ტენდერის აღწერილობა:

სს „სილქ ბანკი“ აცხადებს ტენდერს  საოფისე ავეჯის შესყიდვაზე.

ტენდერის მიზანია გამოავლინოს დაინტერესებული კომპანიები, რომლებიც შეძლებენ მოთხოვნილი მომსახურების გაწევას. შესასყიდი პროდუქციის ჩამონათვალი, რაოდენობა და მახასიათებლები მოცუმულია - დანართში №2; 

ტენდერის პირობები:

• საქონლის მოწოდება უნდა განხორციელდეს კონტრაქტით განსაზღვრულ ვადებში;
• ტრანსპორტირებას უზრუნველყოფს მომწოდებელი კომპანია ბანკის მიერ მითითებულ მისამართებზე;
• წინადადებაში მითითებული ფასი გამოსახული უნდა იყოს ლარში და უნდა მოიცავდეს საქართველოს კანონმდებლობით გათვალისწინებულ ყველა გადასახადს, მათ შორის დღგ და ტრანსპორტირების/მოწოდების ხარჯები საქართველოს მაშტაბით;
• დანართ N 2- ში მითითებულია როგორც ავეჯის მახასიათებლები, ასევე მწარმოებელი კომპანია. თუმცა შესაძლებელია განხილულ იქნას სხვა მწარმოებლის მსგავსი ტიპის მახასიათებლებისა და ფორმის ავეჯიც;
• ავეჯის რაოდენობა შესაძლოა დაკორექტირდეს მცირედით.

აუცილებელი მოთხოვნები:

• კომპანიას უნდა ჰქონდეს შესაბამის სფეროში მოღვაწეობის არანაკლებ 3 წლიანი გამოცდილება. ასევე , უნდა ჰქონდეს შესრულებული მსგავსი პროქტი;
• კომპანიამ უნდა წარმოადგინოს შევსებული ტენდერის სააპლიკაციო ფორმა დანართი N 1;
• პროდუქციის ფასების მითითება უნდა მოხდეს დანართი N2 პროდუქციის ჩამონათვალის გასწვრივ, როგორც ერთეულის ასევე ჯამური ღირებულების მითითებით;
• წარმოდგენილი სააპლიკაციო ფორმა და წინადადება აუცილებლად უნდა იყოს უფლებამოსილი პირის მიერ ხელმოწერილი და ბეჭდით დამოწმებული;
• კომპანიის წინააღმდეგ არ უნდა მიმდინარეობდეს გადახდისუუნარობის საქმის წარმოება და არ უნდა იყოს ლიკვიდაციის / რეორგანიზაციის პროცესში.

ანგარიშსწორების პირობები:

• ანგარიშსწორება განხორციელდება საქონლის მოწოდებაზე გაფორმებული მიღება-ჩაბარების აქტის გაფორმებიდან 5 სამუშაო დღეში;
• მომწოდებელი ვალდებულია ანგარიში გახსნას სილქ ბანკში;
• ანგარიშსწორება განხორციელდება უნაღდო ანგარიშსწორების ფორმით;
• ავანსის მოთხოვნის შემთხვევაში ბანკი უფლებამოსილია მოითხოვოს საბანკო გარანტია ავანსად გასაცემი თანხის ოდენობით, ასევე შემოსავლების სამსახურიდან გაცემული შედარების აქტი, რომელშიც არ უნდა ისახებოდეს დავალიანება.

გამარჯვებულის გამოვლენა:

სატენდერო კომიტეტი განიხილავს წარმოდგენილ ყველა სატენდერო წინადადებას და გამარჯვებულად გამოავლენს ერთ ან რამოდენიმე კომპანიას, ქვემოთ ჩამოთვლილი

კრიტერიუმების გათვალისწინებით:

• შემოთავაზებული პროდუქციის ფასი;
• პროდუქციის ხარისხი/სპეციფიკაცია;
• მოწოდების ვადები;
• კომპანიის გამოცდილება.

პრეტენდენტის მიერ წარმოდგენილი პროდუქცია სრულად უნდა აკმაყოფილებდეს ტენდერის პირობებით გათვალისწინებულ ყველა მოთხოვნას. წინააღმდეგ შემთხვევაში ბანკი იტოვებს უფლებას არ განიხილოს შემოთავაზება.

მომწოდებლის მიერ წარმოსადგენი დამატებითი დოკუმენტაცია:

• სარეკომენდაციო წერილები (მინიმუმ 2 კომპანიის);
• კომპანიის მოღვაწეობის შესახებ ინფორმაცია, გამოცდილება, კლიენტების სია (თავისუფალი ფორმით).

თანდართული დოკუმენტაცია :

• დანართი N1 - ტენდერის სააპლიკაციო ფორმა ;
• დანართი N2 – შესასყიდი ავეჯის მახასიათებლები და ფასების ცხრილი
• დანართი N 3 - ფილიალების მისამართები.

შემოთავაზებების მიღების წესი:

შემოთავაზება დალუქული კონვერტით უნდა წარმოადგინოთ სს სილქ ბანკის სათაო ოფისის კანცელარიში, 18 იანვარს დილის 10:00 საათიდან 14:00 საათამდე.

მისამართი - ქ. თბილისი, ზაარბრიუკენის მოედანი N 2,

წარმოსადგენ დალუქულ კონვერტზე აუცილებელი მონაცემები

• ტენდერის სახელწოდება
• კომპანიის სახელწოდება
• საიდენტიფიკაციო ნომერი;
• საკონტაქტო ინფორმაცია (პასუხისმგებელი პირი, ტელეფონი და ელ.ფოსტა).

ამავდროულად, გთხოვთ სატენდერო წინადადება ასევე გამოაგზავნოთ ელექტრონული ფორმით 19 იანვარს შემდეგ ელ.ფოსტაზე procurement@silkbank.ge

დოკუმენტის მომზადება/წარდგენასთან დაკავშირებით, კითხვები შეგიძლიათ მოიწეროთ procurement@silkbank.ge მისამართზე ან დაგვიკავშირდეთ შემდეგ ტელ. ნომრებზე:

ლოჯისტიკის სამსახურის უფროსი  
შალვა ლეჟავა
ტელ: 577362888

ლოჯისტიკის სამსახურის სპეციალისტი
ელენე მუსხელიშვილი
ტელ: 558750055

ტენდერის კატეგორია:

• 39100000 ავეჯი