ტენდერის აღწერილობა:

შპს „ბიზნესისა და ტექნოლოგიების უნივერსიტეტი“ აცხადებს ტენდერს კომპიუტერული ტექნიკის და პროგრამული უზრუნველყოფის შესყიდვაზე.

შპს ბიზნესისა და ტექნოლოგიების უნივერსიტეტი ევროკავშირის მიერ დაფინანსებული ინსტიტუციური განვითარების პროექტის: „საქართველოსა და უკრაინის უსდ-ების როლის გაძლიერება ინდუსტრიულ ტრანსფორმაციაში ინდუსტრიული პარადიგმა 4.0-ის მეშვეობით“ (HEIn4, 609939-EPP-1-2019-1-BE-EPPKA2-CBHE-JP) აცხადებს ღია ტენდერს კომპიუტერული ტექნიკისა და პროგრამული უზრუნველყოფის შესყიდვაზე და იწვევს ტენდერში მონაწილეობის მისაღებად ყველა დაინტერესებულ პირს. 

ძირითადი მოთხოვნები:  ყველა დაინტერესებული მხარე, რომელიც აპირებს მონაწილეობის მიღებას წინამდებარე ტენდერში, უნდა აკმაყოფილებდეს
შემდეგ პირობებს: 

• კომპიუტერული ტექნიკით ვაჭრობის გამოცდილება ბოლო 2 წლის განმავლობაში; 
• ბოლო 2 წლის განმავლობაში განხორციელებული უნდა ჰქონდეს არანაკლებ ერთი მსგავსი მასშტაბის კონტრაქტი.

სხვა მოთხოვნები:

• სატენდერო წინადადების ფასი წარმოდგენილი უნდა იქნას  დანართ #1-ის შევსების გზით დღგ-ს გარეშე (პროექტი სარგებლობს საგადასახადო შეღავათით). ის ხარჯი, რომელიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
• შემოთავაზებული ტექნიკა და პროგრამული უზრუნველყოფა უნდა აკმაყოფილებდეს დანართ #1-ში მითითებულ ტექნიკურ მახასიათებლებს (სპეციფიკაციები).

შესყიდვის სავარაუდო მაქსიმალური ღირებულება: 

• ტექნიკა: 18 430 ევროს ექვივალენტი ლარში
• პროგრამული უზრუნველყოფა: 3000 ევროს ექვივალენტი ლარში

კონტრაქტის პირობები და ანაზღაურება:  

• კონტრაქტის ფარგლებში გამარჯვებულმა კომპანიამ უნდა  უზრუნველყოს აღნიშნული ტექნიკის მოწოდება 2021 წლის თებერვლის თვეში. 
• კონტრაქტით გათვალისწინებული თანხის სრული ანაზღაურება მოხდება ტექნიკის მიწოდებიდან და დამკვეთსა და კონტრაქტორს შორის მიღება-ჩაბარების აქტის გაფორმებიდან 7 სამუშაო დღის ვადაში,  უნაღდო ანგარიშსწორებით ეროვნულ ვალუტაში.
• ანაზღაურება მოხდება საქართველოს ეროვნულ ვალუტაში, საქართველოს ბანკის მიერ დადგენილი გაცვლითი კურსის შესაბამისად. 
• გამარჯვებულმა კომპანიამ უნდა გაითვალისწინოს, რომ წინამდებარე ტენდერის საფუძველზე შემოთავაზებული კომპიუტერული ტექნიკა 2021 წლის თებერვლის თვეში სრულად უნდა იმყოფებოდეს საქართველოს ტერიტორიაზე. 

შერჩევის კრიტერიუმები: 

• შემოთავაზებების განხილვის პროცესში უპირატესობა მიენიჭება იმ სატენდერო წინადადებას, რომელიც  დააკმაყოფილებს ყველა ზემოთ აღნიშნულ მოთხოვნას და წარმოადგენს კონკურენტულ ფასს. 
• შერჩევის ერთ-ერთ კრიტერიუმად ასევე განიხილება პრეტენდენტის მიერ შემოთავაზებული პროდუქციის უკეთესი ტექნიკური მახასიათებლები, ვიდრე ეს მითითებულია დანართ #1-ში. 
• არასრულად წარმოდგენილი სატენდერო წინადადება არ განიხილება. 

პროცედურა: წინამდებარე კონკურსში მონაწილეობის მისაღებად, ყველა დაინტერესებული მხარე ვალდებულია წარმოადგინოს შემდეგი სატენდერო დოკუმენტაცია:

• განცხადების ფორმა (იხილეთ ნიმუში);
• დანართი# 1 (ფასთა კვოტირების ფორმა; გაითვალისწინეთ, რომ ფასები წარმოდგენილი უნდა იყოს ლარის ეროვნულ ვალუტაში, დღგ-ს გარეშე).
• ამონაწერი სამეწარმეო რეესტრიდან, რომელიც გაცემული უნდა იყოს წინამდებარე ტენდერის გამოქვეყნების შემდეგ;
• ცნობა, რომ მის მიმართ არ ხორციელდება რეორგანიზაცია ან ლიკვიდაცია.

ტენდერის ჩაბარების პირობები:

• სატენდერო წინადადება ყველა ზემოთ ხსენებულ დოკუმენტაციასთან ერთად უნდა გამოიგზავნოს 2021 წლის 18 იანვრამდე შემდეგ ელ. მისამართზე: info@btu.edu.ge
  

საკონტაქტო ინფორმაცია:
მაია ნონიაშვილი
ტელ: +995 577 23 50 29

ტენდერის კატეგორია:

• 48900000 სხვადასხვა სახის პროგრამული პაკეტები და კომპიუტერული სისტემები
• 30200000 კომპიუტერული მოწყობილობები და აქსესუარები
• 48100000 პროგრამული უზრუნველყოფის სამრეწველო პაკეტები
• 48700000 პროგრამული პაკეტების მომსახურე პროგრამები