ტენდერის აღწერილობა:

შპს „ყაზბეგის 47” აცხადებს ტენდერს არსებული შენობის და ეზოს კეთილმოწყობის სარეკონსტრუქციო - სარემონტო  სამუშაოებზე ( #22/01-KAZBEGI/RECONST-2024 ).

ობიექტის ადგილმდებარეობა: ქ. თბილისი, ალ. ყაზბეგის გამზირი # 47

განმცხადებლის მიერ შესავსები ფორმები:  

• დანართი # 1
• დანართი # 2 
• დანართი # 3
• დანართი # 4
• დანართი # 5
• დანართი # 6 

განმცხადებელმა უნდა წაროადგინოს: 

• კომერციული წინადადება ღირებულებით ლარში ყველა გადასახადების ჩათვლით
• სამუშაოების გრაფიკი  

სახელმძღვანელო დოკუმენტები (სავალდებულო): 

სამუშაოების საორიენტაციო მასალები და მოცულობები:

• დანართი #1
• დანართი #2
• დანართი #3
• დანართი #4
• დანართი #5
• დანართი #6 

არქიტექტორული პროექტი / საინჟინრო სისტემების პროექტი / ეზოს კეთილმოწყობის პროექტი:

• დანართი # 7
• დანართი # 8
• დანართი # 9
• დანართი # 10
• დანართი # 11 

სატენდერო წინადადების წარდგენა - სავალდებულო დოკუმენტები: 

• საპროექტო განაცხადი - ხელმოწერილი ბეჭდით;
• დეტალური ხარჯთაღრიცხვა და საქმიანობის კალენდარული გრაფიკი, განცხადების დანართების შესაბამისად;
• სამუშაოების შესრულების გრაფიკი;
• კომპანიის ხელმძღვანელის, მშენებლობის მენეჯერის და პროექტზე პასუხისმგებელ პროექტ მენეჯერს CV, რომელშიც მოცემულია კვალიფიკაცია და გამოცდილება ამ სფეროში;
• ბოლო 3 წლის განმავლობაში განხორციელებული მსგავსი სამშენებლო პროექტების პორტფილიო;
• 2 ან 3 სარეკომენდაციო წერილი (Reference letter).

გთხოვთ გაითვალისწინოთ, რომ არასრული განაცხადი არ განიხილება. 

პროექტის განხორციელების ვადები:

• სამუშაოების დაწყების ვადა: არაუგვიანეს 2024 წლის 15 თებერვალი
• სამუშაოების დასრულების ვადა: 2024 წლის 15 აგვისტო

საკვალიფიკაციო მოთხოვნები:

• სამშენებლო კომპანიას უნდა ჰქონდეს მსგავსი სამუშაოების შესრულების მინიმუმ 3 (სამი) წლიანი გამოცდილება. მოთხოვნის შემთხვევაში უნდა წარმოადგინოს ამ გამოცდილების დამადასტურებელი დოკუმენტები;
• დაქირავებულ მშენებლობის მენეჯერს უნდა ჰქონდეს მინიმუმ 3 (სამი) წლიანი გამოცდილება მსგავსი პროექტების განხორციელებაში. უპირატესობა მიენიჭება საინჟინრო განათლების მქონე კანდიდატს;
• პროექტზე პასუხისმგებელ პროექტ მენეჯერს უნდა ჰქონდეს მსგავს მოცულობის პროექტების შესრულების მინიმუმ 3 წლიანი გამოცდილება;
• განმცხადებელს უნდა ჰქონდეს შესაბამისი უნარი დროულად და ხარისხიანად შეასრულოს ვალდებულებები;
• განმცხადებელს უნდა შეეძლოს ფინანსური აღრიცხვის წარმოება და დამკვეთისთვის ანგარიშგების წარდგენა, ამ სფეროში მოქმედი ეროვნული კანონმდებლობის შესაბამისად;
• სამშენებლო მოედანზე უსაფრთხოების უზრუნველყოფა ეროვნული კანონმდებლობის შესაბამისად.

შესრულების გარანტია (Performance Bond) არანაკლებ კონტრაქტის ღირებლების 30% რომლის ვდაც განისაზღვრება პროექტის სრულ შესრულებამდე.

ანგარიშგების და გადახდის მეთოდები:

• კომერციული წინადადება წარმოდგენილი დეტალური ხარჯთაღრიცხვის გზით საქართველოს კანონმდებლობით გათვალისწინებული გადასახადების ჩათვლით;
• გადახდა იწარმოებს ავანსის გარეშე. შესაძლებელია ეტაპობრივი ანგარიშსწორება, შესრულებული სამუშაოების საფუძველზე.
• კონტრაქტორს მოეთხოვება ყოველთვიურად წარმოადგინოს ფინანსური ხარჯთაღრიცხვა („შესრულებული სამუშაოების ფორმა N2“);
• ანაზღაურება განხორციელდება დამკვეთის მიერ დანიშნული პირის მოწოდებული მონიტორინგის ანგარიშის საფუძველზე, რომელიც დაადასტურებს სამუშაოების ვადებს, ბიუჯეტის ხარჯვას და კონტრაქტორის მიერ წარდგენილ ანგარიშის შესაბამისობას.

შენიშვნა: სავალდებულოა რომ ტენდერში მონაწილობის მიღების მსურველმა კომპანიებმა ობიექტი დაათვალიერონ.

გამარჯვებულის გამოვლენის შემდგომ დამკვეთი იტოვებს უფლებას პრეტენდენტს მოთხოვოს შემდეგი დოკუმენტაცია:

• ცნობა, რომ პრეტენდენტი არ არის ჩართული სასამართლო პროცესში და არ მიმდინარეობს მისიგაკოტრება, რეორგანიზაცია ან ლიკვიდაცია;
• ცნობა საჯარო რეესტრის ეროვნული სააგენტოდან პირის მიმართ საჯარო სამართლებრივიშეზღუდვის არ არსებობის შესახებ;
• ცნობა შემოსავლების სამსახურიდან, ბიუჯეტის წინაშე დავალიანების არარსებობის შესახებ.

სატენდერო წინადადების ჩაბარების პირობები:

წინადადება წარმოდგენილი უნდა იყოს ქართულ ენაზე ბეჭდური სახით და მოთავსებული უნდა იყოსდალუქულ კონვერტში. წინადადების ჩაბარება ხდება მისამართზე: ქ. თბილისი, პეკინის 34 / ალ.ყაზბეგის 2ა გიორგი გიორგობიანის სახელზე.

კონვერტს გარედან აუცილებლად უნდა ეწეროს პრეტენდენტისა და ტენდერის დასახელება და ნომერი: არსებული შენობის და ეზოს კეთილმოწყობის სარეკონსტრუქციო - სარემონტო სამუშაოებზე  #22/01-KAZBEGI/RECONST-2024

დაინტერესებულმა პირებმა წინადადებები უნდა წარმოადგინონ არაუგვიანეს 2024 წლის 05 თებერვლის 17:00 საათისა.

საკონტაქტო პირი დოკუმენტაციასთან დაკავშირებით:

გიორგი გიორგობიანი 
ggiorgobiani@gig.ge 
ტელ: 577 640 074

ტენდერის კატეგორია:

• 45400000 შენობის დასრულების სამუშაოები
• 50800000 სხვადასხვა სახის სარემონტო (შესაკეთებელი) სამუშაოები და ტექნიკური მომსახურება