ტენდერის აღწერილობა:

“სს სადაზღვევო კომპანია ვაიზერი” აცხადებს ტენდერს ინფორმაციული უსაფრთხოების აუდიტის მომსახურების შესყიდვაზე. 

შესყიდვის მიზანია ორგანიზაციაში დანერგილი ინფორმაციული უსაფრთხოების მართვის სისტემისა (იუმს) და მისი გავრცელების სფეროში შემავალი კრიტიკული ინფორმაციული სისტემების ინფორმაციული უსაფრთხოების აუდიტის ჩატარება.

მომსახურება უნდა მოიცავდეს: 

• ინფორმაციული უსაფრთხოების მართვის სისტემის (იუმს) შეფასებას;
• იუმს-ის გავრცელების სფეროში შემავალი ყველა კრიტიკული ინფორმაციული სისტემის აუდიტს;
• დადგენილ მინიმალურ მოთხოვნებთან შესაბამისობის შეფასებას;
• ორგანიზაციული, ტექნიკური და ფიზიკური კონტროლების შეფასებას;
• შეუსაბამობების, დაკვირვებებისა და რეკომენდაციების გამოვლენას;
• აუდიტის ანგარიშის მომზადებას;

პრეტენდენტი უნდა აკმაყოფილებდეს შემდეგ მოთხოვნებს: 

• გააჩნდეს ინფორმაციული უსაფრთხოების აუდიტის განხორციელების გამოცდილება;
• უზრუნველყოს აუდიტის ჩატარება დამოუკიდებლობის, მიუკერძოებლობისა და კონფიდენციალურობის პრინციპების დაცვით.

აუდიტი უნდა განხორციელდეს: 

• კეთილსინდისიერებისა და პროფესიული პასუხისმგებლობის პრინციპების დაცვით;
• მიუკერძოებლად და დამოუკიდებლად;
• მტკიცებულებებზე ორიენტირებული მიდგომის გამოყენებით;
• რისკზე ორიენტირებული მიდგომით;
• კონფიდენციალურობის სრული დაცვით. 

წარმოდგენილი ანგარიში უნდა მოიცავდეს: 

• აუდიტის მიზნებს;
• აუდიტის გავრცელების სფეროს;
• აუდიტორთა გუნდის შემადგენლობას;
• აუდიტის ჩატარების ადგილს, თარიღსა და პერიოდს;
• გამოყენებულ კრიტერიუმებს;
• აუდიტის მიგნებებსა და შესაბამის მტკიცებულებებს;
• აუდიტის დასკვნებს;
• დადგენილ მოთხოვნებთან შესაბამისობის შეფასებას.

პრეტენდენტმა უნდა წარმოადგინოს: 

• კომპანიის პროფილი;
• ტექნიკური წინადადება და მეთოდოლოგია;
• კომერციული წინადადება.

სატენდერო წინადადებები წარმოდგენილი უნდა იყოს შემდეგ მისამართზე: infosec@wizer.ge 
წარმოდგენის საბოლოო ვადაა: 20 ოქტომბერი 2026 წელი

ტენდერის კატეგორია:

• 72200000 პროგრამული უზრუნველყოფის შემუშავება და საკონსულტაციო მომსახურებები
• 79200000 საბუღალტრო, აუდიტორული და ფისკალური მომსახურებები