ტენდერის აღწერილობა:

"სს „ლიბერთი ბანკის“ გლდანის III მიკრო რაიონში მდებარე ფილიალის სარემონტო-სარეკონსტრუქციო სამუშაოების შესყიდვა დანართი №1 და დანართი №2 (ფასების ცხრილი) და თანდართული პროექტების შესაბამისად. 

შენიშვნა: სარემონტო სამუშაო უნდა შესრულდეს მაღალი ხარისხით,  გამოცდილი მაღალკვალიფიცირებული პერსონალის მიერ. ძირითადი კონტრაქტორის საყურადღებოდ ! სამუშაოს წარმოებისთვის ქვეკონტრაქტორის შერჩევისას პრიორიტეტი მიენიჭება ბაზარზე არსებულ ლიცენზირებულ და ამ ბიზნესში მომუშავე მაღალკვალიფიცირებულ,  გამოცდილ კომპანიებს.

პრეტენდენტის მიერ წარმოსადგენი დოკუმენტ(ებ)ი:

• კომპანიის მიმოხილვა:
• საქმიანობის მოკლე აღწერილობა, კლიენტების სია;
• რეკომენდაციები - მინიმუმ სამი (დედანი);
• განიხილება კომპანიები, რომლებიც მინიმუმ 2 წელიწადია დაფუძნებული;
• ინფორმაცია დამფუძნებლ(ებ)ის და მფლობელ(ებ)ის შესახებ;
• კომპანიის სერტიფიკატები (ასეთის არსებობის შემთხვევაში);
• ინფორმაცია წარსულში ანალოგიური გამოცდილების შესახებ;
• ინფორმაცია შესრულების ვადებსა და საგარანტიო პირობებზე.
• შევსებული სატენდერო წინადადება საპროექტო დოკუმენტაციის და ფასების ცხრილის მიხედვით;
• მსხვილი შესრულებული პროექტების ჩამონათვალი ფოტოალბომით, მინიმუმ სამი პროექტი;
• კომპანიის 2018-2020 წლების ფინანსური ბრუნვა, წარმოდგენილი პასუხისგებელი პირის მიერ დამოწმებული საბანკო ამონაწერის (არანაკლებ 200 000 ლარის ოდენობის ბრუნვა);
• ცნობა საგადასახადოდან დავალიანების არ არსებობის შესახებ;
• რეკვიზიტები;
• საკონტაქტო პირის (პროექტის მენეჯერის) მონაცემები.

შენიშვნა:

• განიხილება მხოლოდ ის წინადადებები, რომლებიც მოიცავს ზემოთ ჩამოთვლილ ყველა პუნქტს.

შესყიდვის ობიექტის მიწოდების ვადა, ადგილი და მიწოდების პირობა:

• პრეტენდენტი ვალდებულია წარმოადგინოს სამუშაოს შესრულების ვადა;
• პრეტენდენტი ვალდებულია წარმოადგინოს  როგორც დოკუმენტალური სახით, ასევე, სატენდერო კომიტეტის ელექტრონულ ფოსტაზე (მისამართი: TenderCommittee@lb.ge) გამოგზავნოს ხარჯთაღრიცხვა ექსელის ფორმით;

პრეტენდენტის წინადადების ფასი და ანგარიშსწორების პირობები:

• წინადადების ფასის წარმოდგენა შესაძლებელია მხოლოდ ეროვნულ ვალუტაში, საქონლის მიწოდებასთან დაკავშირებული ყველა ხარჯისა და საქართველოს კანონმდებლობით გათვალისწინებული ყველა გადასახადის გათვალისწინებით, დღგ-ს ჩათვლით;
• ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
• ანგარიშსწორება შესაძლებელია განხორციელდეს ეტაპობრივად, ფაქტიურად შესრულებული სამუშაოების მოცულობისა და ფორმა N2-ის და საგადასახადო ანგარიშ-ფაქტურის წარმოდგენიდან 10 სამუშაო დღეში. მოთხოვნის შემთხვევაში, შესრულებულ სამუშაოზე შესაბამისი დასკვნის წარმოდგენის ვალდებულება ეკისრება მიმწოდებელს;
• ტენდერში გამარჯვებული კომპანიის მხრიდან საავანსო თანხის მოთხოვნის შემთხვევაში, კომპანია ვალდებულია მოთხოვნილ თანხაზე წარმოადგინოს ბანკისთვის მისაღები საბანკო გარანტია;

ზოგადი პირობები:

• პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილი უნდა იქნას მინდობილობა);
• სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
• გამარჯვებულ პრეტენდენტთან ხელშეკრულება გაფორმდება ხელშეკრულების დრაფტის  (დანართი N3) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას.
• გამარჯვებული პრეტენდენტი ვალდებულია გააქტიურებული ჰქონდეს საბანკო ანგარიში სს“ლიბერთი ბანკში“;

ინფორმაცია პრეტენდენტებისათვის:

• პრეტენდენტი ვალდებულია ბანკის წარმომადგენლებთან ერთად წინასწარ დაათვალიეროს და დეტალურად შეისწავლოს შესასრულებელი სამუშაოები;
• შემოთავაზების წარმოდგენის ბოლო ვადა: 2020 წლის 7 აგვისტო 17:00 საათი. ადგილმდებარეობა: სს „ლიბერთი ბანკი“, ი.ჭავჭავაძის გამზ. #74, ქ.თბილისი, 0162, ამასთანავე, სატენდერო შემოთავაზება გაგზავნილ უნდა იქნას ბანკის სატენდერო კომიტეტის ელექტრონულ ფოსტაზე: TenderCommittee@lb.ge
• სატენდერო წინადადებები წარმოდგენილი უნდა იყოს დალუქულ კონვერტში, რომელზეც მითითებული უნდა იყოს შემდეგი ინფორმაცია: პრეტენდენტის დასახელება, საკონტაქტო ინფორმაცია, სატენდერო კომიტეტი, სს „ლიბერთი ბანკი“ (ტენდერი სს „ლიბერთი ბანკის“ გლდანის III მიკრო რაიონში მდებარე ფილიალის სარემონტო-სარეკონსტრუქციო სამუშაოების შესყიდვა) , ამასთანავე, სატენდერო წინანდებები გამოგზავნილი უნდა იყოს სატენდერო კომიტეტის ელექტრონულ ფოსტაზე: TenderCommittee@lb.ge
• სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში: ქ.თბილისი, ი.ჭავჭავაძის გამზ. #74, მე-8 სართული, შესყიდვების მენეჯერი შორენა თავაძე ელ-ფოსტა: Shorena.tavadze@lb.ge; მობ: 595 901 200; ტექნიკურ საკითხებზე არქიტექტორი გიორგი ანჯაფარიძე ელ-ფოსტა: Giorgi.Anjaparidze@lb.ge მობ: 595 787 807

ტენდერის კატეგორია:

• 71500000 მშენებლობასთან დაკავშირებული მომსახურებები
• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები
• 45300000 სამშენებლო-სამონტაჟო სამუშაოები
• 45400000 შენობის დასრულების სამუშაოები