ფასთა გამოკითხვის აღწერილობა:

იმერული დაფნა აცხადებს ფასთა გამოკითხვას არაუმეტეს 11,700 მ² ფართობის თანამედროვე სათბურის ტექნიკური დოკუმენტაციისა და დეტალური ხარჯთაღრიცხვის მომზადებაზე.

შესყიდვის დასახელება: არაუმეტეს 11,700 მ² ფართობის თანამედროვე სათბურის ტექნიკური დოკუმენტაციისა და დეტალური ხარჯთაღრიცხვის მომზადება.

1.ზოგადი ინფორმაცია:

აგროკომპანია აცხადებს ბაზრის კვლევას (ფასთა გამოკითხვას) იმერეთის რეგიონში, ბაღდათის მუნიციპალიტეტში, სოფელ ვარციხეში, არაუმეტეს 11,700 მ² ფართობის თანამედროვე ტიპის სათბურის მოწყობის ტექნიკური დოკუმენტაციისა და დეტალური ხარჯთაღრიცხვის მომზადების მომსახურებაზე. 

მნიშვნელოვანი მოთხოვნა:

მომზადებული ტექნიკური დოკუმენტაცია და ხარჯთაღრიცხვა სრულად უნდა შეესაბამებოდეს სოფლის განვითარების სააგენტოს (RDA) მოქმედი პროგრამებისა და კომერციული ბანკების („შეღავათიანი აგროკრედიტის“ პროგრამა) მიერ დაწესებულ საპროექტო-ტექნიკურ სტანდარტებსა და მოთხოვნებს. 

2. შესყიდვის ობიექტის მონაცემები:

საპროექტო ფართობი: არაუმეტეს 11,700 მ²
ადგილმდებარეობა: იმერეთის რეგიონი, ბაღდათის მუნიციპალიტეტი, სოფელი ვარციხე

3. მომსახურების მოცულობა (ტექნიკური დავალება):

საპროექტო დოკუმენტაცია უნდა მოიცავდეს:

3.1. სათბურის ტექნიკურ-საპროექტო და კონსტრუქციულ გადაწყვეტას:

სათბურის ტიპის, კონსტრუქციული მდგრადობისა და მასალების განსაზღვრას (რეგიონის ქარის, თოვლისა და კლიმატური დატვირთვების გათვალისწინებით);
ძირითადი საინჟინრო და ტექნოლოგიური სისტემების აღწერას.

3.2. საინჟინრო-ტექნოლოგიური სისტემების განსაზღვრას:

• სარწყავი და ფერტიგაციის სისტემებს (წყლის რეზერვუარების გათვალისწინებით);
  
• კლიმატ-კონტროლის, გათბობისა და ვენტილაციის ავტომატიზებულ/ტექნოლოგიურ სისტემებს;
• ობიექტის შიდა და გარე ინფრასტრუქტურულ მიერთებებს (ელ. ენერგია, წყალი, გაზი/საწვავი) და მათ ტექნიკურ პარამეტრებს.
  

3.3. ინოვაციურ მიდგომებსა და ტექნოლოგიებს:

• ენერგოეფექტური და თანამედროვე ტექნოლოგიური გადაწყვეტების (მაგ.: ავტომატიზებული კლიმატ-კონტროლი, ენერგორესურსების ოპტიმიზაცია, ჭკვიანი სარწყავი/ფერტიგაციის სისტემები) ინტეგრირებას საპროექტო გადაწყვეტილებებში.
• ძირითადი მასალებისა და აღჭურვილობის სრულ ტექნიკურ სპეციფიკაციას;
  
• სამშენებლო-სამონტაჟო, საინჟინრო და ტექნოლოგიური სამუშაოების გაშლილ ხარჯთაღრიცხვას — რაოდენობების, ერთეულის ფასებისა და ჯამური ღირებულებების მითითებით;
  
• ხარჯთაღრიცხვის მორგებას RDA-ს მიერ დადგენილ დასაფინანსებელ ხარჯთა კატეგორიებთან.
  

მოთხოვნები მიმწოდებლის გამოცდილების მიმართ

• სავალდებულო: RDA-ს თანადაფინანსების ან/და „შეღავათიანი აგროკრედიტის“ (ბანკების) ფარგლებში სათბურების ტექნიკური პროექტების მომზადების გამოცდილება;
  
• სავალდებულო: პრეტენდენტის/მისი გუნდის გამოცდილება სათბურების პროექტების უშუალო განხორციელებაში (მშენებლობა, საინჟინრო-ტექნოლოგიური სისტემების მონტაჟი ან/და საზედამხედველო/მართვით საქმიანობაში მონაწილეობა);
  
• უპირატესობა: მიენიჭება პრეტენდენტს, რომლის მიერ მომზადებული ტექნიკური პროექტების საფუძველზეც უკვე დაფინანსებულია და რეალიზებულია სათბურები RDA-ს ან/და კომერციული ბანკების მიერ.
  

დეტალური ინფორმაცია იხილეთ თანდართულ ფაილში.

წინადადებების მიღების პირობები

• წინადადების წარდგენის ბოლო ვადა: 30.10.2026
  
• წინადადების წარდგენის ფორმა: ელექტრონულად, ელ-ფოსტაზე: infoagroimereti@gmail.com
• დამატებითი კითხვებისთვის: ტელეფონი: +995 598 50 04 04

ტენდერის კატეგორია:

• 71200000 არქიტექტურული და მასთან დაკავშირებული მომსახურებები
• 71300000 საინჟინრო მომსახურებები