ტენდერის აღწერილობა:

შპს „არმორი“ გეგმავს ქ. თბილისში მრავალფუნქციური მრავალბინიანი საცხოვრებელი კომპლექსის განვითარებას და აცხადებს ელექტრონულ ფასთა გამოკითხვას GRG — განაშენიანების რეგულირების გეგმა და ქალაქთმშენებლობითი დასაბუთების - მომსახურების შესყიდვის მიზნით. ფასთა გამოკითხვაში მონაწილეობის მისაღებად იწვევენ შესაბამისი გამოცდილებისა და კვალიფიკაციის მქონე კომპანიები - ფიზიკური პირები.

ტენდერის მიზანი: საპროექტო ტერიტორიის ქალაქთმშენებლობითი განვითარების სამართლებრივი და სივრცითი საფუძვლის შექმნა, სავალდებულო GRG-ის მომზადება და K2-ის 2.5-დან 4.5-მდე გაზრდის დასაბუთების/სპეციალური (ზონალური) შეთანხმებისათვის სრულყოფილი პაკეტის მომზადება.

მიწის ნაკვეთის საკადასტრო კოდი: 01.72.13.367.019

სამუშაოს მოცულობა:

• საპროექტო და საკვლევი არეალის იდენტიფიცირება და დამკვეთთან/უფლებამოსილ ორგანოსთან დასაზუსტებელი საზღვრების დასაბუთება.
• არსებული სამართლებრივი რეჟიმების, ფუნქციური და ტერიტორიულ-სტრუქტურული ზონირების, გეგმარების შემზღუდავი ზონების, ინფრასტრუქტურისა და არსებული განაშენიანების ანალიზი.
• არსებული მდგომარეობის წინასაპროექტო ქალაქთმშენებლობითი კვლევა: ნაკვეთები, შენობები, ფუნქციები, სართულიანობა/სიმაღლე, K1/K2/K3, გზები, ტროტუარები, საზოგადოებრივი/მწვანე სივრცეები და საინჟინრო ქსელები.
• მიზნობრივი განვითარების ვარიანტების მომზადება და შედარება; დამკვეთის მიზნის — K2=4.5 — სივრცითი, სატრანსპორტო და ინფრასტრუქტურული გამტარობის შეფასება.
• სავალდებულოა სრული K2=4.5 სცენარის (36,868.5 მ² K2 საანგარიშო ფართი) დამუშავება და მინიმუმ ერთი ალტერნატიული/სარეზერვო განვითარების სცენარის ჩვენება, რათა ადმინისტრაციული ან ინფრასტრუქტურული შეზღუდვის შემთხვევაში შესაძლებელი იყოს ოპტიმალური შემცირებული ვარიანტის შეფასება.
• შენობების/ბლოკების განლაგება, ძირითადი მასშტაბი, სიმაღლე/სართულიანობის ჩარჩო, K1/K2/K3 ბალანსი, პარკინგისა და საჯარო/მწვანე სივრცეების ძირითადი პრინციპები.
• K2-ის გადამეტების მიზანშეწონილობის დასაბუთება საჯარო და კერძო ინტერესების, ტერიტორიის რაციონალური გამოყენების და მიმდებარე ქალაქგეგმარებითი ხასიათის შენარჩუნების გათვალისწინებით.
• სატრანსპორტო, წყალმომარაგება/წყალარინების, ენერგომომარაგების და სხვა ინფრასტრუქტურული input-ების ინტეგრირება GRG-ში.
• საჭირო ადმინისტრაციული განაცხადების/ალბომების/განმარტებითი ბარათების მომზადება და წარმოებაში მონაწილეობა.

სავალდებულო შედეგები: 

• წინასაპროექტო ქალაქთმშენებლობითი კვლევა სრული გრაფიკული და ტექსტური ნაწილით.
• GRG-ის გეგმარებითი დავალების პაკეტი და, დამტკიცების შემდეგ, GRG-ის სრული პროექტი.
• არსებული/საპროექტო K1, K2, K3 და საანგარიშო ფართობების დეტალური ცხრილი.
• ცხრილში ცალკე გამოიყოს: საბაზო K2=2.5 / 20,482.5 მ²; მიზნობრივი K2=4.5 / 36,868.5 მ²; ნამატი +2.0 K2 / +16,386 მ²; ადმინისტრაციული approval status და ყველა დაშვება.
• K2=4.5-ის სპეციალური (ზონალური) შეთანხმების მიზანშეწონილობის დასაბუთება და შესაბამისი ელექტრონული ალბომი.
• ფუნქციური/სივრცითი გადაწყვეტა, ტრანსპორტისა და ქვეითთა მოძრაობის ინტეგრირებული სქემა, საინჟინრო ინფრასტრუქტურის პრინციპული სქემები, გამწვანების/საჯარო სივრცის პრინციპები.
• PDF + DWG/DXF/GIS/editable ფაილები; გამოყენებული მონაცემების და წყაროების რეესტრი.
• ადმინისტრაციული ორგანოების შენიშვნების რეესტრი და მათი დახურვის მატრიცა.

კოორდინაცია სხვა მონაწილეებთან:

დამკვეთი/Project Manager; არქიტექტორი; სატრანსპორტო ინჟინერი; გეოლოგი/გეოფიზიკოსი; კონსტრუქტორი; MEP/utility კონსულტანტები; №41 და ენერგოეფექტურობის კონსულტანტები.

კვალიფიკაციის მინიმალური მოთხოვნები:

• წამყვანი ურბანისტი/არქიტექტორი მინ. 5 წლიანი გამოცდილებით.
• ბოლო 5 წელში მინ. 3 დასრულებული GRG/ქალაქთმშენებლობითი პროექტი თბილისში; უპირატესობა K2-ის გადამეტების/მრავალბინიანი პროექტების გამოცდილებას.
• თბილისის მუნიციპალურ ადმინისტრაციულ წარმოებაში მონაწილეობის პრაქტიკული გამოცდილება.

შეთავაზებაში ვენდორმა უნდა წარმოადგინოს:

• Scope-ის breakdown და ეტაპები: წინასაპროექტო კვლევა / გეგმარებითი დავალება / GRG / K2 სპეციალური შეთანხმება / ადმინისტრაციული მხარდაჭერა.
• ფიქსირებული ჰონორარი თითოეულ ეტაპზე; ადმინისტრაციული მოსაკრებლები/მესამე მხარის ხარჯები ცალკე.
• ვადები და assumptions; მუნიციპალიტეტის კომენტარებზე რევიზიების პირობა.
• პროექტის გუნდი და მინ. 3 რეფერენსი.
• მიღება-ჩაბარების კრიტერიუმები
• დოკუმენტაცია უნდა იყოს ფორმალურად სრულყოფილი უფლებამოსილ ორგანოში წარსადგენად.
• ტექნიკურ ნაწილებში არ უნდა არსებობდეს ურთიერთგამომრიცხავი მონაცემები K1/K2/K3, ფართობებზე და გზებზე.
• საკუთარი Scope-ის ფარგლებში ადმინისტრაციული შენიშვნები დახურულია ან წერილობით დასაბუთებულია.

კომერციული შეთავაზების სტრუქტურა:

Lump Sum თითო ფაზაზე; დამატებითი მომსახურებების unit rate/დღიური ტარიფი; მესამე მხარის ხარჯების ცალკე ჩამონათვალი.“

წინადადების წარმოდგენის წესი:

სატენდერო დოკუმენტაცია უნდა მომზადდეს ქართულ ენაზე, უფლებამოსილი პირის მიერ ხელმოწერილი სახით და წარმოდგენილ იქნეს ელექტრონულად, ერთიანი PDF ან ZIP ფაილის სახით. წინადადებები მიიღება ელექტრონულ მისამართზე: info@armor.ge

დედლაინი: 20 ნოემბერი, 18:00 საათი.

ელექტრონული წერილის თემაში უნდა მიეთითოს: GRG — განაშენიანების რეგულირების გეგმა და ქალაქთმშენებლობითი დასაბუთება - მომსახურების ტენდერი — [პრეტენდენტი კომპანიის დასახელება]“

ვადის გასვლის შემდეგ წარმოდგენილი ან არასრული წინადადება არ იქნება განხილული.

დამატებითი პირობები

• შპს „არმორი“ უფლებამოსილია მოითხოვოს წარმოდგენილი ინფორმაციის დაზუსტება ან დამატებითი დოკუმენტაცია;
•  შპს „არმორი“ უფლებამოსილია ჩაატაროს პრეტენდენტებთან დამატებითი შეხვედრა ან ინტერვიუ 
• გამარჯვებულის გამოვლენისას გათვალისწინებული იქნება არა მხოლოდ შეთავაზებული ფასი, არამედ გამოცდილება, პროფესიული გუნდი, მეთოდოლოგია, ვადა და შესრულებული პროექტების ხარისხი;
• ფასთა გამოკითხვის გამოცხადება არ წარმოშობს შპს „არმორის“ ვალდებულებას რომელიმე პრეტენდენტთან ხელშეკრულების დადების შესახებ;
• შპს „არმორი“ იტოვებს უფლებას, შესაბამისი დასაბუთებით, ნებისმიერ ეტაპზე შეწყვიტოს, შეცვალოს ან გააუქმოს ფასთა გამოკითხვის პროცედურა.

საკონტაქტო ინფორმაცია:
info@armor.ge 

ტენდერის კატეგორია:

• 71241000 განხორციელებადობის კვლევა, საკონსულტაციო მომსახურება, ანალიზი
• 71245000 გეგმების, სამუშაო ნახაზებისა და ტექნიკური მახასიათებლების დამტკიცება
• 71311300 საკონსულტაციო მომსახურებები ინფრასტრუქტურის სფეროში
• 71410000 მომსახურებები ურბანული დაგეგმარების სფეროში