ტენდერის აღწერილობა:

სს „საქართველოს ბანკი“ აცხადებს ტენდერს საქართველოს მასშტაბით მდებარე სერვის-ცენტრებსა და ბექ-ოფისებში ელექტრულ სისტემებთან დაკავშირებული მომსახურების შესყიდვაზე.

ტენდერის მიზანია გამარჯვებულ კომპანიებთან გენერალური ხელშეკრულების გაფორმება, რომლის საფუძველზეც განისაზღვრება მხარეთა თანამშრომლობის ძირითადი პირობები ელექტრო-სამუშაოების მიმართულებით.

ხელშეკრულების სავარაუდო მოქმედების ვადაა 2 წელი. 

ტენდერის შედეგად შესაძლებელია შეირჩეს ერთზე მეტი მომწოდებელი, რომელთაც გადაეცემათ ბანკის მიერ დაფიქსირებული ინციდენტები.

საშუალო დატვირთვა თითო კომპანიაზე შეადგენს თვეში 20-40 ინციდენტს, საშუალო თვიური ღირებულებით 15,000–40,000 ლარის ფარგლებში.

ინციდენტების მოცულობა შეიძლება გაიზარდოს ან შემცირდეს მომსახურების ხარისხისა და სისწრაფის შესაბამისად.

სატენდერო წინადადების მოთხოვნები:

• პრეტენდენტმა უნდა წარმოადგინოს შემდეგი დოკუმენტაცია:
• პრეისკურანტი – ინციდენტების მომსახურებისა და მასალების ფასების ცხრილი (დანართი №1);
• კომპანიის ინფორმაცია – საქმიანობის მოკლე აღწერა, გამოცდილების მიმოხილვა (პორტფოლიო/პრეზენტაცია);
• სერტიფიკატები ან ლიცენზიები – შესაბამისი საქმიანობის დამადასტურებელი დოკუმენტები (არსებობის შემთხვევაში);
• დამადასტურებელი გამოცდილება – ბოლო 2 წლის განმავლობაში შესრულებული ანალოგიური სამუშაოების ხელშეკრულებები და მიღება-ჩაბარების აქტები საერთო ღირებულებით არანაკლებ 200,000 ლარისა.
• ალტერნატიულად, შესაძლებელია შესაბამისი CMR, SPA, NAT ნომრების მითითება სახელმწიფო შესყიდვების სისტემიდან.
• პრეტენდენტი არ უნდა იმყოფებოდეს ლიკვიდაციის, რეორგანიზაციის ან გადახდისუუნარობის პროცესში.
• ტენდერის მიმდინარეობისას ბანკს უფლება აქვს მოითხოვოს დამატებითი იურიდიული ან ფინანსური დოკუმენტები.

ანგარიშსწორების პირობები

• სატენდერო ფასები წარმოდგენილი უნდა იყოს საქართველოს ლარში, გადასახადების ჩათვლით.
• თითოეულ ინციდენტზე ანაზღაურება ხორციელდება თვეში ერთხელ.
• მომწოდებელი ვალდებულია ყოველი თვის 1-დან 5 რიცხვამდე წარმოადგინოს წინა თვეში შესრულებული ინციდენტების შესახებ ინფორმაცია ფორმა №2-ის სახით, რომელიც ეგზავნება ბანკის შესაბამისი მიმართულების პასუხისმგებელ პირებს დასადასტურებლად.
• დადასტურების შემდეგ, არაუგვიანეს 5 (ხუთი) სამუშაო დღის ვადაში, მომწოდებლის ანგარიშზე ირიცხება შესაბამისი თანხა.

მომწოდებლის ძირითადი ვალდებულებები

მომწოდებელი ვალდებულია:

• უზრუნველყოს ინციდენტებზე რეაგირება ბანკის მოთხოვნიდან: 
• თბილისში: არაუმეტეს 4 სამუშაო საათისა,
•  რეგიონებში: არაუმეტეს 12 სამუშაო საათისა; 

უზრუნველყოს პრობლემის საბოლოო მოგვარება:

• თბილისში: დამატებით არაუმეტეს 4 სამუშაო საათში,
•  რეგიონებში: დამატებით არაუმეტეს 8 სამუშაო საათში.
• (რეაგირების ვადები შესაძლებელია შეიცვალოს წინასწარი შეთანხმებით)

სამუშაოზე ინფორმაციის მიღება დაადასტუროს ბანკის შეტყობინებიდან არაუმეტეს 1 საათში;

ბანკის მოთხოვნის შესაბამისად მომწოდებელმა უნდა უზრუნველყოს გეგმიური სარევიზიო სამუშაოების ჩატარება და შესაბამისი გრაფიკის შეთანხმება;

უზრუნველყოს მომსახურების გაწევა როგორც სამუშაო საათებში, ასევე არასამუშაო დროს (შაბათ-კვირას) ბანკის მოთხოვნის შესაბამისად;

უზრუნველყოს თანამშრომლების პროფესიული კვალიფიკაცია, აღჭურვა და უსაფრთხოების ნორმების დაცვა;

დაუყოვნებლივ შეცვალოს პერსონალი ბანკის მოთხოვნის შემთხვევაში, არაუგვიანეს 2 დღის ვადაში.

პასუხისმგებლობა და პირგასამტეხლო

• არაჯეროვნად შესრულებული მომსახურების შემთხვევაში ბანკს უფლება აქვს დააკისროს 200 ლარის ოდენობის ერთჯერადი პირგასამტეხლო თითოეულ შემთხვევაზე;
• ქონების დაზიანების ან დაუდევრობის შემთხვევებში მომწოდებელი ვალდებულია სრულად აანაზღაუროს ზიანი;
• შესრულების აქტის არ წარდგენის შემთხვევაში ბანკს უფლება აქვს არ განახორციელოს ანაზღაურება. 

დამატებითი პირობები:

ხელშეკრულებისა და წინამდებარე დოკუმენტის წინააღმდეგობის შემთხვევაში უპირატესობა მიენიჭება ხელშეკრულების პირობებს.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნასwww.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა:  2025 წლის 27 ოქტომბერი, 18:00 საათი
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

ტენდერთან დაკავშრებულ საკითხზე დაუკავშირდით:

ბექა მუმლაძე
ტელ:551 46 20 03 

ტექნიკურ საკითხებზე:

გიორგი სხილაძე
577 102 917

ტენდერის კატეგორია:

• 50800000 სხვადასხვა სახის სარემონტო (შესაკეთებელი) სამუშაოები და ტექნიკური მომსახურება
• 45300000 სამშენებლო-სამონტაჟო სამუშაოები