ტენდერის აღწერილობა:

შპს „ორი ნაბიჯი“ აცხადებს ტენდერს პერსონალურ მონაცემთა დაცვის მომსახურების შესყიდვაზე.

მომსახურების აღწერილობა:

მომსახურების მომწოდებელმა კომპანიამ უნდა უზრუნველყოს პერსონალურ მონაცემთა დაცვის ოფიცრის მომსახურება, რაც თავის მხრივ მოიცავს:

• კომპანიის საქმიანობის სრული შესაბამისობის უზრუნველყოფა პერსონალურ მონაცემთა დაცვის შესახებ საქართველოს კანონთან და აღნიშნულის ფარგლებში არსებულ მარეგულირებელ სამართლებრივ ნორმებთან ან/და პოლიტიკებთან/პროცედურებთან.
• კომპანიის სხვადასხვა სტრუქტურულ ერთეულთან თანამშრომლობა. არსებული პროცესების შესწავლა, მათგან საჭირო ინფორმაციის/დოკუმენტაციის გამოთხოვა, მითითებებს/რეკომენდაციებს მიცემა კანონმდებლობის მოთხოვნებთან შესაბამისობაში მოსვლის მიზნით.
• კომპანიის პერსონალურ მონაცემთა დაცვის პოლიტიკის , მომხმარებელთა პერსონალური მონაცემების დაცვისა და მათთან კომუნიკაციის პოლიტიკის შემუშავება, პერსონალურ მონაცემთა წაშლის, შევსების, გასწორების, დამუშავების შეწყვეტის, განადგურების, დაბლოკვისა და განახლების პოლიტიკის, ასევე ვიდეო-აუდიო მონიტორინგის უსაფრთხოების დაცვის პოლიტიკის და სხვა შემუშავება.
• კომპანიაში პროცესების წარმოებისას, ინფორმაციის მიმოცვლისას პერსონალურ მონაცემთა დაცვის საკითხის კონტროლი.
• მონაცემთა დამუშავების შესახებ თანხმობის ფორმების შემუშავება ,როგორც დასაქმებულებისთვის, ისე მომხმარებლებისთვის/კონტრაგენტებისთვის;
• შესაბამისობის შემოწმების/კონტროლის მექანიზმების შემუშავება.
• კომპანიაში ვიდეო-აუდიო მონიტორინგის განხორციელების პროცესის შემოწმება
• კომპანიაში შრომითი ურთიერთობიდან გამომდინარე ინფორმაციის/დოკუმენტაციის დამუშავების პროცესის შესაბამისობის შემოწმება პერსონალურ მონაცემთა დაცვის შესახებ კანონთან.
• კონტრაქტორთა პერსონალური მონაცემების დამუშავების პროცესის შესაბამისობის შემოწმება პერსონალურ მონაცემთა დაცვის შესახებ კანონთან;
• კომპანიის მიერ სადაზღვევო კომპანიებისთვის ინფორმაციის/დოკუმენტაციის, მათ შორის დასაქმებულთა მონაცემების, მიწოდების პროცესის შესაბამისობის შემოწმება.
• კომპანიის პროდუქტების მომხმარებელთა მონაცემების დამუშავების შესაბამისობის შემოწმება, მათ შორის და არა მარტო უზრუნველყოს დაგროვებითი ბარათის და კომპანიის აპლიკაციის მფლობელთა მონაცემების დამუშავების წესის შესაბამისობის შემოწმება.
• ფაილურ სისტემათა კატალოგის რეესტრის წარმოება,მისი შესაბამისობის შემოწმება პერსონალურ მონაცემთა დაცვის შესახებ კანონთან;
• მარკეტინგული მიზნებიდან გამომდინარე პერსონალურ მონაცემთა დამუშავების შემოწმება.
• პერსონალურ მონაცემთა დამუშავების უსაფრთხოების შემოწმება (ავტორიზებული წვდომები პერსონალურ მონაცემებზე; პერსონალური მონაცემების განცალკევებულ ადგილას შენახვა და ა.შ.);
• შემოწმება/მონაწილეობა პერსონალურ მონაცემთა განადგურების პროცესში .

პერსონალურ მონაცემთა დაცვის ოფიცერი ვალდებულია პერსონალურ მონაცემთა დაცვის შესახებ კანონთან შესაბამისობის შემოწმების მიზნით, მიმართოს ყველა აუცილებელ ღონისძიებას და განახორციელოს ყველა აუცილებელი ქმედება, მათ შორის:

• მიიღოს რეკომენდაციები პერსონალურ მონაცემთა დაცვის სამსახურისგან.
• საჭიროების შემთხვევაში, უზრუნველყოს კომპანიის სათავო ოფისსა და მისი მართვის ქვეშ შემავალ ობიექტებში ვიზიტი.
• შეუსაბამობის აღმოჩენის შემთხვევაში, შეაფასოს შესაძლო რისკები და მიაწოდოს აღნიშნულის თაობაზე ინფორმაცია კომპანიას;

ანგარიშის/დასკვნის მომზადება:

• პერსონალურ მონაცემთა დაცვის ოფიცერი ვალდებულია კომპანიას წარუდგინოს პერიოდული ანგარიში, საქმიანობის განხორციელების პროცესში წამოჭრილ საკითხებთან დაკავშირებით.
• კანონმდებლობასთან შეუსაბამობის შემთხვევაში, პერსონალურ მონაცემთა დაცვის ოფიცერი ვალდებულია დასკვნაში მიუთითოს:
  - შესაბამისი სამართალდარღვევისთვის გათვალისწინებული სანქციის ოდენობა.
  - კომპანიის მიერ პერსონალურ მონაცემთა დამუშავების კანონმდებლობასთან სრულ შესაბამისობაში მოყვანის მიზნით, შესაბამისი რჩევა/რეკომენდაცია.
  - განუსაზღვროს კომპანიას ეფექტური მექანიზმები, რომლებიც დაეხმარება მას პერსონალურ მონაცემთა დაცვის უზრუნველყოფაში.

ტენდერის პირობები/მოთხოვნები:

• სერვისის აღწერილობა დეტალურად
• კომერციული წინადადება ეროვნულ ვალუტაში საქართველოს კანონმდებლობით გათვალისწინებული გადასახადების ჩათვლით;

დამატებითი ინფორმაცია:

• სასურველია, რომ მომსახურების გამწევს გააჩნდეს პერსონალურ მონაცემთა დაცვის სამსახურში მუშაობის გამოცდილება და CIPP/E სერტიფიცირება.
• შერჩეულ კომპანიასთან გაფორმდება არა ერთჯერადი ხელშეკრულება;
• ხელშეკრულების მოქმედების პერიოდში, მომსახურების ღირებულება უნდა იყოს ფიქსირებული;
• გადახდის პირობა: 30 დღიანი კონსიგნაცია;
• ტენდერის ვადა განისაზღვრება 2024 წლის 7 მაისიდან 2024 წლის 17 მაისის ჩათვლით;

დაინტერესებულ კომპანიებს შეუძლიათ ელექტრონულად გამოაგზავნოთ შემოთავაზება ელ.ფოსტაზე: tenders@orinabiji.ge

აუცილებელი მოთხოვნა:

• საჯარო რეესტრიდან განახლებული სამეწარმეო ამონაწერი;
• კომპანიის მოღვაწეობის შესახებ ინფორმაცია (საქმიანობის მოკლე აღწერილობა (გამოცდილება, კლიენტების სია), დაარსების თარიღი, რეკომენდაციები, ა.შ.);

ტენდერის საკითხებთან დაკავშირებით, გთხოვთ წერილობით მიმართოთ:

მარიამ ყულიაშვილი
შესყიდვების სპეციალისტი
mariam.kuliashvili@orinabiji.ge
ტელ: 511 33 39 05

ტენდერის კატეგორია:

• 72200000 პროგრამული უზრუნველყოფის შემუშავება და საკონსულტაციო მომსახურებები