იუმს-ის გავრცელების ფარგლები 1. იუმს სერტიფიცირებულია ISO/IEC 27001-ის მიხედვით, თუ დანერგილია სერტიფიცირების გარეშე? 2. რას მოიცავს იუმს-ის გავრცელების ფარგლები: რომელ ბიზნესპროცესებს, სტრუქტურულ ერთეულებს და ლოკაციებს? 3. რამდენი კრიტიკული ინფორმაციული სისტემაა იუმს-ის გავრცელების ფარგლებში? გთხოვთ, მიუთითოთ მათი ჩამონათვალი (მაგალითად: ძირითადი სადაზღვევო სისტემა, ვებ-პორტალი, მობილური აპლიკაცია, ფინანსური სისტემა, ელ-ფოსტა, დომენის სერვისები) და განთავსების ფორმა (საკუთარი ინფრასტრუქტურა, მონაცემთა ცენტრი, ღრუბელი, მესამე მხარე). 4. რამდენ ლოკაციას მოიცავს აუდიტი (სათავო ოფისი, ფილიალები, მონაცემთა ცენტრი, სარეზერვო ცენტრი)? რომელ მათგანზეა საჭირო ადგილზე ვიზიტი? 5. რამდენია თანამშრომელთა საერთო რაოდენობა და IT/ინფორმაციული უსაფრთხოების გუნდის ზომა? რა არის IT ინფრასტრუქტურის მიახლოებითი მასშტაბი (სერვერები, სამუშაო სადგურები, ქსელური სეგმენტები)? 6. გადაცემულია თუ არა აუთსორსინგზე IT ან უსაფრთხოების რომელიმე სერვისი (მაგალითად: მონაცემთა ცენტრი, SOC, IT მხარდაჭერა, ღრუბლოვანი სერვისები)? საჭიროა თუ არა მომწოდებლების მხარეს არსებული კონტროლების შეფასება? აუდიტის ფორმატი 1. მოიცავს თუ არა მომსახურება ტექნიკურ ტესტირებას (მოწყვლადობების სკანირება, შეღწევადობის ტესტირება, სისტემური კონფიგურაციების შემოწმება)? თუ შეფასება შემოიფარგლება კონტროლების შემოწმებით დოკუმენტაციის მიმოხილვის, ინტერვიუებისა და შერჩევითი შემოწმების გზით? 2. რა პერიოდს უნდა მოიცავდეს აუდიტი (მაგალითად, ბოლო 12 თვე)? 3. რომელ ენაზე უნდა მომზადდეს ანგარიში: ქართულად, ინგლისურად თუ ორივე ენაზე? ხელმძღვანელობისთვის შედეგების პრეზენტაცია ფასში გავითვალისწინოთ? ვადები და კომერციული პირობები 1. როდის უნდა დაიწყოს აუდიტი და როდის უნდა ჩაბარდეს საბოლოო ანგარიში? 2. ეს ერთჯერადი მომსახურებაა თუ მრავალწლიანი ხელშეკრულება (მაგალითად, ყოველწლიური აუდიტი 2-3 წლის განმავლობაში)? მოიცავს თუ არა მომსახურება შეუსაბამობების აღმოფხვრის შემდგომ შემოწმებას? 3. რა ფორმით უნდა იყოს წარმოდგენილი კომერციული წინადადება: რომელ ვალუტაში, დღგ-ის ჩათვლით თუ მის გარეშე? არსებობს თუ არა სავალდებულო ფორმა? 4. რა კრიტერიუმებით შეფასდება წინადადებები? პატივისცემით, გიორგი სახოკია