ტენდერის აღწერილობა:

სს „საქართველოს ბანკი“ აცხადებს ტენდერს საშუალო-დაბალი ბიუჯეტის საოფისე ავეჯის შესყიდვაზე.

ინსტრუქცია ტენდერში მონაწილეთათვის:

• ტენდერის მიმდინარეობის განმავლობაში პრეტენდენტებმა უნდა ატვირთონ სატენდერო მოთხოვნებში გათვალისწინებული ყველა დოკუმენტი.
• ტენდერის განმავლობაში დამატებითი ინფორმაციის მოპოვება ან დაზუსტება შესაძლებელია საკონტაქტო პირთან დაკავშირებით იმეილით ან ტელეფონით.
• ტენდერის დასრულების შემდეგ სატენდერო კომისია განიხილავს მოწოდებულ ინფორმაციას და გამოავლენს საუკეთესო პირობის მომწოდებელს.

ტენდერში მონაწილეობის პირობები:

• ტენდერი ცხადდება საქართველოს ბანკის ახალი საოფისე ფართის მოწყობისათვის საჭირო ავეჯის შესასყიდად.
• გამარჯვებულ ორგანიზაციასთან გაფორმდება ნასყიდობის ხელშეკრულება.
• შემოთავაზებული ავეჯის მოწოდება უნდა მოხდეს 2019 წლის მარტში.
• ავეჯი მოწოდებული უნდა იყოს დაშლილ მდგომარეობაში, ამასთანავე პრეტენდენტი იღებს ვალდებულებას, რომ დასაწყობებულ ავეჯს, ბანკის მოთხოვნის თანახმად, სრულად ააწყოს ბანკთან შეთანხმებულ პერიოდში.
• ხელშეკრულების და წინამდებარე დოკუმენტის პირობებს შორის წინააღმდეგობის შემთხვევაში უპირატესობა მიენიჭება ხელშეკრულების პირობებს.

ანგარიშსწორების პირობა:

სატენდერო წინადადება უნდა იყოს საქართველოს ეროვნულ ვალუტაში - ლარში და მოიცავდეს კანონმდებლობით გათვალისწინებულ გადასახადებს და გადასახდელებს.

საორიენტაციო ღირებულება:

შესასყიდი ავეჯის ჯამური საორიენტაციო ღირებულება: 500,000

სატენდერო მოთხოვნები:

• პრეტენდენტის მიერ ასატვირთი ყველა დოკუმენტი და ინფორმაცია დამოწმებული უნდა იყოს უფლებამოსილი პირის ხელმოწერითა და ბეჭდით;
• ტენერში მონაწილეობის მისაღებად აუცილებელია ორგანიზაციამ შეავსოს შემოთავაზებული ფასების ცხრილი (დანართი 1); და წარმოადგინოს იგი ექსელის / ვორდის ფორმატში;
•  პრეტენდენტმა ფასების ცხრილს თან უნდა დაურთოს ყოველი შემოთავაზებული ნივთის ფოტოსურათი და სპეციფიკაცია, სადაც დეტალურად იქნება დასახელებული ბრენდი, მოდელი, ზომები, მასალა და სხვა დეტალი.
• შემოთავაზებული ძირითადი მასალები სრულად უნდა აკმაყოფილებდნენ სატენდერო დოკუმენტაციაში მოცემულ პარამეტრებს.
• მონაწილეს უნდა ჰქონდეს შესაძლებლობა მოთხოვნისამებრ წარმოუდგინოს შემსყიდველს შემოთავაზებული პროდუქციის ნიმუშები, ხარისხის დამადასტურებელი დოკუმენტები (სერტიფიკატები) და შესატყვისობის სერტიფიკატი.

ტენდერში მონაწილეობის მისაღებად აუცილებელია ორგანიზაციამ წარმოადგინოს შემდეგი სავალდებულო დოკუმენტაცია:

• საბანკო რეკვიზიტები (დანართი 2);
• ცნობა საბიუჯეტო დავალიანების შესახებ;
• ბანკის მიერ დამოწმებული ფინანსური ბრუნვის ამონაწერი 01/01/2017 – 31/12/2018 პერიოდზე, შესატყვისი ექსელის ფაილით;
• ცნობა სასამართლო დავების შესახებ;
• ამონაწერი სამეწარმეო რეესტრიდან;

პრეტენდენტის წინააღმდეგ არ უნდა მიმდინარეობდეს გადახდისუუნარობის საქმის წარმოება და პრეტენდენტი არ უნდა იყოს ლიკვიდაციის / რეორგანიზაციის პროცესში.

ტენდერის განმავლობაში პრეტენდენტს აქვს ვალდებულება მოთხოვნისამებრ წარმოადგინოს ნებისმიერი იურიდიული თუ ფინანსური დოკუმენტი.

ორგანიზაციას უნდა ჰქონდეს შესაბამისი მომსახურების გაწევის მინიმუმ 2 წლიანი გამოცდილება.

ატვირთული უნდა იყოს კომპანიის მოღვაწეობის შესახებ ინფორმაცია, საქმიანობის მოკლე აღწერილობა (გამოცდილება, კლიენტების სია) და მინიმუმ ორი რეკომენდაცია სხვა ორგანიზაციისაგან; ასევე მინიმუმ ორი ორგანიზაციის საკონტაქტო ინფორმაცია სადაც უკვე განთავსებულია შემოთავაზებული ავეჯი.

სრული სატენდერო დოკუმენტაცია გთხოვთ იხილოთ თანდართულ ფაილებში.

ელექტრონული ტენდერის ჩაბარების პირობები: 

• შემოთავაზებები უნდა აიტვირთოს შესყიდვების ვებ-გვერდზე: www.tenders.ge;
• სატენდერო წინადადების წარმოდგენის ბოლო ვადა: 2019 წლის, 01 თებერვალი, 18:00სთ.
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში;

დამატებითი ინფორმაცია შეგიძლიათ მიიღოთ შემდეგი საკონტაქტო პირისაგან:
გია გოგიბერიძე 
ტელ: +995 593 340 540
ელ. ფოსტა: g.gogiberidze@bog.ge

შენიშვნა: აღნიშნული ტენდერი ტარდება ვაჭრობის გარეშე. სატენდერო დოკუმენტაციის ჩაბარების ვადის ამოწურვის შემდეგ მონაწილე კომპანიებს საშუალება ექნებათ იხილონ კონკურენტების დასახელებები.

ტენდერის კატეგორია:

• 39100000 ავეჯი
• 39200000 ავეჯის აქსესუარები