ტენდერის აღწერილობა:

შპს ბიზნესისა და ტექნოლოგიების უნივერსიტეტი აცხადებს ღია ტენდერს კომპიუტერული ტექნიკის შესყიდვაზე და იწვევს ტენდერში მონაწილეობის მისაღებად ყველა დაინტერესებულ პირს.  

ძირითადი მოთხოვნები: 

• ყველა დაინტერესებული მხარე, რომელიც აპირებს მონაწილეობის მიღებას წინამდებარე ტენდერში, უნდა აკმაყოფილებდეს შემდეგ პირობებს:
• კომპიუტერული ტექნიკით ვაჭრობის გამოცდილება ბოლო სამი წლის განმავლობაში;
• ბოლო სამი წლის განმავლობაში განხორციელებული უნდა ჰქონდეს არანაკლებ ორი მსგავსი მასშტაბის კონტრაქტი კომპიუტერული ტექნიკის მიწოდებაზე.

სხვა მოთხოვნები:

• სატენდერო წინადადების ფასი წარმოდგენილი უნდა იქნას დანართ #1-ის შევსების გზით. ყველა ის ხარჯი, რომელიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
• შემოთავაზებული ტექნიკა უნდა აკმაყოფილებდეს დანართ #1-ში მითითებულ ტექნიკურ მახასიათებლებსა (სპეციფიკაციები) და საგარანტიო პირობებს.

კონტრაქტის პირობები და ანაზღაურება: 

• კონტრაქტის ფარგლებში გამარჯვებულმა კომპანიამ უნდა უზრუნველყოს აღნიშნული ტექნიკის მოწოდება 2024 წლის 15 ნოემბრამდე.  
• კონტრაქტით გათვალისწინებული თანხის 10% გადახდილი იქნება ავანსად, ხოლო დარჩენილი 90%-ის ანაზღაურება მოხდება პროდუქციის მიწოდებისა და შესაბამისი მიღება-ჩაბარების გაფორმების შემდგომ.
• ანაზღაურება მოხდება საქართველოს ეროვნულ ვალუტაში, საქართველოს ეროვნული ბანკის მიერ დადგენილი გაცვლითი კურსის შესაბამისად. 

შერჩევის კრიტერიუმები:

• შემოთავაზებების განხილვის პროცესში უპირატესობა მიენიჭება იმ სატენდერო წინადადებას, რომელიც დააკმაყოფილებს ყველა ზემოთ აღნიშნულ მოთხოვნას და წარმოადგენს კონკურენტულ ფასს.
• შერჩევის ერთ-ერთ კრიტერიუმად ასევე განიხილება პრეტენდენტის მიერ შემოთავაზებული პროდუქციის უკეთესი ტექნიკური მახასიათებლები, ვიდრე ეს მითითებულია დანართ #1-ში.
• კანდიდატს აფლება აქვს წარმოადგინოს რამდენიმე კონფიგურაცია, მაგრამ არაუმეტეს 5-ისა.
• არასრულად წარმოდგენილი სატენდერო წინადადება არ განიხილება.

პროცედურა: წინამდებარე კონკურსში მონაწილეობის მისაღებად, ყველა დაინტერესებული მხარე ვალდებულია წარმოადგინოს ტენდერში მონაწილეობის განაცხადი, ფასთა კვოტირების ფორმა და ინფორმაცია განმცხადებლის შესახებ ამ განცხადებაზე თანდართული ფორმის ჩამოტვირთვისა და შევსების გზით:

• დანართი # 1 (ფასთა კვოტირების ფორმა). გაითვალისწინეთ, რომ ფასები წარმოდგენილი უნდა იყოს აშშ დოლარში, დღგ-ს გარეშე;

დანართს თან უნდა ერთვოდეს შემდეგი დოკუმენტაცია:

• ამონაწერი სამეწარმეო რეესტრიდან, რომელიც გაცემული უნდა იყოს წინამდებარე ტენდერის გამოქვეყნების შემდეგ;
• ცნობა, რომ მის მიმართ არ ხორციელდება რეორგანიზაცია ან ლიკვიდაცია.

სატედენდერო წინადადება ყველა ზემოთ ხსენებულ დოკუმენტაციასთან ერთად უნდა გამოიგზავნოს 2024 წლის 23 სექტემბრის 18:00 საათამდე შემდეგ ელ. მისამართზე: info@btu.edu.ge - სათაურით “ტენდერი კომპიუტერების შესყიდვაზე”.

წინასატენდერო კითხვების შემთხვევაში ასევე შეგიძიათ კითხვები მოიწეროთ მისამართზე info@btu.edu.ge 

ტენდერის კატეგორია:

• 30200000 კომპიუტერული მოწყობილობები და აქსესუარები