და ქუდის აღდგენის, კოროზიის მოცილების, დამუშავების, შეღებვისა და დაშლა-აწყობის მომსახურების შესყიდვაზე, 2 (ორი) წლის ვადით.

დაინტერესებულმა პირებმა წინადადება უნდა წარმოადგინონ შესყიდვების ელექტრონული სისტემის - www.tenders.ge - საშუალებით ტენდერი ჩატარდება ვაჭრობის გარეშე.

შესყიდვის ობიექტი:

ძირითადი მოთხოვნები:

მეტალის კორპუსი

მომსახურება უნდა მოიცავდეს:

• მეტალის კორპუსის დაშლას; 
• კოროზიის სრულ მოცილებას; 
• კოროზირებული/დაზიანებული მეტალის ელემენტების აღდგენას ან შეცვლას;
• ზედაპირის დამუშავებას ანტიკოროზიული გრუნტით; 
• შეღებვას ანტიკოროზიული საღებავით შემდეგი სპეციფიკაციით (მომსახურება მოიცავს როგორც გარე, ასევე შიდა ზედაპირების დამუშავებას):
  - ტერმინალის კორპუსი – ნარინჯისფერი;
  - ტერმინალის კარი – თეთრი;
  - მონიტორის პანელი – ნარინჯისფერი;
  - ტერმინალის პანელი – თეთრი;
  - ტერმინალის ძირი – თეთრი;
• შეღებილი კორპუსის სრული აწყობა;
• ერთი კორპუსის დამუშავების საშუალო ფართობი შეადგენს დაახლოებით 3.5-4.0 მ²-ს. (აღნიშნული მაჩვენებლები არის საორიენტაციო და არ წარმოადგენს ფასის კორექტირების საფუძველს)

მეტალის ქუდი

მომსახურება უნდა მოიცავდეს:

• მეტალის ზედაპირის დამუშავებას; 
• კოროზიის მოცილებას; 
• დაზიანებული უბნების აღდგენას ან შეცვლას; 
• შეღებვას ანტიკოროზიული საღებავით (ნარინჯისფერი); (მომსახურება მოიცავს როგორც გარე, ასევე შიდა ზედაპირების დამუშავებას);
• ერთი ქუდის დამუშავების საშუალო ფართობი შეადგენს დაახლოებით 0.8-0.9 მ²-ს. (აღნიშნული მაჩვენებლები არის საორიენტაციო და არ წარმოადგენს ფასის კორექტირების საფუძველს)

ტრანსპორტირება:

ტრანსპორტირებას უზრუნველყოფს დამკვეთი.

წარმადობა:

მინიმალური წარმადობა: თვეში არანაკლებ 50 ერთეული კორპუსი და 50 ერთეული ქუდი.

სატენდერო წინადადება:

სატენდერო წინადადება უნდა მოიცავდეს:

• ერთეულის ფასს; 
• დეტალურ ხარჯთაღრიცხვას; 
• გამოყენებული მასალების ჩამონათვალს; 
• სატესტო სამუშაოს შესრულებას (შეფასების ეტაპზე).

ანაზღაურების პირობები:

ანაზღაურება განხორციელდება მიღება-ჩაბარების აქტის გაფორმებიდან 5 (ხუთი) სამუშაო დღის ვადაში, ყოველთვიურად.

სატენდერო პირობები: 

ტენდერში მონაწილეობის მისაღებად პრეტენდენტმა საჭიროა სისტემაში ატვირთოს უფლებამოსილი პირის მიერ ხელმოწერილი და ბეჭდით დადასტურებული შემდეგი დოკუმენტაცია (PDF ფორმატის ფაილები):

• დანართი N1- კომპანიის რეკვიზიტები;
• დანართი N2- ფასების ცხრილი
  - ფასები დაფიქსირებული უნდა იყოს ლარში დღგ-ს და კანონმდებლობით გათვალისწინებული გადასახადების ჩათვლით;
  - ღირებულებაში ტრანსპორტირების ხარჯი არ უნდა იყოს გათვალისწინებული;
• დანართი N3- განხორციელებული პროექტების და შესრულებული სამუშაოების ჩამონათვალი;
• დანართი N4- დეტალური ხარჯთაღრიცხვა

ტენდერში გამარჯვების კრიტერიუმია-ღირებულება და ხარისხი;

განფასებაში შეცდომის არსებობის შემთხვევაში უპირატესობა მიენიჭება ერთეულის ფასს;

სატენდერო შემოთავაზებაში და ელექტრონულად დაფიქსირებულ ფასთა ცდომილების (სხვაობის) შემთხვევაში უპირატესობა მიენიჭება ელექტრონულად დაფიქსირებულ ფასს;

გამარჯვებულად გამოცხადდება პრეტენდენტი, რომელიც წარმოადგენს უკეთეს ფასს და დააკმაყოფილებს სატენდერო ტექნიკურ მოთხოვნებს;

ავანსის მოთხოვნის შემთხვევაში დამკვეთი უფლებამოსილია მოითხოვოს საბანკო გარანტია ავანსად გასაცემი თანხის ოდენობით, ასევე შემოსავლების სამსახურიდან გაცემული შედარების აქტი, რომელშიც არ უნდა ისახებოდეს დავალიანება.

მომწოდებლის მხრიდან შესაძლებელია მოხდეს დასაბუთებული პრეტენზიის წარდგენა 3 დღის ვადაში. ვადის ათვლა ხორციელდება მომწოდებლისთვის იმ ინფორმაციის მიწოდების დღიდან, რომელსაც შეეხება პრეტენზია.

დამკვეთის მიერ შესაძლებელია შეწყდეს ტენდერი, შესაბამისი მიზეზების არსებობის შემთხვევაში, რაზეც აუცილებლად ინფორმირებული იქნება ყველა მონაწილე; ასევე დამკვეთი იტოვებს უფლებას ტენდერი სცნოს ანულირებულად თუ ტენდერში მონაწილეობას მიიღებს მხოლოდ ერთი კომპანია;

სხვა პირობები განისაზღვრება მხარეთა შორის გაფორმებული ხელშეკრულებით.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნასwww.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2026 წლის 22 აპრილი, 15:00 საათი
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

ტენდერის მსვლელობის დროს ტექნიკურ და ტენდერის პროცესთან დაკავშირებით კითხვებზე დაუკავშირდით:

ლელა ტყეშელაშვილი
ტელ:  +995 599 27 87 97
ltkeshelashvili@ddg.ge 

ტენდერის კატეგორია:

• 44200000 სტრუქტურული მასალები
• 44400000 სხვადასხვა ქარხნული წარმოების მასალა და მათთან დაკავშირებული საგნები