ტენდერის აღწერილობა:

შპს ქართული ცემენტი აცხადებს ტენდერს, ტყიბულის ნახშირის კარიერის საწყობიდან (ტყიბული, ბარათაშვილის ქ. #1) ნახშირის ტრანსპორტირებაზე ქართული ცემენტის კასპის (კასპი, ფარნავაზის ქ.#2) ცემენტის ქარხანაში.

თვითმცლელებზე ტყიბულში ნახშირის დატვირთვა მოხდება ყოველ  დღე (გარდა ოფიციალური სადღესასწულო დასვენების დღეებისა)  დილის 9 საათიდან საღამოს 5 საათამდე. გადასაზიდი ტვირთის სავარაუდო თვიური მოცულობა არის 11000-12000 ტონა კასპის მიმართულებით. 

ფასი უნდა იყოს მოწოდებული და ფიქსირებული ლარში, უნდა შეიცავდეს დღგ-ს და ყველა შესაძლო ხარჯს და გადასახადს რაც დაკავშირებული იქნება 1 ტონა ნახშირის ტრანსპორტირებასთან.

ტენდერის ჩაბარების პირობები:

პირველ ეტაპზე დაინტერესებულმა კომპანიები ტენდერში მონაწილების მისაღებად უნდა დარეგისტრირდნენ, როგორც მომწოდებლები და უნდა გაიარონ წინასწარ კვალიფიკაცია/შეფასება.

რეგისტრაციის შემდგომ, გამოაგზავნონ კომპანიის საიდენტიფიკაციო კოდი და საკონტაქტო ინფორმაცია. შემდეგ ელექტრონულ მისამართზე  George.lobjanidze@cement.ge

ტენდერი ჩატარდება ,,ქართული ცემენტის“ ელექტრონული ტენდერების პლატფორმის საშუალებით. ტენდერში მონაწილეობას მიიღებენ მხოლოდ ის კომპანიები, რომლებიც გაივლიან შეფასებას და წინასწარი კვალიფიკაციის ეტაპს.

კომპანიის მინიმალური მოთხოვნები:

• კომპანია უნდა იყოს სატრანსპორტო სფეროში მოღვაწე;
• უნდა გააჩნდეს საკუთრებაში ნაყარი ტვირთის გადასაზიდი სატვირთო მანქანები;
• 2 მლნ ლარი ბრუნვის დამადასტურებელი საბუთი კალენდარული წლის განმავლობაში, გაცემული მომსახურე ბანკიდან.;
• კომერციულ წინადადებასთან ერთად კომპანიამ უნდა წარმოადგინოს საქართველოში ლიცენზირებული ბანკებიდანერთ-ერთის მიერ დადასტურებული „performance guaranty“ (საბანკო გარანტია) 500 000 ლარის ოდენობით. გარანტიაძალაში უნდა იყოს გაცემიდან 1 წლის განმავლობაში;
• სარეკომენდაციო წერილები;
• ამონაწერი სამეწარმეო რეესტრიდან და საკონტაქტო ინფორმაცია;
• კომპანიას უნდა ჰყავდეს შრომისა და ჯანმთელობის დაცვის მენეჯერი.

სატვირთო მანქანებზე მინიმალური მოთხოვნები:

• სატვირთო მანქანები ადაპტირებული უნდა იყვნენ ნახშირის გადაზიდვებზე;
• აღჭურვილი უნდა იყვნენ გადასაფარებელი ტენტებით;
• დატვირთვა დასაშვებია არაუმეტეს სატვირთო მანქანის ტექნიკურ პასპორტში მითითებული მაქსიმალური დატვირთვისა. 

შერჩეულ კომპანიებთან მოხდება ვიზიტები. საკუთრებაში არსებული სატრანსპორტო საშუალებების დათვალიერება და გასაუბრება.

გამარჯვებულ კომპანიასთან გაფორმდება 1 წლიანი ხელშეკრულება.

ტენდერი სრულად, შიდა პლატფორმაზე, დასრულდება 18 დეკემბერს 15:00 საათზე. 

ტენდერში მონაწილეობის მსურველებმა გთხოვთ, მოახდინოთ დაკავშირება შემდეგ ელექტრონულ ფოსტაზე :George.lobjanidze@cement.ge, ამის შემდეგ მოხდება თქვენი მოწვევა/დამატება კომპანიის შიდა ტენდერზე, რის შემდეგაც შეძლებთ თქვენი შეთავაზების დაფიქსირებას.

გთხოვთ გაითვალისწინოთ, რომ აღნიშნულ ტენდერზე კომუნიკაცია მოხდება მხოლოდ ელექტრონული ფოსტის მეშვეობით. 

ტენდერის კატეგორია:

• 63100000 ტვირთის გადაზიდვისა და შენახვის მომსახურებები