ტენდერის აღწერილობა:

სს ფინკა ბანკი საქართველო მიკროსაფინანსო ჰოლდინგის FINCA Microfinance Holdings (FMH) გლობალური ქსელის ნაწილია, ფინკა ბანკს ძლიერი საერთაშორისო ფინანსური პარტნიორები ჰყავს როგორიცაა: FINCA International (USA), საერთაშორისო ფინანსური კორპორაცია (IFC, World Bank Group) (USA), KFW Bankengruppe-გერმანიის განვითარების ბანკი, FMO-ნიდერლანდების გაერთიანებული ბანკი, responsAbility Social Investments AG, და Triple Jump. სს ფინკა ბანკი საქართველო, დღეისათვის 36 სერვის ცენტრის საშუალებით საბანკო მომსახურებას უწევს 100 000-ზე მეტ მომხმარებელს ქვეყნის თითქმის ყველა რეგიონში.

სს „ფინკა ბანკი საქართველო“ აცხადებს ტენდერს: ვიდეო-სამეთვალყურეო სისტემის შესყიდვა (თბილისსა და რეგიონებში). 

აპარატურის ჩამონათვალი:

ტექნიკური მოთხოვნები იხილეთ მიმაგრებულ ფაილში (დანართ #1)

ტენდერში გამარჯვებულმა კომპანიამ უნდა უზრუნველყოს შემდეგი სახის სამუშაოს შესრულება:

• შესაბამისი საქონლის მოწოდება და მონტაჟი ფინკა ბანკის ფილიალებში (ფილიალების ჩამონათვალი იხ.დანართ #2);
• აპარატურის განლაგების ნახაზისა და სამონტაჟო სქემის შემუშავება;
• დამონტაჟებული კამერების მოთხოვნის შესაბამისად გადაადგილება;
• ქსელის კაბელების მონტაჟი სამეთვალყურეო კამერებისთვის;
• კამერების მონტაჟი უნდა მოხდეს არასამუშაო დროს (შაბათ-კვირას)
• ქსელურ ჩამწერებზე და ვიდეო კამერებზე საგარანტიო ვადა უნდა შეადგენდეს მინიმუმ 3 (სამი) წელს მიღება–ჩაბარების აქტზე ხელმოწერის დღიდან;
• მყარ დისკებზე საგარანტიო ვადა უნდა შეადგენდეს მინიმუმ 2 (ორი) წელს მიღება–ჩაბარების აქტზე ხელმოწერის დღიდან;
• საგარანტიო ვადის განმავლობაში დაზიანებული საქონლის შეკეთება/გამოცვლა უნდა განხორციელდეს 3 (სამი) დღის ვადაში.

სატენდერო დოკუმენტაცია და საკვალიფიკაციო მოთხოვნები:

• მწარმოებელს უნდა გააჩნდეს მინიმუმ ერთი ავტორიზებული სერვის ცენტრი საქართველოში (სასურველია/ჩაითვლება უპირატესობად);
• მომწოდებელმა უნდა წარმოადგინოს MAF (Manufacturer Authorization Form) (სასურველია/ჩაითვლება უპირატესობად);
• მომწოდებელმა უნდა წარმოადგინოს განხორციელებული მსხვილი პროექტების ჩამონათვალი; o მომწოდებელმა უნდა წარმოადგინოს შემოთავაზებული
• საქონლის სრული ტექნიკური სპეციფიკაცია;
• მომწოდებელმა უნდა წარმოადგინოს შემოთავაზებული საქონლის მონტაჟის ხარჯთაღრიცხვა (გადაადგილების, ქსელის წერტილის გაყვანის და ა.შ.);
• მომწოდებელმა უნდა წარმოადგინოს სარეკომენდაციო წერილი;
• განახლებული ამონაწერი სამეწარმეო რეესტრიდან;
• მომწოდებელმა უნდა წარმოადგინოს ანგარიშსწორების პირობები; o მომწოდებელმა უნდა წარმოადგინოს მოწოდების პირობები;
• მომწოდებელმა უნდა წარმოადგინოს საგარანტიო პირობები;

ხანგრძლივი ურთიერთობა

• ხანგრძლივ ურთიერთობისთვის, სასურველია მოგვაწოდოთ მომსახურების პირობები და ფასები, იმ შემთხვევაში თუ დაგვჭირდა დაზიანებული კამერის შეცვლა ან სხვა რომელიმე ფილიალში კამერის დამატება.

ტენდერის ჩაბარების პირობები: 

დაინტერესებულმა კომპანიებმა შემოთავაზებული IP კამერების, სვიჩის, ქსელური ჩამწერის და მომსახურების პირობების დეტალები, შევსებული დანართი #1 და დანართ #2, სატენდერო დოკუმენტაციასთან ერთად უნდა წარმოადგინონ დალუქული კონვერტით ფინკა ბანკი საქართველოს სათავო ოფისში, მისამართზე: ქ.თბილისი, ვაჟა-ფშაველას 71, მესამე სართული, ოფისი 12, ყოველდღე შაბათ-კვირის გარდა 09:00-დან 18:00 საათამდე 2018 წლის 30 მარტის ჩათვლით.

კონვერტზე მითითებული უნდა იყოს მონაწილე კომპანიის დასახელება და ასევე, ტენდერის სახელწოდება: „ვიდეო-სამეთვალყურეო სისტემის შესყიდვა“

სს ფინკა ბანკი საქართველო ახორციელებს საქმიანობას უმაღლესი ეთიკური და პროფესიული სტანდარტების მიხედვით და ბანკის შიდა წესების მიხედვით, ბანკის თანამშრომელს და/ან მასთან დაკავშირებულ პირს არ შეიძლება ჰქონდეს პირდაპირი ან არაპირდაპირი ფინანსური ინტერესი ბანკის რომელიმე კონტრაჰენტთან (ინტერესთა კონფლიქტი). აღნიშნულის გათვალისწინებით, ტენდერში მონაწილე კომპანიასა და ბანკის თანამშრომელს და/ან მათთან დაკავშირებულ პირებს შორის არ უნდა არსებობდეს ინტერესთა კონფლიქტი.

დამატებითი შეკითხვების არსებობის შემთხვევაში, დაგვიკავშირდით ელ. ფოსტის მისამართზე: procurement@finca.ge  და Tamaz.Chomakhidze@finca.ge ;

ტენდერის კატეგორია:

• 35100000 საგანგებო სიტუაციების დროს გამოსაყენებელი მოწყობილობები და უსაფრთხოების საშუალებები
• 32300000 ტელედა რადიოსიგნალის მიმღებები და აუდიოან ვიდეოგამოსახულების ჩამწერი ან აღწარმოების აპარატურა