ტენდერის აღწერილობა:

სს ლიბერთი ბანკი აცხადებს ტენდერს არქიტექტურული ნახაზების მომზადებაზე სს „ლიბერთი ბანკი“-ს ფილიალებისთვის.

2. პრეტენდენტის მიერ სავალდებულოდ წარმოსადგენი დოკუმენტ(ებ)ი

• სამეწარმეო ამონაწერი;
• განიხილება კომპანია, რომელიც მინიმუმ 2(ორი) წელიწადია რაც დაფუძნებულია;
• კომპანიის მოკლე მიმოხილვა;
• სატენდერო წინადადება ფასების ცხრილის მიხედვით (დანართი №2-ის შესაბამისად);
• ინფორმაცია მოწოდების ვადებსა და შესრულების პირობებზე;
• ინფორმაცია საგარანტიო ვადებსა და პირობებზე.

3. პრეტენდენტის მიერ გამარჯვების შემდეგ, ხელშეკრულების გაფორმებამდე სავალდებულოდ წარმოსადგენი დოკუმენტ(ებ)ი  

• კლიენტების სია, რეკომენდაციები;
• კომპანიის სერტიფიკატები (ასეთის არსებობის შემთხვევაში);
• სპეციალისტთა კვალიფიკაციის დამადასტურებელი დოკუმენტები;
• ინფორმაცია წარსულში ანალოგიური გამოცდილების შესახებ;
• ცნობა საგადასახადოდან დავალიანების არ არსებობის შესახებ;
• რეკვიზიტები;
• საკონტაქტო პირის (პროექტის მენეჯერის) მონაცემები.

4. შესყიდვის ობიექტის მიწოდების ვადა, ადგილი და მიწოდების პირობა

მომსახურება უნდა განხორციელდეს დანართ №1-ში მოცემულ მისამართებზე.

5. პრეტენდენტის წინადადების ფასი და ანგარიშსწორების პირობები

• ხარჯები, რომლებიც სატენდერო წინადადების ფასში არ იქნება გათვალისწინებული, არდაექვემდებარება ანაზღაურებას;
• ბანკის მიერ ანაზღაურება განხორციელდება გამყიდველის მიერ ფაქტიურად მოწოდებული საქონლის და გაწეული მომსახურების შესახებ გაფორმებული მიღება-ჩაბარების აქტის, სასაქონლო ზედნადებისა და საგადასახადო ანგარიშ-ფაქტურის წარმოდგენიდან 10 (ათი) სამუშაო დღის განმავლობაში;
• ტენდერში გამარჯვებული კომპანიის მხრიდან საავანსო თანხის მოთხოვნის შემთხვევაში, ბანკის მოთხოვნის საფუძველზე, კომპანია ვალდებულია მოთხოვნილ თანხაზე წარმოადგინოს ბანკისთვის მისაღები საბანკო ან/და სადაზღვევო გარანტია.

6. ზოგადი პირობები

• პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილი უნდა იქნას მინდობილობა);
• სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
• გამარჯვებულ პრეტენდენტთან ხელშეკრულება გაფორმდება, ხელშეკრულების დრაფტის (დანართი №3) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას.

ზოგადი მოთხოვნები:

არქიტექტურული ნახაზების ერთიანი რეესტრის შექმნის მიზნით დანართ №-1-ში მოცემული ლიბერთი ბანკის ფილიალებისთვის უნდა მომზადდეს არქიტექტურული ნახაზები.

ბანკი განიხილავს მომსახურების გრძელვადიანი ხელშეკრულების გაფორმებას ზემოთ მოცემული მომსახურებებისთვის.

დანართ №1-ში მოცემულია ის ფილიალები, რომლებშიც უნდა განხორციელდეს ზემოთ აღნიშნული მომსახურება. აღნიშნული ფილიალებისთვის ეტაპობრივად უნდა მომზადდეს არქიტექტურული ნახაზები.

გასათვალისწინებელია შემდეგი:

• ფილიალების კვადრატულობა საშუალოდ არის 300-დან 500კვ.მ-მდე;
• არქიტექტურული ნახაზი უნდა მომზადდეს 70-მდე ფილიალისთვის (ხელშეკრულების პერიოდში შესაძლოა აღნიშნული რაოდენობა გაიზარდოს);
• ფილიალების უმეტესობა წარმოდგენილია რეგიონებში (დეტალებისთვის იხილეთ დანართი №1);
• თანდართულ ფაილში მოცემული ფილიალების გარდა შესაძლოა საჭირო იქნას არქიტექტურული ნახაზების მომზადება სხვა მომსახურე ერთეულებშიც (ახალი ფილიალი; ბანკის მოქმედი სერვის ცენტრები და ა.შ.), წინასწარ შეთანხმებული გეგმა/განრიგით;
• თანხის გადახდა განხორციელდება კონკრეტულ ფართებზე შესრულებული სამუშაოების მიხედვით, შესაბამისი მიღება-ჩაბარების აქტის საფუძველზე.

გთხოვთ გაითვალისწინოთ ზემოთ მოცემული პირობები და ისე განსაზღვროთ ღირებულებები დანართ №2-ში (ფასების ცხრილი), სადაც ფასი უნდა მიუთითოთ 1 კვ.მ არქიტექტურული ნახაზის მომზადებისთვის.

დამატებითი მოთხოვნები:

• ნახაზი უნდა მოიცავდეს მინიმუმ ქვემოთ ჩამოთვლილ დეტალებს:
• შიდა აზომვები, ოთახების კვადრატულობა, ჯამური კვადრატულობა;
• ფანჯრები, კარებები;
• დატანილ უნდა იქნას ყველანაირი კვანძი: ყველა ოთახი, დერეფნები, ტექნიკური სივრცე, შახტები, სამზარეულო, საკუჭნაო, სარდაფი, ანტრესოლი, სველი წერტილები, კიბის უჯრედები, აივნები და ა.შ.;
• ოთახების სიმაღლეები (მათ შორის, იატაკიდან ამსტრონგის/თაბაშირ-მუყაოს ჭერამდე და ამსტრონგიდან/თაბაშირ-მუყაოდან ზემოთ სივრცის სიმაღლე);
• ნახაზზე გამოკვეთილად უნდა ჩანდეს რიგელები, პილონები/კოლონები/სვეტები;
• ტიხრები გამოკვეთილი უნდა იყოს ალუმინის ვიტრაჟია თუ კედელი/თაბაშირ-მუყაო;
• ყველა სივრცე უნდა იყოს მარკირებული (საოფისე სივრცეა, ტექნიკური სივრცე, სამზარეულო, სველი წერტილი თუ სხვა);
• ყველა სივრცე უნდა იყოს დანომრილი ბანკის სტანდარტებით;
• შესრულებული არქიტექტურული ნახაზები ბანკისათვის გადმოცემული უნდა იქნას 3D/2D/DWG/IFC და PDF ფორმატებით.

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2025 წლის 7 მაისი, 17:00 საათი;
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია:

შესყიდვების მენეჯერი
შორენა თავაძე
595 901 200
ელ-ფოსტა: Shorena.tavadze@lb.ge

ტენდერის კატეგორია:

• 71200000 არქიტექტურული და მასთან დაკავშირებული მომსახურებები