ტენდერის აღწერილობა:

სს „ლიბერთი ბანკი“ აცხადებს ტენდერს: ფილიალში (ახალქალაქი, თამარ მეფის გამზ. 62) გარე გამოყენების შშმ პირების ლიფტის შესყიდვა/მონტაჟი ფასების ცხრილის (დანართი #1), ასევე ფოტო 1, ფოტო 2, ფოტო 3, ფოტო 4, ფოტო 5, ფოტო 6, ფოტო 7 და გეგმარების დოკუმენტის შესაბამისად;

• შემოთავაზებული მოდელი განკუთვნილი უნდა იყოს ფილიალის გეოგრაფიული მდებარეობიდან გამომდინარე რთული კლიმატური პირობების გათვლისწინებით;
• ლიფტი მოწყობილი უნდა იყოს ტექნიკური რეგლამენტის - „მისაწვდომობის ეროვნული სტანდარტების, ქვეთავი 407 - ლიფტები და 410 - ბაქან-ლიფტები” სრული დაცვით მათ შორის: გამოძახების ღილაკების მოთხოვნები - დაცული უნდა იყოს გამოსაძახებელი ღილაკების სიმაღლის, მათი ზომის, მართვის ღილაკებისა და საავარიო ღილაკების მდებარეობის სტანდარტები; კაბინისა და ლიფტის კარის მოთხოვნები - დაცული უნდა იყოს ლიფტის კაბინისა და კარის ღიობის ზომები, უსაფრთხოების ნორმები, იატაკის ზედაპირები უნდა იყოს მდგრადი, მყარი და არასრიალა; ლიფტი უნდა იყოს დახურული ტიპის, შესაბამისად შეზღუდული უნდა იყოს მასში ნალექების შეღწევა;
• ლიფტები მოწყობილი უნდა იყოს საქართველოს მთავრობის, 2011 წლის 20 ივლისს დამტკიცებული №289-ე დადგენილების - ლიფტის უსაფრთხოების შესახებ ტექნიკური რეგლამენტი - სრული დაცვით
• ლიფტის კაბინაში უზრუნველყოფილი უნდა იქნას მისადაგების შესაძლებლობა, რათა შშმ პირმა ადვილად და დამოუკიდებლად შეძლოს ლიფტის ექსპლუატაცია. ლიფტი სრულად უნდა იყოს ადაპტირებული შშმ პირთა მოთხოვნებზე;
• ლიფტი უზრუნველყოფილ უნდა იქნას განათებით, მათ შორის საავარიო განათებით;
• ლიფტში მოწყობილი უნდა იყოს ვენტილაცია ბუნებრივი, ხელოვნური ან კომბინირებული ვარიანტით;
• ლიფტი უზრუნველყოფილი უნდა იყოს ავარიული მართვის შესაძლებლობით;
• ლიფტის სამონტაჟო სამუშაოების დასრულების შემდგომ შემსრულებელმა უნდა ჩაატაროს ლიფტის კაბინის, ამძრავი მოწყობილობების, საკიდების და სხვა მექანიზმების მდგრადობისა და გამართულობის, ასევე სამართავი და საავარიო ღილაკების, ხმოვანი შეტყობინებების შემოწმება/ტესტი. შემოწმების შემდგომ უნდა დაიწეროს შესაბამისი აქტი შემოწმების ჩატარების, შემოწმებული მექანიზმებისა და გამართულობის შესახებ, რომელიც გადაეცემა დამკვეთს.
• დეტალების დასაზუსტებლად პრეტენდენტი ვალდებულია ბანკის წარმომადგენლებთან ერთად წინასწარ დაათვალიეროს და დეტალურად შეისწავლოს შესასრულებელი სამუშაო; 

2. პრეტენდენტის მიერ სავალდებული წარმოსადგენი დოკუმენტ(ებ)ი:

• სამეწარმეო ამონაწერი;
• კომპანიის მოკლე მიმოხილვა;
• სატენდერო წინადადება ფასების ცხრილის მიხედვით (დანართი #1);
• ინფორმაცია მოწოდების ვადებსა და პირობებზე;
• ინფორმაცია საგარანტიო ვადებსა და პირობებზე;

3. პრეტენდენტის მიერ გამარჯვების შემდეგ, ხელშეკრულების გაფორმებამდე სავალდებული წარმოსადგენი დოკუმენტ(ებ)ი:

• კლიენტების სია, რეკომენდაციები
• განიხილება კომპანიები, რომლებიც მინიმუმ 2(ორი) წელიწადია დაფუძნებული;
• კომპანიის სერტიფიკატები (ასეთის არსებობის შემთხვევაში);
• ინფორმაცია წარსულში ანალოგიური გამოცდილების შესახებ;
• ცნობა საგადასახადოდან დავალიანების არ არსებობის შესახებ;
• რეკვიზიტები;
• პირის (პროექტის მენეჯერის) მონაცემები;

4. შესყიდვის ობიექტის მიწოდების ვადა, ადგილი და მიწოდების პირობა:

საქონლის მოწოდება უნდა განხორციელდეს შემდეგ მისამართზე: ახალქალაქი, თამარ მეფის გამზ. 62; 

შენიშვნა: საქონლის მიწოდება უნდა მოხდეს სამუშაო საათებში;

5. პრეტენდენტის წინადადების ფასი და ანგარიშსწორების პირობები:

• ხარჯები, რომლებიც სატენდერო წინადადების ფასში არ იქნება გათვალისწინებული, არდაექვემდებარება ანაზღაურებას;
• ბანკის მიერ ანაზღაურება განხორციელდება გამყიდველის მიერ ფაქტიურად მოწოდებული საქონლის შესახებ გაფორმებული მიღება-ჩაბარების აქტის, სასაქონლო ზედნადებისა და საგადასახადო ანგარიშ-ფაქტურის წარმოდგენიდან 10 (ათი) სამუშაო დღის განმავლობაში;
• ტენდერში გამარჯვებული კომპანიის მხრიდან საავანსო თანხის მოთხოვნის შემთხვევაში, ბანკის მოთხოვნის საფუძველზე, კომპანია ვალდებულია მოთხოვნილ თანხაზე წარმოადგინოს ბანკისთვის მისაღები საბანკო ან/და სადაზღვევო გარანტია;

6. ზოგადი პირობები:

• პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილი უნდა იქნას მინდობილობა);
• სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
• გამარჯვებულ პრეტენდენტთან ხელშეკრულება გაფორმდება, ხელშეკრულების დრაფტის (დანართი #2) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას;

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია: შესყიდვების მენეჯერი შორენა თავაძე, ელ-ფოსტა: Shorena.tavadze@lb.ge; მობ: 595 90 12 00.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2025 წლის 5 მარტი, 17:00 საათი;
• შეთავაზების ვალუტა: N/A
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია:

შესყიდვების მენეჯერი
შორენა თავაძე
ტელ: 595 901 200
ელ-ფოსტა: Shorena.tavadze@lb.ge

ტენდერის კატეგორია:

• 42400000 ამწე და გადასაზიდი მოწყობილობები და მათი ნაწილები