ტენდერის აღწერილობა:

CENN აცხადებს ტენდერს სასტუმროს მომსახურებაზე აჭარის რეგიონში გრძელვადიანი თანამშრომლობისათვის.

სასტუმრომ უნდა უზრუნველყოს შემდეგი სახის მომსახურება:

• სტუმრების განთავსება სასტუმროში, წლის ნებისმიერ დროს;
• ნომრების სისუფთავე;
• სანიტარული წერტილებისა და კონდიცირების სისტემების გამართული მუშაობა;
• სველ წერტილებში ცხელი წყალი;
• საკონფერენციო დარბაზით მომსახურება, წლის ნებისმიერ დროს;
• საკონფერენციო დარბაზის აღჭურვა პრეზენტაციის ჩასატარებლად საჭირო აპარატურით (პროექტორი, პროექტორის ეკრანი და ა.შ.)
• საკონფერენციო დარბაზსა და ნომრებში მაღალი სიჩქარის ინტერნეტ სერვისი;
• სამუშაოს შესრულების შემდეგ დათქმულ ვადაში, საჭირო ფინანსური დოკუმენტაციის: ინვოისი, ჩეკი, ფაქტურა და ა.შ. წარმოდგენა;

სატენდერო წინადადება უნდა შეიცავდეს შემდეგ ინფორმაციას:

• კომპანიის დასახელება, მისამართი, საკონტაქტო ტელეფონი (სავალდებულო);
• მომსახურების ჩამონათვალი და ღირებულება (Price List დღგ–ს გარეშე: ნომრების რაოდენობა და მათი ღირებულება; საკონფერენციო დარბაზის რაოდენობა და მათი ღირებულება, სავალდებულო);
• 2019 წლის ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს, რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და არ არის რეგისტრირებული მოვალეთა რეესტრში (სავალდებულო).

სატენდერო განაცხადი შეფასდება შემდეგი კრიტერიუმებით:

• მომსახურების ფასი;
• ოთახებისა და საკონფერენციო დარბაზების რაოდენობა;
• განაცხადის ტექნიკური შესაბამისობა;
• შესაბამისი კუთხით მუშაობის გამოცდილება (ასევე, CENN-თან თანამშრომლობის გამოცდილება); 

არასრულყოფილად წარმოდგენილი დოკუმენტაციის შემთხვევაში თქვენი შემოთავაზება არ განიხილება.

ტენდერის ჩაბარების პირობები:

დაინტერესებულმა პირებმა სატენდერო წინადადება უნდა წარმოადგინონ 2019 წლის 25 ნოემბრის ჩათვლით (18:00 საათი) ასოციაცია CENN-ის ოფისში მისამართზე: ქ. თბილისი, ბეთლემის ქუჩა #27 ან გამოაგზავნონ შემდეგ ელექტრონულ მისამართზე: giorgi.mamporia@cenn.org

ტენდერის კატეგორია:

• 55100000 სასტუმროს მომსახურება