ტენდერის აღწერილობა:

სს „კრედო ბანკი“ აცხადებს ტენდერს სარემონტო/სარეკონსტრუქციო და არქიტექტურულ-დიზაინერული მომსახურების შესყიდვის შესახებ და იწვევს შესყიდვით დაინტერესებულ პირებს/კომპანიებს ღია კონკურენტუნარიან ტენდერში მონაწილეობის მისაღებად.  

• შემსყიდველი განიხილავს 1 ან მეტი კომპანიის შერჩევას და შესაძლოა რეგიონის მასშტაბით დიფერენცირებულად;
• შემსყიდველი გააფორმებს ერთ ან ორ წლიან ხელშეკრულებას 3 თვიანი გამოსაცდელი ვადით. 

შესყიდვის პირობები:

შესყიდვის ობიექტია 2023 წლის განმავლობაში განსახორციელებელი:

• ბანკის სერვისცენტრის/ოფისის სრული სარეკონსტრუქციო/სარემონტო სამუშაოები;
• კოსმეტიკური სარემონტო სამუშაოები;
• რებრენდინგის შემთხვევაში - ნაწილობრივი სარეკონსტრუქციო/კოსმეტიკური სამუშაოები;

ბანკის დასტანდარტებული დიზაინის/კონცეფციის უკეთ აღსაქმელად იხ. დანართი №6 - რენდერები.

შემსრულებელი კომპანია პასუხისმგებელი უნდა იყოს მის მიერ ჩატარებულ რემონტზე, შესაბამისად ხელშეკრულება გაფორმდება 1 წლიანი საგარანტიო პირობით.  

ლოტი II- დიზაინერული მომსახურება- შემსყიდველი კომპანია გააფორმებს 1 ან 2 წლიან ხელშეკრულებას ფასების უცვლელობის პირობით. ამ ლოტში წინასწარ განსაზღვრული არ არის თუ საშუალოდ რა რაოდენობის შეკვეთა იქნება წლის მანძილზე. 

დამატებითი მოთხოვნები:

• კომპანია ვალდებულია საჭიროებისამებრ განახორციელოს ვიზიტი სერვისცენტრში სარემონტო სამუშაოებისა და დიზაინერული მომსახურების შესაფასებლად. 
• შემსრულებელი ვალდებულია უზრუნველყოს „სამუშაოს“ შესრულებისათვის აუცილებელი ყველა პირობა: კვალიფიციური პერსონალი, ტექნიკა, ინფრასტრუქტურა, უსაფრთხოების წესების, მათ შორის საქართველოს კანონმდებლობით გათვალისწინებული და „დამკვეთის“ მიერ შემუშავებული შრომის უსაფრთხოების დაცვის მოთხოვნები და ა.შ.

ერთეულის ფასები გამოსახული უნდა იყოს ლარში და მოიცავდეს:

• მასალისა და მომსახურების ფასს;
• ყველა გადასახადის გათვალისწინებით,
• მომსახურებასთან დაკავშირებულ ყველა ხარჯს

ანგარიშსწორების პირობები:

• კრედო ბანკი ტენდერში გამარჯვებულ კომპანიასთან გააფორმებს 1 ან 2 წლიან ხელშეკრულებას საჭიროების მიხედვით, სატენდერო წინადადებაში წარმოდგენილი ფასების უცვლელობის პირობით;
• მომსახურების ფასი ხელშეკრულების ფარგლებში იქნება უცვლელი.
• ანგარიშსწორება განხორციელდება უნაღდო ანგარიშსწორების ფორმით ყოველი შესყიდვის/მომსახურების დასრულების შემდგომ მიღება-ჩაბარების აქტის გაფორმებიდან არაუგვიანეს 10  სამუშაო დღის განმავლობაში.

გამარჯვებულის გამოვლენა:

• ტენდერში მონაწილეობით დაინტერესებულმა პირებმა წინადადებები უნდა წარადგინონ შესყიდვების ელექტრონული სისტემის www.tenders.ge საშუალებით. ტენდერი ჩატარდება ეგრეთ წოდებული ერთი კონვერტის პრინციპით.

სატენდერო კომიტეტი განიხილავს www.tenders.ge -ს საშუალებით წარმოდგენილ ყველა სატენდერო წინადადებას და გამარჯვებულად გამოავლენს ერთზე მეტ კომპანიას, ქვემოთ ჩამოთვლილი კრიტერიუმების გათვალისწინებით:

• მასალისა და მომსახურების ფასი
• მომსახურების ხარისხი 
• კომპანიის გამოცდილება

დამატებითი ინფორმაცია:

• პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ;
• შესაძლებელია განხორციელდეს პრეტენდენტებისაგან სხვა დამატებითი ინფორმაციის მოთხოვნა და/ან წარდგენილი ინფორმაციის დაზუსტება;
• მიუხედავად შედეგებისა, ტენდერში მონაწილე ყველა კომპანია ინფორმირებული იქნება ტენდერის შედეგების შესახებ;

სატენდერო წინადადების მიღების ბოლო ვადაა: 2023 წლის 1 მარტი - 18:00 საათი.

ტენდერის შინაარსობრივ მხარესთან დაკავშირებით კითხვების შემთხვევაში, გთხოვთ, გამოიყენოთ www.tenders.ge -ზე არსებული კითხვა-პასუხის მოდული; ნებისმიერი კითხვა და ნებისმიერი პასუხი ხელმისაწვდომია როგორც რეგისტრირებული ასევე არარეგისტრირებული მომხმარებლისთვის

ინფორმაცია ელექტრონულ ტენდერში მონაწილეთათვის:

• ელექტრონულ ტენდერში მონაწილეობის მისაღებად კომპანია უნდა იყოს რეგისტრირებული ვებ-გვერდზე www.tenders.ge
• სატენდერო წინადადების წარმოდგენის ბოლო ვადა: 2023 წლის, 1 მარტი, 18:00 სთ;
• შეთავაზების ვალუტა: ლარი;
• ვაჭრობის ტიპი: ვაჭრობის გარეშე;
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში;

საკონტაქტო პირი:
მიხეილ ჩიბურდანიძე
Email: ggogadze@credo.ge
T: 591750872

ტენდერის კატეგორია:

• 45400000 შენობის დასრულების სამუშაოები
• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები