ტენდერის აღწერილობა:

შპს ჰაიდელბერგცემენტ ჯორჯია აცხადებს ტენდერს სასხორის კარიერიდან კირქვის ტრანსპორტირებაზე კავთისხევის კარიერზე და კასპის ქარხანაში.

თვითმცლელებით კირქვის გადაზიდვა მოხდება ყოველდღე 24 საათიან გრაფიკში. სასხორი-კასპის 17 კილომეტრიანი გზის მონაკვეთზე 4 კილომეტრზე დაგებულია ბეტონის საფარი, ხოლო დანარჩენი 13 კილომეტრზე ხდება კომპანიის საკუთრებაში არსებული საგზაო ტექნიკით გზის მოსწორება. გზის საფარი გრუნტი/ხრეში/საკარიერო გზა.

სასხორი -კასპი (17 კმ ) - სასხორი - კავთისხევი (12 კმ), ჯამური ყოველდღიური გადასაზიდი მოცულობა 1300 ტონა ჯამში.

ფასები უნდა იყოს მოწოდებული და ფიქსირებული ლარში, უნდა  შეიცავდეს დღგ-ს, ყველა შესაძლო ხარჯს და გადასახადს რაც დაკავშირებული იქნება 1 ტონა კირქვის ტრანსპორტირებასთან.

კომპანიის მინიმალური მოთხოვნები:

• 1.5 მლნ ლარი ბრუნვის დამადასტურებელი საბუთი კალენდარული წლის განმავლობაში (ოქტომბერი 2019 - ოქტომბერი 2020), ბრუნვის მინიმუმ 70%-ს უნდა შეადგენდეს სატვირთო გადაზიდვები ან შიდა საკარიერო გადაზიდვები;
• კომერციულ წინადადებასთან ერთად კომპანიამ უნდა წარმოადგინოს საქართველოში ლიცენზირებული ბანკებიდან ერთ-ერთის (,,თიბისი ბანკი“ ,,საქართველოს ბანკი“, ,,ლიბერთი ბანკი“, ,,ბაზის ბანკი“, ვითიბი ბანკი“ პროკრედიტ ბანკი“, ,,ქართუ ბანკი“...) მიერ დადასტურებული „performance guaranty“ (საბანკო გარანტია) 300 000 ლარის ოდენობით. გარანტია ძალაში უნდა იყოს  გაცემიდან 1 წლის განმავლობაში;
• სარეკომენდაციო წერილები;
• ამონაწერი სამეწარმეო რეესტრიდან და საკონტაქტო ინფორმაცია;
• კომპანიას უნდა ჰყავდეს შრომისა და ჯანმთელობის დაცვის მენეჯერი.

სატვირთო მანქანებზე მინიმალური მოთხოვნები:

• სატვირთო მანქანები ადაპტირებული უნდა იყვნენ საკარიერო გადაზიდვებზე;
• თითოეულ სატვირთო მანქანაზე უნდა იყოს მიმაგრებული 3 მძღოლი (24 საათიანი სამუშაო გრაფიკის შესაბამისად);
• დატვირთვა დასაშვებია არაუმეტეს სატვირთო მაქნანის ტექნიკურ პასპორტში მითითებული მაქსიმალური დატვირთვისა.

კვალიფიციურ კომპანიებთან კარიერზე შეხვედრები მოხდება 19-23 ოქტომბერს. 

შერჩეულ კომაპნიებთან მოხდება ვიზიტები, საკუთრებაში არსებული სატრანსპორტო საშუალებების დათვალიერება და გასაუბრება.

გამარჯვებულ კომპანიასთან გაფორმდება 2 წლიანი ხელშეკრულება.

ტენდერის ჩაბარების პირობები:

• წინადადებების მიღების საბოლოო ვადაა 30 ოქტომბერი.
• პირველ ეტაპზე დაინტერესებულმა კომპანიები ტენდერში მონაწილების მისაღებად უნდა დარეგისტრირდნენ შემდეგ ბმულზე როგორც მომწოდებლები (https://easysupply.bravosolution.com/web/login.html) და გაიარონ წინასწარი კვალიფიკაცია/შეფასება.
• რეგისტრაციის შემდგომ, გამოაგზავნონ კომპანიის საიდენტიფიკაციო კოდი და საკონტაქტო ინფორმაცია, შემდეგ ელექტრონულ მისამართზე: GEORGE.LOBJANIDZE@HEIDELBERGCEMENT.GE
• ტენდერი ჩატარდება ჰაიდელბერგცემენტის ელექტრონული ტენდერების პლატფორმის საშუალებით. ტენდერში მონაწილეობას მიიღებენ მხოლოდ ის კომპანიები, რომლების გაივლიან შეფასებას და წინასწარი კვალიფიკაციის ეტაპს.

ტენდერის კატეგორია:

• 63100000 ტვირთის გადაზიდვისა და შენახვის მომსახურებები
• 63700000 სახმელეთო, წყლისა და საჰაერო ტრანსპორტის დამხმარე მომსახურებები