ტენდერის აღწერილობა

სს საქართელოს ბანკი აცხადებს ტენდერს ბანკში არსებული ხანდაზმული დოკუმენტაციის - მაკულატურის (საოპერაციო და სალაროს დღიური წიგნები) გადამუშავებასთან დაკავშირებით.  აღნიშნული მომსახურების მიღებას ბანკი გეგმავს ეტაპობრივად კონტრაქტის გაფორმებიდან ოთხი თვის ვადაში.

გადასამუშავებელი/გასანადგურებელი მასალა:

1. გადასამუშავებელია საოპერაციო და სალაროს დღიური წიგნები,  რომელიც მოთავსებულია მუყაოს ყუთებში:

• ლოკაცია-ლილო, ჭირნახულის #9
• საორიენტაციო რაონდეობა: 6000 ყუთი , რაოდენობა შესაძლოა დაკორექტირდეს 20%-ით. 
• ერთი ყუთის საშუალო წონა: 10-15 კგ
• დაახლოებითი ჯამური წონა: 70 ტონა
• ბანკის მოთხოვნიდან გამომდინარე, მომწოდებელმა უნდა უზრუნველყოს, ყოველკვირეულად 500  ყუთის გატანა და გადამუშავება.

1.2 აუცილებელი მოთხოვნები

• აუცილებელია, მომსახურე კომპანიას გააჩნდეს:
• დოკუმენტების განადგურებასთან დაკავშირებული პროცესების მართვის გამოცდილება.
• გარემოსდაცვითი გადაწყვეტილება ქაღალდის (მაკულატურის) გადამუშავებაზე (ნარჩენის აღდგენა).
• დიდი მოცულობის დოკუმენტების განადგურების გამოცდილება. 

პრეტენდენტმა თავად უნდა უზრუნველყოს:

• მაკულატურის აწონვა სპეციალური სასწორის საშუალებით.
• მაკულატურის ტრანსპორტირება გადამუშავების ობიექტამდე.
• მაკულატურის დატვირთვა-გადმოტვირთვის სამუშაოები (უზრუნველყოს საჭირო რაოდენობის მუშახელის მობილიზება).

პრეტენდენტი კომპანია ვალდებულია გადამუშავებასა და მასთან დაკავშირებულ პროცესებს დაასწროს ბანკის შესაბამისი უფლებამოსილების მქონე თანამშრომელი.

პრეტენდენტი ვალდებულია მოახდინოს გადამუშავებასთან დაკავშირებული ვიდეო-ჩანაწერის მოწოდება, ბანკის მხრიდან გამოთხოვის შემთხვევაში.

1.3 საკვალიფიკაციო მოთხოვნები

• მასშტაბური რაოდენობის დოკუმენტების განადგურებაზე მუშაობის გამოცდილება - მინიმუმ 3 წელი.
• გარემოსდაცვითი გადაწყვეტილება ქაღალდის (მაკულატურის) გადამუშავებაზე (ნარჩენის აღდგენა).
• ზემოთ აღწერილი საქმის შესასრულებლად კომპეტენტური და გამოცდილი გუნდი.

1.4 ტენდერის ფარგლებში წარსადგენი სავალდებულო დოკუმენტაცია

ტენდერში მონაწილეობის მისაღებად აუცილებელია პრეტენდენტმა წარმოადგინოს შემდეგი სავალდებულო დოკუმენტაცია:

 ფინანსური წინადადება

• ფინანსურ წინადადებაში მიუთითეთ 1 კგ მაკულატურის გადამუშავების ღირებულება, რომელიც მოიცავს ყველა თანმდევი მომსახურების ღირებულებას (მათ შორის: აწონვა, ტრანსპორტირება, მუშახელი).
• ანგარიშსწორება განხორციელდება ორმხრივად ხელმოწერილი მიღება-ჩაბარების აქტის საფუძველზე.
• წინადადება წარმოდგენილი უნდა იყოს საქართველოს ეროვნულ ვალუტაში - ლარში და მოიცავდეს კანონმდებლობით გათვალისწინებულ გადასახადებს და გადასახდელებს.
• განსხვავებული გადამუშვების პირობების შემოთავაზების შემთხვევაში, პრეტენდენტი კომპანია ვალდებულია წარმოადგინოს მაკულატურის გადამუშავების გეგმა-გრაფიკი, რომელიც იქნება გაწერილი დროში (რამდენი კგ მაკულატურის გადატანას შეძლებს პრეტენდენტი 1 გადაზიდვაზე და რამდენი კგ მაკულატურის გადამუშავების შესაძლებლობა აქვს 24 საათში).
• კომპანიის მოღვაწეობის შესახებ ინფორმაცია: საქმიანობის აღწერილობა და გამოცდილება. გამოცდილების დამადასტურებელი დოკუმენტაცია; ქაღალდის (მაკულატურა) გადამუშავების საქმიანობის ნებართვაზე გარემოსდაცვითი გადაწყვეტილების დამადასტურებელი დოკუმენტი.
• რეკომენდატორების სია, მათთან მუშაობის გამოცდილების წლებისა და საკონტაქტო ინფორმაციის მითითებით.
• კომპანიის საკონტაქტო ინფორმაცია (იხ. დანართი 1 დოკუმენტის ბოლოს).

პრეტენდენტის წინააღმდეგ არ უნდა მიმდინარეობდეს გადახდისუუნარობის საქმის წარმოება და პრეტენდენტი არ უნდა იყოს ლიკვიდაციის / რეორგანიზაციის პროცესში.

ტენდერის განმავლობაში პრეტენდენტს აქვს ვალდებულება მოთხოვნისამებრ წარმოადგინოს ნებისმიერი იურიდიული თუ ფინანსური დოკუმენტი.

1.5 შეფასების კრიტერიუმები

გამარჯვებული კომპანია შეირჩევა შეფასების კრიტერიუმების მიხედვით: 

• ფინანსური წინადადება 50%
• კომპანიის გამოცდილება 50% 

დავალების შესრულების შემდგომ, ბანკი იტოვებს უფლებას, გამარჯვებულის გამოვლენამდე,  დაგეგმოს შეხვედრები ტენდერში მონაწილე მონაწილე შერჩეულ კომპანიებთან, გასაუბრებისა და შესაძლო დამატებითი დეტალების დაზუსტების მიზნით. 

*ბანკი უფლებამოსილია ნებისმიერ დროს შეწყვიტოს, გააუქმოს ან გადაავადოს ტენდერი თავისი შეხედულებისამებრ.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2024 წლის 1 აპრილი, 18:00 საათი;
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში;

დეტალური ინფორმაციის მისაღებად მიმართეთ:
ანი სტეფნაძე
astepnadze@bog.ge
ტელ: +995 579 24 34 75

ცირა რუხაძე
ts.rukhadze@bog.ge    
ტელ: +995 555 330646

ტენდერის კატეგორია:

• 90500000 ნარჩენებსა და ნაგავთან დაკავშირებული მომსახურებები