ტენდერის აღწერილობა:

სს ,,საქართველოს ბანკი" აცხადებს ტენდერს სათავო ოფისის მწვანე საფარის მოვლის მომსახურების შესყიდვის შესახებ.

1. ზოგადი ინფორმაცია / მომსახურების ჩამონათვალი:

შემსყიდველი საჭიროებს თბილისში, ბანკის სათავო ოფისის (მის: ი.გაგარინის 29ა) ეზოსა და მიმდებარე ტერიტორიაზე არსებული მწვანე საფარისა და მცენარეების მოვლასთან დაკავშირებული სხვადასხვა ტიპის მომსახურების შესყიდვას, კერძოდ:

• ტერიტორიის გათიბვა (შესაბამისი ტექნიკით) ბალახის შეგროვება/გატანა: გაზაფხული/ზაფხული არაუმეტეს 2 ჯერ კვირაში; შემოდგომა/ზამთარი არაუმეტეს ერთხელ კვირაში.
• გაზონის დამუშავება სასუქით (აზოტი)
• ტერიტორიების სარეველებისგან გასუფთავება ყოველკვირეულად; ბანკის მოთხოვნის შემთხვევაში, ჰერბიციდით შეწამლვა საკუთარი ხარჯებით.
• საჭირო უბნების დამატებით მორწყვა.
• საჭირო უბნების მოფოცხვა.
• მცენარეების სხვლა, ფორმირება, მოვლა – გამხმარი ფოთლების/ტოტების მოჭრა/ მოცილება, მცენარის მთლიანი იერსახის შენარჩუნებით.
• მცენარეების გარშემო ნიადაგის შემობარვა (საჭიროების შემთხვევაში) წელიწადში 2-ჯერ, გაზაფხული-შემოდგომა
• განოყიერება – მცენარეების ზრდის ხელშეწყობის მიზნით, მათი უზრუნველყოფა შესაბამისი სასუქით და მცენარეული საკვებით საკუთარი ხარჯებით წელიწადში 2-ჯერ.
• გამწვანების ზონების და ნარგავების მონიტორინგი კვალიფიციური პირის მიერ, ყოველკვირეულად
• მცენარეების კონტროლი დაავადებებზე, საჭიროებისას შეწამლვა/დამუშავება საკუთარი ხარჯებით.
  
• სარწყავი სისტემის ყოველკვირეული კონტროლი/მოწესრიგება: მორწყვის სისტემის/გრაფიკის/სპრინკლერების დაფარვის ზონების დარეგულირება ბალახის/მცენარეების სპეციფიკური საჭიროების გათვალისწინებით.
  

მომსახურების შესრულებით დაინტერესებულ პირებმა უნდა დაგეგმონ ვიზიტი, იმისთვის რომ თავადვე მოახდინონ ტერიტორიის დათვალიერება და შესასრულებელი სამუშაოების მოცულობის და სირთულის შეფასება.

მეტი ინფორმაციისთვის გაეცანით შემდეგ დანართებს:

• დანართი N1 _ ტერიტორიის კვადრატულობა ზონების მიხედვით
• დანართი N2 _ ფოტოსურათების არქივი ზონების მიხედვით

საკონტრაქტო ვადა: 1 წელი, ავტომატურად 1 წლით გაგრძელების პირობით.

2. კონტრაქტორის ვალდებულებები:

კონტრაქტორი ვალდებულია:

• მომსახურება განახორციელოს ბანკთან წინასწარი შეთანხმებით, ბანკისთვის არასამუშაო საათებში/დღეებში:
   - ბანკის სამუშაო დღეები/საათები: ორშაბათი - პარასკევი, 10:00-19:00
• მომსახურება განახორციელოს საკუთარი ინვენტარით/ხელსაწყოებით.
• უზრუნველყოს მოვლის პერიოდში გამხმარი მცენარის ჩანაცვლება იგივე სახეობის, ზომის მცენარით საკუთარი ხარჯებით.
• უზრუნველყოს მოვლის/თიბვის დროს დაზიანებული სარწყავი სისტემის სპრინკლერების შეკეთება საკუთარი ხარჯებით.
• უზრუნველყოს, სარწყავი სისტემის ექსპლუატაცია და საჭიროების შემთხვევაში სარწყავი სისტემის ქსელის განვითარება (ახალი სისტემის მოწყობა; წერტილების დამატება; სარწყავის ან/და წვეთოვანი სისტემის დაგრძელება და ა.შ. ), რომლის ანაზღაურებას ბანკი უზრუნველყოფს, წინასწარი შეთანხმების საფუძველზე.
• არსებული ხეების, მცენარეების მოჭრა/გადაბელვა/გასხვლა ან/და რაიმე სხვა სახის ინტერვენცია განახორეციელოს ბანკის მხრიდან მოთხოვნის ან/და თანხმობის საფუძველზე.
• უზრუნველყოს მცენარეთა დაცვის საშუალებებისა და სასუქის უსაფრთხოდ გამოყენება.
• დაიცვას მცენარეთა დაცვის საშუალებების, სამუშაო იარაღისა და აალებადი ნივთიერებების შენახვის ნორმები.
• დაიცვას სანიტარული ნორმები.
• პროგნოზირებად, მაგრამ ცვალებად სამუშაო გარემოში ახორციელოს თვითმენეჯმენტი. მართოს საკუთარი და მასზე დაქვემდებარებული პირების საქმიანობა.
• აიღოს პასუხისმგებლობა გარე გამწვანების შეფასებასა და გაუმჯობესებაზე კლიმატურ პირობებს გათვალისწინებით, კვალიფიციური რეკომენდაციების გაცემის სახით.- უზრუნველყოს საბაღე ტექნიკისა და ინსტრუმენტების გამართულობა და უსაფრთხოება.

გარდა ეზოს მოვლის სტანდარტული მომსახურებისა, ბანკს წლის განმავლობაში აქვს საჭიროება მიიღოს დამატებითი მომსახურებები. გთხოვთ განფასება წარმოადგინოთ დანართი 3-ის მიხედვით.

3. საკვალიფიკაციო მოთხოვნები: 

• მსგავსი მომსახურების შესაბამისი მასშტაბებით შესრულების გამოცდილება ადგილობრივ ბაზარზე - მინიმუმ 3 წელი.
• მომსახურების დაწყების შესაძლებლობა - ხელშეკრულების გაფორმებიდან 10 სამუშაო დღეში.

4. ტენდერის ფარგლებში წარსადგენი სავალდებულო დოკუმენტაცია:

ტენდერში მონაწილეობის მისაღებად აუცილებელია ორგანიზაციამ წარმოადგინოს შემდეგი სავალდებულო დოკუმენტაცია:

• ფინანსური წინადადება
  - ფინანსური წინადადება წარმოდგენილი უნდა იყოს ყოველთვიური ფიქსირებული საფასურის მითითებით, რომელიც უნდა მოიცავდეს მომსახურების პირობებში გათვალისწინებულ ყველა მომსახურების შესრულებას.
  - წინადადება წარმოდგენილი უნდა იყოს საქართველოს ეროვნულ ვალუტაში - ლარში და მოიცავდესკანონმდებლობით გათვალისწინებულ გადასახადებს და გადასახდელებს. 
  - ანგარიშსწორება განხორციელდება ორმხრივად ხელმოწერილი მ/ჩ აქტის საფუძველზე თვეში ერთხელ.
•  ფინანსური წინადადება დამატებით მომსახურებებზე (დანართი 3)
  - წლის განმავლობაში შესაძლო დამატებითი მომსახურებების ტარიფები უნდა წარმოადგინოთ დანართი 3-ის საშუალებით. აღნიშნული ტარიფი ფიქსირებული უნდა იყოს საკონტრაქტო პერიოდის განმავლობაშ
• კომპანიის მოღვაწეობის შესახებ ინფორმაცია, საქმიანობის მოკლე აღწერილობა, დასაქმებულთა რაოდენობა და კვალიფიკაცია, გამოცდილების შესახებ ინფორმაცია
• კომპანიის საკონტაქტო ინფორმაცია, კერძოდ: 
  - ორგანიზაციის დასახელება / ს.კ
  - მისამართი
  - ხელმძღვანელის სახელი და გვარი
  - ხელმძღვანელის ტელეფონის ნომერი
  - საკონტაქტო პირის სახელი და გვარი
  - საკონტაქტო ტელეფონი / ელ. ფოსტის მისამართი
  - ვებ-გვერდი
  
•  სარეკომენდაციო წერილი - მინიმუმ 2  
  

5. დამატებითი ინფორმაცია: 

• პრეტენდენტის წინააღმდეგ არ უნდა მიმდინარეობდეს გადახდისუუნარობის საქმის წარმოება და პრეტენდენტი არ უნდა იყოს ლიკვიდაციის / რეორგანიზაციის პროცესში.
• ტენდერის განმავლობაში პრეტენდენტს აქვს ვალდებულება მოთხოვნისამებრ წარმოადგინოს ნებისმიერი იურიდიული თუ ფინანსური დოკუმენტი.
• ბანკი უფლებამოსილია ნებისმიერ დროს შეწყვიტოს, გააუქმოს ან გადაავადოს ტენდერი თავისი შეხედულებისამებრ.
  

6.შეფასების კრიტერიუმები:

გამარჯვებული კომპანია შეირჩევა შეფასების კრიტერიუმების მიხედვით:

•  ფინანსური წინადადება 70%
•  კომპანიის გამოცდილება 30% 

ბანკი იტოვებს უფლებას, სატენდერო პროცედურის დასრულების შემდგომ, გამარჯვებულის გამოვლენამდე, დაგეგმოს შეხვედრები ტენდერში მონაწილე მონაწილე შერჩეულ კომპანიებთან, გასაუბრებისა და შესაძლო დამატებითი დეტალების დაზუსტების მიზნით.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: tenders.ge;
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნასwww.tenders.ge-ს პორტალის ონლაინ კითხვა-პასუხის რეჟიმი;
• სატენდერო წინადადების წარმოდგენის ბოლო ვადა: 2024 წლის 29 ივლისი, 17:00 საათი;
• შეთავაზების ვალუტა: ლარი;
• ვაჭრობის ტიპი: ვაჭრობის გარეშე;
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში.

საკონტაქტო პირი: 

ხატია ითიურიძე
599 39 00 44 
khitiuridze@bog.ge

ტენდერის კატეგორია:

• 90900000 დასუფთავება და სანიტარიული მომსახურება