ტენდერის აღწერილობა:

სს m² უძრავი ქონება აცხადებს ტენდერს გრძელვადიანი თანამშრომლობის მიზნით შეკერილი პროდუქციის შესყიდვასა და მოწოდებაზე, რომელთანაც გაფორმდება გენერალური ხელშეკრულება ერთი წლის ვადით.

ზოგადი ინფორმაცია:

• სს m² უძრავი ქონება ეძებს შეკერილი პროდუქციის მომწოდებელ პარტნიორ კომპანიას, ტენდერით გათვალისწინებულ შეკერილი პროდუქციის მიწოდებაზე, წინასწარ შეთანხმებული პირობების დაურღვევლობის შემთხვევაში, სრული ექსკლუზივი ექნება გამარჯვებულ კომპანიას ერთი წლის ვადით.

 გასათვალისწინებელი მოთხოვნებია:

• ტენდერის მიმდინარეობის განმავლობაში პრეტენდენტებმა უნდა ატვირთონ სატენდერო მოთხოვნებში გათვალისწინებული ყველა დოკუმენტი.
• ტენდერში მონაწილეობის მისაღებად აუცილებელია პრეტენდენტმა შეავსოს ფასების ცხრილი - დანართი N1, უფლებამოსილმა პირმა მოაწეროს ყველა გვერდზე ხელი და დასკანერებული ვერსია ატვირთოს PDF ფორმატში.
• ორგანიზაციას უნდა ჰქონდეს შესაბამისი მომსახურების გაწევის მინიმუმ 2 წლიანი გამოცდილება.
• ატვირთული უნდა იყოს კომპანიის მოღვაწეობის შესახებ ინფორმაცია, საქმიანობის მოკლე აღწერილობა (გამოცდილება, კლიენტების სია) და მინიმუმ ორი რეკომენდაცია სხვა ორგანიზაციისაგან;
• ტენდერის განმავლობაში დამატებითი ინფორმაციის მოპოვება, ან დაზუსტება შესაძლებელია საკონტაქტო პირთან დაკავშირებით e-mail-ით, ან ტელეფონით.
• წინადადების გადმოგზავნამდე, ორივე მხრიდან დეტალების დაზუსტების მიზნით, რეკომენდირებულია შეხვედრის ჩანიშვნა და დეტალების გავლა.

ტენდერში მონაწილეობის პირობები:

• ტენდერის დასრულების შემდეგ სატენდერო კომისია განიხილავს მოწოდებულ ინფორმაციას და გამოავლენს გამარჯვებულს საუკეთესო ფასისა და შემოთავაზებული პირობების გათვალისწინებით.
• ტენდერი ცხადდება გამარჯვებულ კომპანიასთან გენერალური ხელშეკრულების გაფორმების მიზნით, რომლის ფარგლებში განისაზღვრება წლის განმავლობაში შეკერილი პროდუქციის მრავალჯერადი შესყიდვა და მოწოდება.
• სახელშეკრულებო ვადა შეადგენს 12 (თორმეტი) თვეს, შესაბამისად ფასი უნდა იყოს ფიქსირებული და არ უნდა შეიცვალოს ხელშეკრულების მოქმედების განმავლობაში.

ანგარიშსწორების პირობა:

• სატენდერო წინადადება უნდა იყოს საქართველოს ეროვნულ ვალუტაში - ლარში და მოიცავდეს კანონმდებლობით გათვალისწინებულ გადასახადებსა და გადასახდელებს, მათ შორის ტრანსპორტირებასა და სხვა ხარჯებს (ასეთის არსებობის შემთხვევაში).
• ხელშეკრულების ფარგლებში ანგარიშსწორება განხორციელდება შესაბამისი პროდუქციის სრულად და ჯეროვნად მოწოდებიდანა და  ინვოისის გადმოგზავნიდან და/ან ზედნადების ატვირთვიდან და/ან მხარეთა შორის მიღება-ჩაბარების აქტის გაფორმებიდან 20 (ოცი) სამუშაო დღის ვადაში.

სხვა პირობები:

• პროდუქციის მოწოდება შესაძლებელია მოხდეს თბილისის მასშტაბით რამდენიმე ლოკაციაზე, ძირითადად დამკვეთის საწყობსა (ქ. თბილისი, მოსკოვის გამზირი 14) , ან  ოფისებში ( ქ. თბილისის ტერიტორია).
• შესასყიდი რაოდენობები შეიძლება შემცირდეს, ან გაიზარდოს, ასევე დიზაინები შესაძლოა შეიცვალოს m²-ის მოთხოვნებიდან გამომდინარე.
• პრეტენდენტი იღებს ვალდებულებას m²-ის მოთხოვნის შემთხვევაში მიაწოდოს შემოთავაზებული პროდუქციის ნიმუშები.
• პრეტენდენტმა უნდა წარმოადგინოს ფასდაკლების პროცენტი იმ არასტანდარტულ შესაკერ პროდუქციაზე, რომელიც არ არის დანართ N1-ში.

ელექტრონული ტენდერის ჩაბარების პირობები:

• შემოთავაზებები უნდა აიტვირთოს შესყიდვების ვებ-გვერდზე: www.tenders.ge;
• სატენდერო წინადადების წარმოდგენის ბოლო ვადა: 2019 წლის, 05 დეკემბერი, 17:00 სთ;
  
• შეთავაზების ვალუტა: ლარი
  
• ვაჭრობის ტიპი: ვაჭრობის გარეშე;
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში.

ტექნიკურ საკითხებზე საკონტაქტო პირი:
ნინო ესებუა 555 112 056

დამატებითი ინფორმაცია შეგიძლიათ მიიღოთ შემდეგი საკონტაქტო პირისაგან:
საკონტაქო პირი: ნინო სუარიშვილი
მობ: 593501025
ელ. ფოსტა: n.suarishvili@m2.ge

ტენდერის კატეგორია:

• 18100000 სამუშაო ტანსაცმელი, სპეცტანსაცმელი და აქსესუარები
• 18200000 გარედან ჩასაცმელი ტანსაცმელი
• 18300000 ტანსაცმელი
• 18400000 სპეციალური ტანსაცმელი და აქსესუარები
• 79800000 ბეჭდვა და მასთან დაკავშირებული მომსახურებები