ტენდერის აღწერილობა:

სს ევექსი („შემსყიდველი“) აცხადებს ტენდერს გათბობა-გაგრილების სისტემების გეგმიური და არა-გეგმიური სერვისის შესყიდვაზე წინამდებარე დოკუმენტის მიზანია, პრეტენდენტს განემარტოს შემსყიდველის მოთხოვნები და პირობები სრულყოფილი სატენდერო წინადადების წარსადგენად.

ტენდერში გამარჯვებულ პირ/ებ/თან გაფორმდება ხელშეკრულება. ამასთან, მომსახურების ხელშეკრულება შესაძლებელია გაფორმდეს, როგორც სს ევექსთან ისე მის შვილობილ/აფილირებულ კომპანიებთან, რომლებსაც თავად შემსყიდველი მიუთითებს

­­შერჩევის პროცესის მიმდინარეობა:

შერჩევა  ჩატარდება შემდეგი განრიგით:

• პრეტენდენტებმა სატენდერო წინადადება უნდა წარმოადგინონ არაუგვიანეს 2024 წლის 7 მაისის 18:00 საათისა.
• შემსყიდველი განიხილავს შემოსულ სატენდერო წინადადებებს და მოახდენს პრეტენდენტ/ებ/ის, წარმოდგენილი წინადადებების შეფასებასა და გამარჯვებული კომპანიის გამოვლენას წარმოდგენილი პირობების შესაბამისად.
• საჭიროების შემთხვევაში, შერჩეულ პრეტენდენტ/ებ/თან ჩატარდება დამატებითი მოლაპარაკებები.
• საბოლოო ეტაპზე გამარჯვებულთან გაფორმდება ხელშეკრულება.
• ტენდერი განხორციელდება შემდეგ ვადებში:
   - ტენდერის გამოცხადება - 22 აპრილი 2024
   - სატენდერო წინადადებების მიღების დასრულება - 10 მაისი  2024
   - გამარჯვებული პრეტენდენტ/ებ/ის გამოვლენა და შეტყობინების გაგზავნა - 15 მაისი  2024
   - ხელშეკრულების გაფორმება - 20 მაისი  2024

შემსყიდველი იტოვებს უფლებას, ტენდერის მიმდინარეობის ნებისმიერ ეტაპზე შეაჩეროს, შეწყვიტოს ან/და გამოაცხადოს ახალი ტენდერი პრეტენდენტ/ებ/თან წინასწარი შეთანხმების გარეშე, საკუთარი შეხედულებისამებრ.

ტენდერის შეჩერების / შეწყვეტის შესახებ ინფორმაციის მიღება პრეტენდენტ/ებ/ს შეეძლებათ სატენდერო განცხადების პორტალზე.

ტენდერის შეჩერება ან/და შეწყვეტა არ გამოიწვევს რაიმე სახის, მათ შორის, ფინანასური პასუხისმგებლობის დაკისრებას შემსყიდველისათვის.

შემსყიდველი იტოვებეს უფლებას, გამარჯვებულთან ხელშეკრულების გაფორმებამდე გააფართოვოს ან შეცვალოს მოთხოვნები გასაწევ მომსახურებასთან/შესყიდვასთან დაკავშირებით, რის შესახებაც ინფორმაცია განთავსდება სატენდერო განცხადებების პორტალზე.

ტენდერით შესასყიდი მომსახურების/საქონლის აღწერილობა / სპეციფიკაციები

მოთხოვნები:

ტენდერში მონაწილე კომპანიამ დანართი #1-ით უნდა წარმოადგინოს შემოთავაზება, რომელიც მოიცავს:

• გეგმიური სერვისი - ღირებულება, სერვისის დეტალური აღწერილობა, გრაფიკი. (დანართი #1, Sheet #1)
• ევექსის ქსელში არსებული აგრეგატების სერვისის საშუალო ღირებულება (დანართი #1, Sheet #2)
• სეზონური გადართვები - ღირებულება წარმოდგენილი უნდა იყოს კლინიკების ჭრილში (დანართი #1, Sheet #3)
• ინციდენტების განფასება (დანართი #1, Sheet #4)

ევექსის ქსელში არსებული კლინიკების დიაგნოსტიკა დაექვემდებაროს შემდეგ ლიმიტებს:

• თბილისში არსებულ კლინიკებში, თითო ლოკაციაზე მოხდეს თვეში 2 უსასყიდლო დიაგნოსტიკა, 2-ზე მეტი დიაგნოსტიკის შემთხვევაში, დიაგნოსტიკის სტანდარტული ფასი წარმოდგენილი უნდა იყოს დანართი #1-ში
• რეგიონებში არსებულ კლინიკებში, თითო ლოკაციაზე მოხდეს თვეში 1 უსასყიდლო დიაგნოსტიკა, 1- ზე მეტი დიაგნოსტიკის შემთხვევაში, დიაგნოსტიკის სტანდარტული ფასი წარმოდგენილი უნდა იყოს დანართი #1-ში

SLA-რომელიც გავრცელდება კონტრაქტში ჩამოყალიბდება დეფინიცია სასწრაფო და სტანდარტული გამოძახებებისა, რომელზეც გავრცელდება შემდეგი პირობები:

• სასწრაფო 
   - თბილისში შეტყობინებიდან არაუგვიანეს 3-სთ გამოცხადება დიაგნოსტიკაზე. დიაგნოსტიკის შემდეგ დაუყოვნებლივ ეცნობოს დამკვეთს აღმოფხვრაზე. რეგიონში - შეტყობინებიდან არაუგვიანეს 24სთ
   - რეგიონში შეტყობინებიდან არაუგვიანეს 24-სთ გამოცხადება დიაგნოსტიკაზე. დიაგნოსტიკის შემდეგ დაუყოვნებლივ ეცნობოს დამკვეთს აღმოფხვრაზე.
• სტანდარტული 
   - თბილისში შეტყობინებიდან არაუგვიანეს 24-სთ გამოცხადება დიაგნოსტიკაზე. დიაგნოსტიკის შემდეგ დაუყოვნებლივ ეცნობოს დამკვეთს აღმოფხვრაზე.
  - რეგიონში - შეტყობინებიდან არაუგვიანეს 72-სთ გამოცხადება დიაგნოსტიკაზე. დიაგნოსტიკის შემდეგ დაუყოვნებლივ ეცნობოს დამკვეთს აღმოფხვრაზე.

დამატებითი მოთხოვნები: 

• გათბოა-გაგრილების მომსახურე პერსონალი აღჭურვილი უნდა იქნას შრომის კანონმდებლობით და უსაფრთხოების ნორმების შესაბამისად;
• გათბობა-გაგრილების მომსახურე პერსონალი უნდა ფლობდეს სახელმწიფოს მიერ გაცემულ სერთფიკატს.

ევექსის ქსელში არსებული გათბობა-გაგრილების სისტემების ჩამონათვალი იხილეთ დანართი #2-ში

არსებული რეგიონები:

• ზუგდიდი
• ბათუმი
• ჩაქვი
• ქუთაისი
• თბილისი

კონტრაქტის ფარგლებში შესაძლოა დაემატოს სხვა რეგიონიც

შერჩევის კრიტერიუმები და მოთხოვნები მომწოდებლის მიმართ:

ტენდერში გამარჯვებული მომწოდებლის შერჩევა მოხდება შემსყიდველის მოთხოვნებთან შესაბამისობისა და წარმოდგენილი სატენდერო დოკუმენტაციის გათვალისწინებით.

სატენდერო წინადადების განხილვა მოხდება მხოლოდ სრულყოფილად წარმოდგენილი დოკუმენტაციის პირობებში.

სატენდერო წინადადებები შეფასდება შემდეგი კრიტერიუმების მიხედვით: 

• შესყიდვის ფასი
• მიწოდების / მომსახურების ვადები
• გადახდის პირობა
• პროდუქციის ხარისხი
• საგარანტიო პირობა
• კომპანიის გამოცდილება/ სანდოობა

ტენდერში მონაწილეობა შეუძლიათ როგორც იურიდიულ ისე ფიზიკურ პირებს.

სატენდერო წინადადება:

სატენდერო წინადადება უნდა მოიცავდეს შემდეგ დოკუმენტაციას/ინფორმაციას:

• პრეტენდენტი იურიდიული პირის ამონაწერი სამეწარმეო რეესტრიდან;
• ცნობა შემოსავლების სამსახურიდან ბიუჯეტის წინაშე დავალიანების არარსებობის შესახებ;
• ცნობა, რომ არ მიმდინარეობს პრეტენდენტის მიმართ რეორგანიზაცია-ლიკვიდაცია და/ან გადახდისუუნარობის საქმის წარმოება;
• კომპანიის კორპორატიული კლიენტების ჩამონათვალი;
• მინიმუმ ორი სარეკომენდაციო წერილი მსგავსი ტიპის პროექტზე;
• „ინფორმაცია პრეტენდენტის შესახებ“, შევსებული დანართ #2-ში მითითებული სახით;
• „კონფიდენციალურობაზე შეთანხმების პრეტენდენტის მხრიდან ხელმოწერილი ვერსია (შეთანხმება თან ერთვის დანართი #3-ს სახით);
• პრეტენდენტის მიერ ხელმოწერილი აფიდავიტი - აფიდავიტი მოცემულია დანართი დანართი #4-ის სახით;

ყველა მოცემული დანართის შევსება პრეტენდენტის მიერ სავალდებულოა. პრეტენდენტის მიერ მომზადებული ყველა დანართი/დოკუმენტი უნდა იყოს ხელმოწერილი პრეტენდენტის უფლებამოსილი პირის მიერ და დამოწმებული ბეჭდით (ასეთის არსებობის შემთხვევაში).

დოკუმენტაციის მომზადების თარიღი წინ არ უნდა უსწრებდეს სატენდერო დოკუმენტების წარდგენის თარიღს 5 კალენდარულ დღეზე მეტი ვადით.

პრეტენდენტი სატენდერო წინადადების წარმოდგენით ადასტურებს, რომ (ა) იგი გაეცნო დანართი #5-ის სახით წარმოდგენილ შესყიდვის ხელშეკრულების ნიმუშს, რომლის გაფორმებაც მოხდება გამარჯვებულ პრეტენდენტთან და თანახმაა აღნიშნული რედაქციის გაფორმებაზე და (ბ) მისთვის ცნობილია, რომ ხელშეკრულების მოქმედების პერიოდში არ აქვს უფლება, გაზარდოს სახელშეკრულებო ფას/ებ/ი ან სხვაგვარად გააუარესოს შემსყიდველის მდგომარეობა.

დამატებითი მოთხოვნები (ასეთის არსებობისას):

იმ შემთხვევაში, თუ შესყიდვის პროცესში ადგილი ექნება საავანსო გადახდის მოთხოვნას, გამარჯვებულ პრეტენდენტთან ხელშეკრულების გაფორმებისათვის სავალდებულო პირობაა, ავანსის უზრუნველსაყოფი საბანკო გარანტიის წარმოდგენა შემსყიდველისათვის, გაცემული ამ უკანასკნელისათვის მისაღები ფინანსური ინსტიტუტის მიერ. ავანისის მაქსიმალური ოდენობა არის მთლიანი თანხის 20%

პრეტენდენტის დისკვალიფიკაცია:

შემსყიდველი უფლებამოსილია მოახდინოს პრეტენდენტის დისკვალიფიკაცია თუ:

• პრეტენდენტი ირიცხება მოვალეთა რეესტრში;
• პრეტენდენტის ქონებაზე რეგისტრირებულია საგადასახადო ან სხგვაგვარი გირავნობა/იპოთეკა/შეზღუდვა;
• მიმდინარეობს პრეტენდენტის რეორგანიზაცია, ლიკვიდაცია ან გადახდისუუნარობის საქმის წარმოება;
• სატენდერო განაცხადით მოთხოვნილი დოკუმენტაცია/ინფორმაცია:
   - სრულად არ იქნება წარმოდგენილი;
   - არ შეესაბამება დადგენილ მოთხოვნებს;
   - არ შეესაბამება სინამდვილეს;
   - ყალბია.
• არსებობს სხვა ობიექტური გარემოება, რომელიც შეუძლებელს ხდის პრეტენდენტის შემდგომ მონაწილეობას ტენდერში.

კონფიდენციალურობა

პრეტენდენტი პასუხისმგებელია შემსყიდველის მიერ მიწოდებული ინფორმაციის კონფიდენციალურობაზე, როგორც შერჩევის პროცესის მსვლელობის, ასევე, მისი დასრულების შემდეგაც, მიუხედავად ტენდერის შედეგებისა.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
  
• სატენდერო წინადადების წარმოდგენის ბოლო ვადა: 2024 წლის 10 მაისი, 18:00 საათი
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

შერჩევის პროცესის მსვლელობისას პრეტენდენტებს უფლება აქვთ მოითხოვონ მათთვის საჭირო ინფორმაცია. დამატებითი ინფორმაციის მოთხოვნის ან კითხვების არსებობის შემთხვევაში, გთხოვთ, მოგვწეროთ ელექტრონული ფოსტის მისამართზე: mgikoshvili@evex.ge

მარიამ გიქოშვილი
mgikoshvili@evex.ge

ტენდერის კატეგორია:

• 44600000 ავზები, რეზერვუარები და კონტეინერები; ცენტრალური გათბობის რადიატორები და ბოილერები