ჩაბარების ვადა:

30 ნოემბერი 2026, 18:00

სტატუსი:

მიმდინარე

E
ელ. ტენდერი
T32697 - ტენდერი პოლიგრაფიული და სარეკლამო მომსახურების შესყიდვაზე

  • გამომცხადებელი: შპს მედ-დიაგნოსტიკა
  • შესყიდვის ტიპი: ელ. ტენდერი
  • შეთავაზების ვალუტა: GEL
  • ვაჭრობის ტიპი: ვაჭრობის გარეშე
  • მონაწილეობის დაწყება: 17 ნოემბერი 2026 დრო 18:00
  • წინადადების მიღება მთავრდება: 30 ნოემბერი 2026 დრო 18:00

დარჩენილია

-

დღე

:

-

სთ

:

-

წთ

:

-

წმ

სატენდერო წინადადებების მიღების დაწყების თარიღი: 17 ნოემბერი 2026 დრო: 18:00

ტენდერის აღწერილობა:

შპს მედ-დიაგნოსტიკა აცხადებს ტენდერს სტამბის, პოლიგრაფიული და სარეკლამო მომსახურების შესყიდვის მიზნით.

1. შესყიდვის საგანი და მიზანი:

წინამდებარე ტენდერის მიზანია კომპანიის მარკეტინგული და სარეკლამო საქმიანობის უზრუნველსაყოფად სტამბის, პოლიგრაფიული პროდუქციისა და სარეკლამო ინვენტარის დამზადების, ბეჭდვის, ტრანსპორტირების, მიწოდების, მონტაჟისა და დემონტაჟის მომსახურების მიმწოდებლის შერჩევა.

შესყიდვის ფარგლებში გამარჯვებულ პრეტენდენტთან გაფორმდება მომსახურების ჩარჩო ხელშეკრულება, რომლის საფუძველზეც კონკრეტული შეკვეთები განხორციელდება კომპანიის მიმდინარე საჭიროებების შესაბამისად.

2. მომსახურების ძირითადი მიმართულებები

მომსახურება უნდა მოიცავდეს:

2.1. პოლიგრაფიული მომსახურება

  • ფლაერების, ბუკლეტების, ბროშურებისა და კატალოგების დამზადება;
  • პლაკატების, სტიკერებისა და სხვადასხვა სარეკლამო ბეჭდვითი მასალის წარმოება;
  • სხვადასხვა ფორმატის ბეჭდვითი პროდუქციის დამზადება.

2.2. ფართოფორმატიანი ბეჭდვა

  • ბანერების დამზადება;

  • სხვადასხვა ზედაპირის ბრენდირება;

  • გარე და შიდა სარეკლამო მასალების ბეჭდვა.

2.3. სარეკლამო ინვენტარის დამზადება

  • ლაითბოქსების;
  • სარეკლამო აბრებისა და პანელების;
  • მოცულობითი ასოების;
  • სარეკლამო სტენდებისა და კონსტრუქციების დამზადება.

2.4. მონტაჟი და დემონტაჟი

  • დამზადებული პროდუქციის შესაბამის ობიექტებზე მიწოდება;
  • სარეკლამო მასალების მონტაჟი და დემონტაჟი;
  • არსებული სარეკლამო მასალების განახლება და ჩანაცვლება.

2.5. დამატებითი მომსახურებები

  • დიზაინ-მაკეტების ტექნიკური დამუშავება;
  • პროდუქციის საცდელი ნიმუშების დამზადება;
  • სხვა დაკავშირებული პოლიგრაფიული და სარეკლამო მომსახურებები.

3. ტექნიკური და ხარისხობრივი მოთხოვნები

მიმწოდებელი ვალდებულია:

  • უზრუნველყოს თითოეული შეკვეთის შესრულება კომპანიის მიერ მიწოდებული ტექნიკური დავალების, ზომების, დიზაინისა და სხვა შეთანხმებული მახასიათებლების შესაბამისად.
  • გამოიყენოს ხარისხიანი და დანიშნულების შესაბამისი მასალები, რომლებიც უზრუნველყოფს პროდუქციის გამძლეობასა და სათანადო ვიზუალურ ხარისხს.
  • უზრუნველყოს ფერების სიზუსტე, ბეჭდვის ხარისხი და კომპანიის ბრენდბუქთან შესაბამისობა.
  • დაიცვას შეკვეთის შესრულებისა და მიწოდების შეთანხმებული ვადები.
  • უზრუნველყოს მონტაჟის სამუშაოების უსაფრთხოდ და სათანადო პროფესიული სტანდარტების დაცვით შესრულება.
  • ხარვეზის ან ტექნიკურ დავალებასთან შეუსაბამობის გამოვლენის შემთხვევაში საკუთარი ხარჯით უზრუნველყოს შესაბამისი პროდუქციის ან მომსახურების გამოსწორება ან ხელახლა შესრულება, თუ შეუსაბამობა მიმწოდებლის ბრალით არის გამოწვეული.

4. შეკვეთების შესრულების პირობები

  • მომსახურების კონკრეტული სახეობა, რაოდენობა, ზომები, მასალები, დიზაინი და სხვა ტექნიკური მახასიათებლები განისაზღვრება თითოეული შეკვეთის საფუძველზე.
  • კომპანია მიმწოდებელს გაუგზავნის შესაბამის შეკვეთას და ტექნიკურ დავალებას ელექტრონული ფოსტის ან მხარეთა მიერ შეთანხმებული სხვა საკომუნიკაციო საშუალების გამოყენებით.
  • მიმწოდებელი ვალდებულია შეკვეთის მიღებიდან შეთანხმებულ ვადაში წარმოადგინოს ფასისა და შესრულების ვადის შესახებ ინფორმაცია.
  • შეკვეთის შესრულება დაიწყება კომპანიის მიერ ფასისა და პირობების დადასტურების შემდეგ.
  • მიმწოდებელმა უნდა უზრუნველყოს გადაუდებელ შეკვეთებზე რეაგირების შესაძლებლობა.

5. პრეტენდენტის საკვალიფიკაციო მოთხოვნები

პრეტენდენტი უნდა აკმაყოფილებდეს შემდეგ მოთხოვნებს:

  • იყოს რეგისტრირებული მეწარმე სუბიექტი;
  • გააჩნდეს შესაბამის სფეროში მუშაობის გამოცდილება;
  • ჰქონდეს მომსახურების სრულყოფილად შესრულებისთვის საჭირო ტექნიკური და მატერიალური რესურსები;
  • გააჩნდეს პროდუქციის დროულად წარმოებისა და მიწოდების შესაძლებლობა;
  • უზრუნველყოს მონტაჟისა და დემონტაჟის სამუშაოების შესრულება, საჭიროების შემთხვევაში;
  • წარმოადგინოს შესრულებული ანალოგიური პროექტების მაგალითები ან პორტფოლიო.

6. ფასის წარმოდგენის წესი

  • პრეტენდენტმა უნდა წარმოადგინოს მომსახურების ფასები ერთეულის მიხედვით;
  • ფასი უნდა მოიცავდეს შესაბამისი მომსახურების სრულ ღირებულებას, მათ შორის, საჭიროების შემთხვევაში, მასალების ღირებულებას, შეფუთვას, ტრანსპორტირებასა და მონტაჟს.
  • ფასები წარმოდგენილი უნდა იყოს ლარში, დღგ-ის მითითებით.

7. შეფასების კრიტერიუმები

სატენდერო წინადადებების შეფასება განხორციელდება შემდეგი კრიტერიუმებით:

  • ფასის კონკურენტუნარიანობა – 60%;
  • პროდუქციის ხარისხი და გამოცდილება – 25%;
  • მომსახურების შესრულების ვადები და ოპერატიულობა – 15%.

კომპანია იტოვებს უფლებას, შეამოწმოს წარმოდგენილი ნიმუშები, პორტფოლიო და პრეტენდენტის მიერ მითითებული ინფორმაცია.

8. ხელშეკრულების პირობები

  • გამარჯვებულ პრეტენდენტთან გაფორმდება მომსახურების  ხელშეკრულება.
  • ხელშეკრულების მოქმედების ვადა განისაზღვრება მხარეთა შეთანხმებით.
  • ხელშეკრულების გაფორმება არ გულისხმობს კომპანიის მიერ მომსახურების კონკრეტული მინიმალური რაოდენობის ან ღირებულების შეკვეთის ვალდებულებას.
  • თითოეული შეკვეთის ღირებულება და შესრულების ვადა განისაზღვრება ინდივიდუალურად, კომპანიის მიერ შეკვეთის დადასტურების საფუძველზე.
  • ანგარიშსწორების პირობები განისაზღვრება ხელშეკრულებითა და შესაბამისი შეკვეთის პირობებით.

9. სატენდერო წინადადების წარმოდგენა

დაინტერესებულმა პრეტენდენტებმა სატენდერო წინადადება უნდა წარმოადგინონ კომპანიის მიერ განსაზღვრულ ვადაში და ფორმით.

წინადადება უნდა მოიცავდეს:

  • კომპანიის საიდენტიფიკაციო ინფორმაციას;
  • მომსახურების აღწერას;
  • შესრულებული სამუშაოების პორტფოლიოს;
  • მომსახურების შესრულების სავარაუდო ვადებს;
  • დამატებით ინფორმაციას, რომელიც ადასტურებს პრეტენდენტის შესაძლებლობებს.

კომპანია იტოვებს უფლებას, შეარჩიოს მისთვის ყველაზე ხელსაყრელი სატენდერო წინადადება წინასწარ განსაზღვრული შეფასების კრიტერიუმების საფუძველზე.

ინფორმაცია ელექტრონულ ტენდერში მონაწილეთათვის:

  • შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
  • ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
  • სატენდერო წინადადების წარმოდგენის ბოლო ვადა: 2026 წლის 30 ნოემბერი, 18:00 საათი
  • შეთავაზების ვალუტა: ლარი
  • ვაჭრობის ტიპი: ვაჭრობის გარეშე
  • ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

საკონტაქტო ინფორმაცია:
info@md.ge

ტენდერის კატეგორია:

  • 22460000 სავაჭრო-სარეკლამო მასალა, კომერციული კატალოგები და ცნობარები
  • 79810000 ბეჭდვითი მომსახურებები
შეკითხვები