ბაზრის კვლევის აღწერილობა:

სს საქართველოს ბანკი აცხადებს ბაზრის კვლევას საკრედიტო პორტფელის დაზღვევის მომსახურების შესყიდვაზე.

გთხოვთ გაითვალისწინოთ, რომ შემოთავაზებული პირობების შესაბამისად ბაზრის კვლევაში დაზუსტდა მოთხოვნა პროდუქტების ჭრილში.

გთხოვთ გადახედოთ დანართი #3-ში მოცემულ ცხრილს და შეავსოთ მწვანედ მონიშნული ველები.

დამატებითი ინფორმაცია:

• სიცოცხლის დაზღვევის მოცემული ლიმიტები უნდა იყოს ავტომატური და არ საჭიროებდეს ინდივიდუალურ განაცხადს და სავალდებულო სამედიცინო შემოწმებას.
• ამასთან, ქონების დაზღვევის ლიმიტი განსაზღვრულია სესხის თანხის ოდენობით.
• ზემოაღნიშნული შემოთავაზება უნდა აკმაყოფილებდეს ბაზრის გამოკითხვაში განსაზღვრული ტექნიკური მახასიათებლების ყველა მოთხოვნას.

ტერმინთა განმარტებები:

• საკრედიტო პორტფელი - დამზღვევის მიერ ფიზიკურ პირებზე გაცემული იმ სესხების დაუფარავი, ძირითადი თანხ(ებ)ის დავალიანებების ჯამი (ყოველგვარი ეჭვის გამოსარიცხად აღნიშნული არ მოიცავს დარიცხულ სარგებელსა და ჯარიმას/პირგასამტეხლოს).
• დამზღვევი - პირი, რომელიც აფორმებს დაზღვევის ხელშეკრულებას მზღვეველთან;
• მზღვეველი - სადაზღვევო კომპანია;
• მოცდის პერიოდი – პერიოდი, რომელიც აითვლება ინდივიდუალური სადაზღვევო პერიოდის დაწყების თარიღიდან და რომლის განმავლობაშიც დაზღვეულს არ აუნაზღაურდება ამ პერიოდში დამდგარ შემთხვევასთან დაკავშირებული ხარჯები;
• დაზღვეული - პირი, რომლის სასარგებლოდაც ხორციელდება დაზღვევის ხელშეკრულებით გათვალისწინებული დაზღვევა;
• მოსარგებლე - პირი, რომელიც დაზღვევის ხელშეკრულების და/ან კანონმდებლობის შესაბამისად უფლებამოსილია, მიიღოს სადაზღვევო ანაზღაურება;
• უზრუნველყოფილი სესხი - სესხი, რომელიც უზრუნველყოფილია უძრავი ქონებით, ავტოსატრანსპორტო საშუალებით ან/და ანაბრით/სადეპოზიტო სერტიფიკატით.
• ფრანშიზა - თანხა, რომელიც არ ექვემდებარება მზღვეველის მიერ ანაზღაურებას და რომელიც აკლდება  სადაზღვევო ანაზღაურების ოდენობას. ქონების დაზიანება/განადგურება/დაკარგვის რისკზე ფრანშიზა „ა“ და „ბ“ ჯგუფის რისკის შემთხვევაში შეადგენს - სადაზღვევო ანაზღაურების 10%, მაგრამ არანაკლებ 250 აშშ დოლარის ექვივალენტს ლარში (სადაზღვევო შემთხვევის დადგომის მომენტში საქართველოს ეროვნული ბანკის მიერ დადგენილი კურსით). „გ“ ჯგუფის რისკის შემთხვევაში - 0-ს და „დ“ ჯგუფის რისკის შემთხვევაში: სადაზღვევო ანაზღაურების 5%.

ინსტრუქცია მონაწილეთათვის:

• ბაზრის კვლევაში მონაწილეობის მისაღებად პრეტენდენტებმა შესაბამის პლატფორმაზე უნდა ატვირთონ წინამდებარე დოკუმენტში გათვალისწინებული ყველა დოკუმენტი.
• დამატებითი ინფორმაციის მოპოვება ან დაზუსტება შესაძლებელია საკონტაქტო პირთან დაკავშირებით იმეილით ან ტელეფონით.

მონაწილეობის პირობები:

• კვლევა ცხადდება საკრედიტო პორტფელის დაზღვევის შესყიდვისათვის ბაზარძე არსებული პროდუქტების მოსკვლევად. 
• შემოთავაზებული პროდუქტების საფუძველზე ბანკი მიიღებს გადაწყვეტილებას და დააზუსტებს მოთხოვნას საკრედიტო პორტფელის დაზღვევის კუთხით. დაზუსტებული მოთხოვნის ფარგლებში ხელშეკრულების გაფორმების მიზნით დამატებით იგეგმება დახურული ან ღია ფასთა გამოკითხვის გამოცხადება. ხელშეკრულების საორიენტაციო საერთო ვადა შეადგენს 12 (თორმეტი) თვეს. შესაძლებელია, რომ გენერალური ხელშეკრულების ფარგლებში განიხილოს 2 წლიანი ურთიერთობა.
• გთხოვთ გაითვალისწინოთ, რომ წინამდებარე  ბაზრის კვლევის გამოცხადება არ ავალდებულებს ბანკს რომელიმე პრეტენდენტთან ხელშეკრულების გაფორმებას, ამასთან ბანკი იტოვებს უფლებას კვლევის ჩატარების შედეგად, დამატებითი ფასთა გამოკითხვის / ტენდერის გამოცხადების გარეშე, ხელშეკრულება გააფორმოს რამოდენიმე მომწოდებელთან თავისი შეხედულებისამებრ.

ანგარიშსწორების პირობა:

• ხელშეკრულების ფარგლებში ანგარიშსწორება განხორციელდება ყოველთვიურად, ინვოისის წარმოდგენიდან 30 (ოცდაათი) კალენდარული დღის ვადაში.

მოთხოვნები:
ბაზრის კვლევაში მონაწილეობის მისაღებად აუცილებელია ორგანიზაციამ წარმოადგინოს შემდეგი სავალდებულო დოკუმენტაცია:

• ამონაწერი სამეწარმეო რეესტრიდან;
• ცნობა საბიუჯეტო დავალიანების შესახებ;
• ფინანსური ბრუნვის ამონაწერი 01/01/2020 – 31/12/2020 პერიოდზე, შესატყვისი ექსელის ფაილით ან შესაბამისი ფინანსური დოკუმენტაცია (მოგება/ზარალის უწყისი); 
• საქმიანობის მოკლე აღწერილობა ან პრეზენტაცია (სადაც ნაჩვენები იქნება პრეტენდენტის გამოცდილება, კლიენტების სია);
• უფლებამოსილი პირის მიერ ხელმოწერილი ინფორმაცია უკანასკნელი 3 წლის განმავლობაში ანალოგიური მომსახურების მიწოდების შესახებ, შემსყიდველის მითითებით;
• უფლებამოსილი პირის მიერ ხელმოწერილი ინფორმაცია უკანასკნელი 3 წლის განმავლობაში მოზიდული სადაზღვევო პრემიისა და გაცემული ანაზღაურების ოდენობის შესახებ.
• პორტფელური დაზღვევის ფარგლებში პრეტენდენტის შემოთავაზება პრეზენტაციის ან PDF ფორმატში;

კვლევის ფარგლებში განილიხლებიან სადაზღვევო ორგანიზაციები რომელბსაც ექნებათ შესაძლებლობა სრულად დაფარონ ბანკის სამომავლო საკრედიტო პორტფელი. აღნიშნულთან მიმართებაში გადაწყვეტილება მიღებული იქნება მოწოდებული დოკუმენტაციის და ფინანსური ინფორმაციის საფუძველზე.

ორგანიზაციას უნდა ჰქონდეს სადაზღვევო მომსახურების გაწევის მინიმუმ 5 წლიანი გამოცდილება.

პრეტენდენტს აქვს ვალდებულება მოთხოვნისამებრ წარმოადგინოს ნებისმიერი იურიდიული თუ ფინანსური დოკუმენტი.

პრეტენდენტის წინააღმდეგ არ უნდა მიმდინარეობდეს გადახდისუუნარობის საქმის წარმოება და პრეტენდენტი არ უნდა იყოს ლიკვიდაციის / რეორგანიზაციის პროცესში.

ბანკი იღებს ვალდებულებას შეამციროს გარემოზე ზემოქმედება და უზრუნველყოს გარემოს დაცვითი და მდგრადი განვითარების კომპონენტების მონიტორინგი.

ბანკი თანამშრომლობს იმ  მომწოდებლებთან, რომლებიც იზიარებენ იგივე სტანდარტებს და მათ პოლიტიკაში და ყოველდღიურ საქმიანობაში ასახულია სახიფათო ნარჩენების, ენერგიის, წყლის და ნახშირორჟანგის მინიმაზაციის მიზნით დასახული ქმედებები და ყოველდღიურ საქმინობაში ახდენენ ამის კონტროლს, რის დამადასტურებლად შეუძლიათ დოკუმენტაციის წარმოდგენა.

ბანკთან თანამშრომლობის შემთხვევაში მხარე აცხადებს და იძლევა გარანტიას, რომ:

• სრულად და ჯეროვნად დაიცავს გარემოს დაცვის, ადგილობრივი ან/და საერთაშორისო კანონმდებლობის მოთხოვნებს, მათ შორის, გარემოზე ზემოქმედების შეფასების ანგარიშით თუ  ეკოლოგიური ექსპერტიზის დასკვნით გათვალისწინებულ მოთხოვნებს ან/და სანებართვო თუ სალიცენზიო პირობებს;
• უზრუნველყოფს ნარჩენების შეგროვებას, ტრანსპორტირებასა და დამუშავებას, კანონმდებლობის შესაბამისად;
• ნებისმიერი ისეთი გარემოების (მათ შორის, ერთმნიშვნელოვნად ნებისმიერი სახის ავარიის, ინციდენტის ან/და უბედური შემთხვევის) დადგომიდან, რომელიც საფრთხეს უქმნის გარემოს დაცვას  ან/და გარემოს დაცვის ადგილობრივი ან/და საერთაშორისო კანონმდებლობის მოთხოვნების დარღვევიდან ან ასეთი გარემოებების დადგომის საშიშროების წარმოშობიდან 5 (ხუთი) საბანკო დღის ვადაში აცნობებს ბანკს აღნიშნულის თაობაზე და იმ ზომების შესახებ, რომელსაც იგი იღებს ზემოთ ხსენებული გარემოებების აღმოსაფხვრელად.
• ნარჩენების წარმოქმნის შემთხვევაში, კომპანია ვალდებულა ნარჩენები თავად დაამუშაოს ან შეგროვების, ტრანსპორტირებისა და დამუშავების მიზნით გადასცეს შესაბამისი უფლების მქონე პირებს, ნარჩენების მართვის კოდექსისა და საქართველოს სხვა საკანონმდებლო და კანონქვემდებარე ნორმატიული აქტების შესაბამისად;

ბაზრის კვლევის ჩაბარების პირობები:

• შემოთავაზებები უნდა აიტვირთოს შესყიდვების ვებ-გვერდზე: www.tenders.ge;
• სატენდერო წინადადების წარმოდგენის ბოლო ვადა: 2021 წლის, 26 თებერვალი, 18:00 სთ.
  
• მომწოდებლებმა მოთხოვნილი დოკუმენტაციის ატვირთვის შემდეგ სისტემაში უნდა დააფიქსირონ სიმბოლური ღირებულება.
• ვაჭრობის ტიპი: ვაჭრობის გარეშე;
• ბაზრის კვლევაში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში;

დამატებითი ინფორმაცია შეგიძლიათ მიიღოთ შემდეგი საკონტაქტო პირისაგან:
ნათია სართანია
მობ: 577 122 154
ელ. ფოსტა: n.sartania@bog.ge

საკონტაქტო პირი: გია გოგიბერიძე
მობ: 593 340 540
ელ. ფოსტა: g.gogiberidze@bog.ge

ტენდერის კატეგორია:

• 66500000 სადაზღვევო და საპენსიო მომსახურებები
• 66700000 გადაზღვევის მომსახურებები