ტენდერის აღწერილობა:

სს ჰეშ ბანკი აცხადებს ელექტრონულ ტენდერს ინფორმაციული უსაფრთხოების, ინციდენტების მონიტორინგის და მართვის (SIEM) სისტემის დანერგვაზე. დაინტერესებულმა პირებმა წინადადება უნდა წარმოადგინონ შესყიდვების ელექტრონული სისტემის- www.tenders.ge საშუალებით.

წინამდებარე დოკუმენტის მიზანია, პრეტენდენტს განემარტოს შემსყიდველის მოთხოვნები და პირობები სრულყოფილი სატენდერო წინადადების წარმოსადგენად.

შერჩევის პროცესის მიმდინარეობა:

ტენდერის გამოცხადება:  21 ოქტომბერი 2024
სატენდერო წინადადებების მიღება:  04 ნოემბერი 2024

შემსყიდველი იტოვებს უფლებას, ტენდერის მიმდინარეობის  ნებისმიერ ეტაპზე შეაჩეროს, შეწყვიტოს ან/და გამოაცხადოს ახალი ტენდერი პრეტენდენტ/ებ/თან წინასწარი შეთანხმების გარეშე, საკუთარი შეხედულებისამებრ. 

ტენდერის შეჩერების / შეწყვეტის შესახებ ინფორმაციის მიღება პრეტენდენტ/ებ/ს შეეძლებათ სატენდერო განცხადების პორტალზე.

შემსყიდველი იტოვებეს უფლებას, გამარჯვებულთან ხელშეკრულების გაფორმებამდე გააფართოვოს ან შეცვალოს მოთხოვნები გასაწევ მომსახურებასთან/შესყიდვასთან დაკავშირებით, რის შესახებაც ინფორმაცია განთავსდება სატენდერო განცხადებების პორტალზე. 

ტენდერით შესასყიდი პროდუქტის/მომსახურების ტექნიკური მახასიათებლები მოცემულია დანართი #1 სახით, რომელიც თან ერთვის სატენდერო დოკუმენტაციას.

მოთხოვნები მომწოდებელ კომპანიის მიმართ და წარმოსადგენი დოკუმნეტების ჩამონათვალი:

• მომწოდებელი კომპანია უნდა იყოს შემოთავაზებული პროდუქტის მწარმოებლის ოფიციალური პარტნიორი და უნდა წარმოადგინოს ავტორიზაციის ფორმა ამ კონკრეტული შესყიდვისთვის (MAF)
• მომწოდებელ კომპანის უნდა ჰყავდეს შემოთავაზებული მწარმოებლის მინიმუმ 1 ქართულენოვანი სერთიფიცირებული ინჟინერი , რომელიც განახორციელებს მოწოდებული პროდუქტის ინსტალაციას და კონფიგუირაციას შემსყიდველის IT ინფრასტრუქტურაში. უნდა წარმოადგინოს სერთიფიცირებული თანამშრომლის შესაბამისი სერთიფიკატი
• მოწოდებულ პროდუქტს უნდა მოყვებოდეს მწარმოებლის 1 წლიანი მხარდაჭერა, რომელიც მოიცავს პროდუქტის განახლებას და მწარმოებლის პორტალზე ინციდენტების(ქეისების) რეგისტრაციას.
• მომწოდებელი ვალდებულია შეთავაზებაში ზუსტად მიუთითოს პროდუქტის მოდელი(Part Numbers) და სპეციფიკაცია.
• პრეტენდენტმა უნდა წარმოადგინოს განფასება/ფასთა ცხრილი დანართი #2 სახით, PDF ფორმატში უფლებამოსილი პირის მიერ ხელმოწერილი და ასევე ექსელის ფაილის სახით 
• დანართი #3 - კომპანიის რეკვიზიტები;
• მომწოდებელ კომპანიას უნდა ჰქონდეს დანერგილი მინიმუმ 1 ანალოგიური პროექტი. ფაქტის დასადასტურებლად გთხოვთ წარმოადგინოთ გაფორმებული ხელშეკრულება ან სხვა დამადასტურებელი ოფიციალური დოკუმენტი
• მომწოდებელმა კომპანიამ 15 სამუშაო დღის ვადაში უნდა განახორციელოს  მოწოდებული პროდუქტის ინსტალაცია და კონფიგურაცია შემსყიდველი კომპანიის ტექნიკური ჯგუფის დავალების/ამოცანის მიხედვით
• იმ შემთხვევაში, თუ შესყიდვის პროცესში ადგილი ექნება საავანსო გადახდის მოთხოვნას(ჯამური თანხის 20%-ის და მეტის ოდენობით), გამარჯვებულ პრეტენდენტთან ხელშეკრულების გაფორმებისათვის სავალდებულო პირობაა, ავანსის უზრუნველსაყოფი საბანკო გარანტიის წარმოდგენა შემსყიდველისათვის, გაცემული ამ უკანასკნელისათვის მისაღები ფინანსური ინსტიტუტის მიერ.

პრეტენდენტის დისკვალიფიკაცია

შემსყიდველი უფლებამოსილია მოახდინოს პრეტენდენტის დისკვალიფიკაცია თუ:

• პრეტენდენტი ირიცხება მოვალეთა რეესტრში; 
• პრეტენდენტის ქონებაზე რეგისტრირებულია საგადასახადო ან სხვაგვარი გირავნობა/იპოთეკა/შეზღუდვა;
•  მიმდინარეობს პრეტენდენტის რეორგანიზაცია, ლიკვიდაცია ან გადახდისუუნარობის საქმის წარმოება
• სატენდერო განაცხადით მოთხოვნილი დოკუმენტაცია/ინფორმაცია:
  - სრულად არ იქნება წარმოდგენილი;
  - არ შეესაბამება დადგენილ მოთხოვნებს;
  - არ შეესაბამება სინამდვილეს;
  - ყალბია.
• არსებობს სხვა ობიექტური გარემოება, რომელიც შეუძლებელს ხდის პრეტენდენტის შემდგომ მონაწილეობას ტენდერში.

კონფიდენციალურობა:

პრეტენდენტი პასუხისმგებელია შემსყიდველის მიერ მიწოდებული ინფორმაციის კონფიდენციალურობაზე, როგორც შერჩევის პროცესის მსვლელობის, ასევე, მისი დასრულების შემდეგაც, მიუხედავად ტენდერის შედეგებისა.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი;
  
• სატენდერო წინადადების წარმოდგენის ბოლო ვადა:  2024 წლის 04 ნოემბერი,18:00 საათი;
• შეთავაზების ვალუტა: N/A;
• ვაჭრობის ტიპი: ვაჭრობის გარეშე;
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში 

შერჩევის პროცესის მსვლელობისას პრეტენდენტებს უფლება აქვთ მოითხოვონ მათთვის საჭირო ინფორმაცია. დამატებითი ინფორმაციის მოთხოვნის ან კითხვების არსებობის შემთხვევაში, გთხოვთ, მოგვწეროთ ელექტრონული ფოსტის მისამართზე: diana.kadaria@hashbank.ge ან დაგვიკავშირდეთ ტელეფონის ნომერზე: +995 551 677467.

ტენდერის კატეგორია:

• 48900000 სხვადასხვა სახის პროგრამული პაკეტები და კომპიუტერული სისტემები
• 48700000 პროგრამული პაკეტების მომსახურე პროგრამები
• 48800000 საინფორმაციო სისტემები და სერვერები
• 72200000 პროგრამული უზრუნველყოფის შემუშავება და საკონსულტაციო მომსახურებები