ტენდერის აღწერილობა:

შპს „2 ნაბიჯი“ აცხადებს ტენდერს დერატიზაცია, დეზინსექციის მომსახურების შესყიდვაზე თბილისსა და რეგიონებში.

ტენდერი ითვალისწინებს დაახლოებით 600 ობიექტზე დერატიზაცია/დეზინსექციის სერვისის შესრულებას.
მომსახურება უნდა განხორციელდეს ისეთი საშუალებებითა და მეთოდებით, რომლებიც აკმაყოფილებს საერთაშორისო და საქართველოს კანონმდებლობით გათვალისწინებულ სტანდარტებს.

მომსახურება მოიცავს როგორც გეგმიურ, ასევე არაგეგმიურ ვიზიტებს.

ტენდერის პირობები/მოთხოვნები:

• კომერციული წინადადება ეროვნულ ვალუტაში (GEL)  საქართველოს კანონმდებლობით გათვალისწინებული გადასახადების ჩათვლით;
• განფასება უნდა მოიცავდეს ორივე მომსახურების (დერატიზაცია და დეზინსექცია) ფასს ერთ ობიექტზე;
• პრეტენდენტმა უნდა წარმოადგინოს გამოყენებული სადეზინსექციო და სადერატიზაციო საშუალებების ჩამონათვალი, ასევე ხარისხის სერთიფიკატები, ბროშურები და სხვა საინფორმაციო მასალა;
• მომწოდებლის მიერ გამოყენებული სადერატიზაციო და სადეზინსექციო საშუალებები და ქიმიური ხსნარები რეგისტრირებული უნდა იყოს დაავადებათა კონტროლის ეროვნულ ცენტრში, უნდა აკმაყოფილებდეს საერთაშორისო სტანდარტებს და არ უნდა წარმოადგენდნენ საფრთხეს ადამიანის ჯანმრთელობისათვის;
• მომწოდებლის მიერ გამოყენებული სადერატიზაციო საშუალებები განკუთვნილი უნდა იყოს თაგვის დამჭერ ყუთებში განთავსებისთვის; პრეპარატს უნდა ჰქონდეს სპეციალური ნახვრეტი რკინის სამაგრებზე დასამაგრებლად; უნდა იყოს მყარი მასა, რომელიც ეფექტურია როგორც თაგვისთვის, ასევე ვირთხისთვის. საორიენტაციო ფოტოები იხ. დანართ N1-ში.
• იმ შემთხვევაში, თუ გამოყენებული ქიმიკატებით ვერ ხერხდება კონკრეტული პრობლემის მოგვარება, წარმოადგინეთ პრობლემის მოგვარების ალტერნატიული საშუალებები;
• პრეტენდენტმა უნდა წარმოადგინოს ყოველთვიურად განსახორციელებელი გეგმიური ვიზიტების რაოდენობა, ასევე არაგეგმიური ვიზიტის პირობები/ღირებულება;
• დეტალური ინფორმაციისთვის, გთხოვთ შეავსეთ დანართი N1;
• შერჩეულ მომწოდებელთან გაფორმდება 12 თვიანი ხელშეკრულება
• გადახდის პირობა: 45 დღიანი კონსიგნაცია

აუცილებელი მოთხოვნა:

• საჯარო რეესტრიდან განახლებული სამეწარმეო ამონაწერი;
• კომპანიის მოღვაწეობის შესახებ ინფორმაცია (საქმიანობის მოკლე აღწერილობა (გამოცდილება, კლიენტების სია), დაარსების თარიღი, რეკომენდაციები, ა.შ.);
• პრეტენდენტს უნდა გააჩნდეს მინიმუმ 3 წლიანი გამოცდილება ანალოგიურ სერვისში და წარადგინოს მინიმუმ 2 სარეკომენდაციო წერილი პარტნიორი კომპანიებისგან

ტენდერის ჩაბარების პირობები:

2025 წლის 9 მაისი, 18:00 საათი.

დაინტერესებულ კომპანიებს შეუძლიათ ელექტრონულად გამოაგზავნონ შემოთავაზება ელ.ფოსტაზე: tenders@orinabiji.ge 

ტენდერის საკითხებთან დაკავშირებით, გთხოვთ წერილობით მიმართოთ:
ანი შენგელია
ელ.ფოსტა: ani.shengelia@orinabiji.ge

ტენდერის კატეგორია:

• 90900000 დასუფთავება და სანიტარიული მომსახურება