ტენდერის აღწერილობა:

შპს ბიზნესისა და ტექნოლოგიების უნივერსიტეტი“კოდინგის სკოლა 1500 ქალისთვის“ პროექტის ფარგლებში და USAID-ის „დამსაქმებლები პროფესიული განათლებისთვის“ პროგრამის  მხარდაჭერით აცხადებს ღია ტენდერს ტექნიკის შესყიდვაზე და იწვევს ტენდერში მონაწილეობის მისაღებად ყველა დაინტერესებულ პირს. 

ძირითადი მოთხოვნები:  ყველა დაინტერესებული მხარე, რომელიც აპირებს მონაწილეობის მიღებას წინამდებარე ტენდერში, უნდა აკმაყოფილებდეს შემდეგ პირობებს: 

• კომპიუტერული ტექნიკით ვაჭრობის გამოცდილება ბოლო 2 წლის განმავლობაში; 
• ბოლო 2 წლის განმავლობაში განხორციელებული უნდა ჰქონდეს არანაკლებ ერთი მსგავსი მასშტაბის კონტრაქტი.

სხვა მოთხოვნები:

• სატენდერო წინადადების ფასი წარმოდგენილი უნდა იქნას დანართ #1-ის შევსების გზით დღგ-ს გარეშე (პროექტი სარგებლობს საგადასახადო შეღავათით). ის  ხარჯი, რომელიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
• შემოთავაზებული ტექნიკა უნდა აკმაყოფილებდეს დანართ #1-ში მითითებულ ტექნიკურ მახასიათებლებს (სპეციფიკაციები).

კონტრაქტის პირობები და ანაზღაურება:  

• კონტრაქტის ფარგლებში გამარჯვებულმა კომპანიამ უნდა  უზრუნველყოს აღნიშნული ტექნიკის მოწოდება 2023 წლის მარტის თვეში. 
• კომპანიებს შეუძლიათ შემოგვთავაზონ ის რაოდენობა, რის მოწოდებასაც შეძლებენ აღნიშნული დროის ინტერვალში (შემოთავაზებულ ტექნიკაში იდენტური კომპლექტაციის კომპიუტერები უნდა იყოს 10-ის ჯერადი (10, 20, 30, 40 და ა.შ. ერთნაირი კომპიუტერი).
• კონტრაქტით გათვალისწინებული თანხის სრული ანაზღაურება მოხდება ტექნიკის მიწოდებიდან და დამკვეთსა და კონტრაქტორს შორის მიღება-ჩაბარების აქტის გაფორმებიდან 7 სამუშაო დღის ვადაში,  უნაღდო ანგარიშსწორებით ეროვნულ ვალუტაში.
• ანაზღაურება მოხდება საქართველოს ეროვნულ ვალუტაში, საქართველოს ბანკის მიერ დადგენილი გაცვლითი კურსის შესაბამისად. 
• გამარჯვებულმა კომპანიამ უნდა გაითვალისწინოს, რომ წინამდებარე ტენდერის საფუძველზე შემოთავაზებული ტექნიკა 2023 წლის მარტის თვეში სრულად უნდა იმყოფებოდეს საქართველოს ტერიტორიაზე. 

შერჩევის კრიტერიუმები: 

• შემოთავაზებების განხილვის პროცესში უპირატესობა მიენიჭება იმ სატენდერო წინადადებას, რომელიც  დააკმაყოფილებს ყველა ზემოთ აღნიშნულ მოთხოვნას და წარმოადგენს კონკურენტულ ფასს. 
• არასრულად წარმოდგენილი სატენდერო წინადადება არ განიხილება. 

პროცედურა: წინამდებარე კონკურსში მონაწილეობის მისაღებად, ყველა დაინტერესებული მხარე ვალდებულია წარმოადგინოს შემდეგი სატენდერო დოკუმენტაცია:

• განცხადების ფორმა (იხილეთ ნიმუში);
• დანართი# 1 (ფასთა კვოტირების ფორმა; გაითვალისწინეთ, რომ ფასები წარმოდგენილი უნდა იყოს ლარის ეროვნულ ვალუტაში, დღგ-ს გარეშე).
• ამონაწერი სამეწარმეო რეესტრიდან, რომელიც გაცემული უნდა იყოს წინამდებარე ტენდერის გამოქვეყნების შემდეგ;
• ცნობა, რომ მის მიმართ არ ხორციელდება რეორგანიზაცია ან ლიკვიდაცია.

სატენდერო წინადადება ყველა ზემოთ ხსენებულ დოკუმენტაციასთან ერთად უნდა გამოიგზავნოს 2022 წლის 20 დეკემბრამდე შემდეგ ელ. მისამართზე: info@btu.edu.ge - სათაურით ტენდერი_Coding School for 1500 Women. 

ტენდერის კატეგორია:

• 39700000 საოჯახო ტექნიკა