ტენდერის აღწერილობა:

ლიბერთი ბანკი აცხადებს ტენდერს ბანკის სათავო ოფისის შენობის ფასადის აღდგენა/სრულ რეაბილიტაციაზე, (ქ. თბილისი, ი.ჭავჭავაძის გამზ. #74) ქვემოთ წარმოდგენილი მოთხოვნების შესაბამისად.

ეტაპი I: კვლევა და ექსპერტიზა:

• კონსტრუქციული მდგრადობის შეფასება: ხანძრით დაზიანებული ფასადის მზიდი კონსტრუქციების (ლითონის კარკასი, სამაგრები, ანკერები) საჭიროების შემთხვევაში, ინსტრუმენტული გამოკვლევა და დასკვნის მომზადება მათი ხელახალი გამოყენების შესაძლებლობაზე.
• მინების და ვიტრაჟული სისტემების ინსპექტირება: თერმული ზემოქმედების შედეგად მინის პაკეტების და ალუმინის პროფილების დეფორმაციის ხარისხის დადგენა.
• ლაბორატორიული დასკვნა: საჭიროების შემთხვევაში, მასალების (ბეტონი, ფოლადი) სიმტკიცის ლაბორატორიული შემოწმება.

ეტაპი II: პროექტირება:

• დემონტაჟის ორგანიზების პროექტი (DOP): უსაფრთხო დემონტაჟის გეგმის მომზადება, რომელიც ითვალისწინებს შენობის ფუნქციონირებას (თუ ის ნაწილობრივ მუშაობს), ქვეითთა უსაფრთხოებას და ნარჩენების მართვას.
• ახალი ფასადის მოწყობის საპროექტო-სახარჯთაღრიცხვო დოკუმენტაცია:
  - არსებული ფასადის იდენტური ვიზუალის და ფუნქციური მახასიათებლების მქონე სისტემის შერჩევა (მასალების სპეციფიკაცია).
  - ენერგოეფექტურობის პარამეტრების დაცვა.
  - კონსტრუქციული ნახაზები და კვანძების დეტალიზაცია.

ეტაპი III: დემონტაჟი და მომზადება:

• ტერიტორიის მოწყობა: დამცავი ბადეების, ხარაჩოების და დროებითი ღობეების მონტაჟი.
• უსაფრთხო დემონტაჟი: დაზიანებული მინების, პროფილების და საიზოლაციო მასალების ეტაპობრივი მოხსნა.
• ნარჩენების გატანა: სამშენებლო ნარჩენების სორტირება და გატანა სპეციალიზებულ ნაგავსაყრელზე.

ეტაპი IV: სამშენებლო-სამონტაჟო სამუშაოები:

• ზედაპირის მომზადება: ფასადის გაწმენდა ჭვარტლისა და ნარჩენებისგან, ანტიკოროზიული დამუშავება.
• ახალი სისტემების მონტაჟი: ალუმინის ვიტრაჟული სისტემების, მინის პაკეტების და კომპოზიტური მასალების მონტაჟი არსებულის მსგავსი ტექნოლოგიით.
• ჰერმეტიზაცია და თბოიზოლაცია: კვანძების სრული ჰერმეტიზაცია წყალგამძლეობისა და თერმოიზოლაციის უზრუნველსაყოფად.
• ტენდერში მონაწილეებს კომპანიებმა უნდა წარმოადგინონ "სამუშაოთა წარმოების გეგმა", სადაც გაწერილი იქნება, როგორ აპირებენ მუშაობას მაღალ სართულებზე და როგორ უზრუნველყოფენ ქვემოთ მოძრავი ადამიანების/ავტომობილების უსაფრთხოებას. 

2. პრეტენდენტის მიერ სავალდებულოდ წარმოსადგენი დოკუმენტ(ებ)ი:

• კომპანიის მიმოხილვა:
• შემსრულებელი ვალდებულია ყავდეს მინიმუმ 1 შრომის უსაფრთხოების სპეციალისტი, რომელსაც შესაბამის აკრედიტებულ ორგანიზაციაში გავლილი ექნება შრომის უსაფრთხოების სპეციალისტის პროგრამა; შემსრულებელმა უნდა წარმოადგინოს აკრედიტებული ორგანოს მიერ გაცემული შრომის უსაფრთხოების სპეციალისტ(ებ)ის სერტიფიკატ(ებ)ი:

შენიშვნა: თუ შემსრულებელს 20-მდე დასაქმებული ყავს ან შემსრულებელი წარმოადგენს ფიზიკურ პირს, თვითონ დამსაქმებელს/ფიზიკურ პირს შეუძლია იყოს შრომის უსაფრთხოების სპეციალისტი, 20-100-მდე დასაქმებულის შემთხვევაში მინიმუმ 1 დასაქმებული უნდა ჰყავდეს შრომის უსაფრთხოების სერტიფიცირებული სპეციალისტი, 100-ზე დასაქმებულის შემთხვევაში კომპანიას უნდა ჰქონდეს შესაბამისი სამსახური/სტრუქტურული ერთეული, სადაც დასაქმებული ეყოლება მინიმუმ 2 შრომის უსაფრთხოების სპეციალისტი; თუ შემსრულებელს არ ჰყავს სათანადო რაოდენობის შრომის უსაფრთხოების სპეციალისტი, შემსრულებელი ვალდებულია მოიწვიოს აღნიშნული დარგის სპეციალისტები/ორგანიზაციები;

• ელექტროობასთან დაკავშირებული სამუშაოების შესრულებისას შემსრულებელი ვალდებულია ყავდეს შესაბამისი კვალიფიკაციის მქონე სპეციალისტ(ებ)ი;შემსრულებელმა უნდა წარმოადგინოს ელექტროდანადგარებზე მომუშავე თანამშრომელთა კვალიფიკაციის დამადასტურებელი, აკრედიტებული ორგანოს მიერ გაცემული მოწმობა/სერტიფიკატი;
• სამშენებლო-სარემონტო სამუშაოების ჩამტარებელმა დამსაქმებელმა უნდა წარმოადგინოსდასაქმებულთა უბედური შემთხვევებისაგან დაზღვევის დოკუმენტი;
• საქმიანობის მოკლე აღწერილობა, კლიენტების სია;
• რეკომენდაციები - მინიმუმ სამი;

პრეტენდენტი ვალდებულია წარმოადგინოს მიმდინარე წლით დათარიღებული სარეკომენდაციო წერილ(ებ)ი #1 დანართის შესაბამისი ტექსტით, წინააღმდეგ შემთხვევაში წინადადება არ განიხილება;

• განიხილება კომპანიები, რომლებიც მინიმუმ 2 წელიწადია დაფუძნებული;
• ინფორმაცია დამფუძნებლ(ებ)ის და მფლობელ(ებ)ის შესახებ;
• კომპანიის სერტიფიკატები (ასეთის არსებობის შემთხვევაში);
• ინფორმაცია წარსულში ანალოგიური გამოცდილების შესახებ;
• ინფორმაცია შესრულების ვადებსა და საგარანტიო პირობებზე;
• სატენდერო წინადადება სატენდერო მოთხოვნების მიხედვით;
• მსხვილი შესრულებული პროექტების ჩამონათვალი ფოტოალბომით, მინიმუმ სამი პროექტი;
• კომპანიის ბოლო ორი წლის წლების ფინანსური ბრუნვა, წარმოდგენილი პასუხისგებელი პირის მიერდამოწმებული საბანკო ამონაწერის (არანაკლებ 200 000 ლარის ოდენობის ბრუნვა);
• ცნობა საგადასახადოდან დავალიანების არ არსებობის შესახებ;
• რეკვიზიტები;
• საკონტაქტო პირის (პროექტის მენეჯერის) მონაცემები;

შენიშვნა:

განიხილება მხოლოდ ის წინადადებები, რომლებიც მოიცავს ზემოთ ჩამოთვლილ ყველა პუნქტს;

3. შესყიდვის ობიექტის მიწოდების ვადა, ადგილი და მიწოდების პირობა:

• პრეტენდენტი ვალდებულია წარმოადგინოს სამუშაოს შესრულების ვადა;
• პრეტენდენტი ვალდებულია ბანკის წარმომადგენლებთან ერთად წინასწარ დაათვალიეროს და დეტალურად შეისწავლოს შესასრულებელი სამუშაო, შიგნიდან, გარედან, სართულები, სახურავი;

4. პრეტენდენტის წინადადების ფასი და ანგარიშსწორების პირობები:

• წინადადების ფასის წარმოდგენა შესაძლებელია მხოლოდ ეროვნულ ვალუტაში, საქონლის მიწოდებასთან დაკავშირებული ყველა ხარჯისა და საქართველოს კანონმდებლობით გათვალისწინებული ყველა გადასახადის გათვალისწინებით, დღგ-ს ჩათვლით;
• ხარჯები, რომლებიც სატენდერო წინადადების ფასში არ იქნება გათვალისწინებული, არდაექვემდებარება ანაზღაურებას;
• ტენდერში გამარჯვებული კომპანიის მხრიდან საავანსო თანხის მოთხოვნის შემთხვევაში, ბანკის მოთხოვნის საფუძველზე, კომპანია ვალდებულია მოთხოვნილ თანხაზე წარმოადგინოს ბანკისთვის მისაღები საბანკო ან/და სადაზღვევო გარანტია;
• გამარჯვებული კომპანია ვალდებულია გახსნას ანგარიში სს „ლიბერთი ბანკი“-ში;

5. ზოგადი პირობები:

• პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი დაბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროებისშემთხვევაში წარმოდგენილი უნდა იქნას მინდობილობა);
• სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
• გამარჯვებულ პრეტენდენტთან ხელშეკრულება გაფორმდება ხელშეკრულების დრაფტის  (დანართი #2) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას; 

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2026 წლის 7 მაისი, 17:00 საათი
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში
  

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია: შესყიდვების მენეჯერი შორენა თავაძე, მობ: 595 901 200, ელ-ფოსტა: shorena.tavadze@lb.ge; ტექნიკურ საკითხებზე ინფორმაციის მისაღებად გთხოვთ დაუკავშირდეთ: არქიტექტორი გიორგი შაყულაშვილი 551 29 40 96, ელ-ფოსტა: Giorgi.Shakulashvili@lb.ge.

დამატებითი პირობები! 

• სავალდებულოა წინადადების განფასება PDF ვერსიასთან ერთად წარმოდგენილი იყოს ხარჯთაღრიცხვის excel ფაილის სახით;
• გამარჯვებული კომპანია ვალდებულია მომსახურების დაწყებამდე წარმოადგინოს #3 დანართითგათვალისწინებული დოკუმენტაცია.

ტენდერის კატეგორია:

• 71500000 მშენებლობასთან დაკავშირებული მომსახურებები
• 45100000 სამშენებლო უბნის მოსამზადებელი სამუშაოები
• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები
• 50800000 სხვადასხვა სახის სარემონტო (შესაკეთებელი) სამუშაოები და ტექნიკური მომსახურება