ტენდერის აღწერილობა:

ტექნიკური დავალება: სოციალური ვიდეორგოლების მომზადება რაჭაში.

პროექტის ძირითადი მონაცემები:

• პროექტის სახელწოდება: „კორონავისურით გამოწვეული უარყოფითი ეკონომიკური ეფექტის შემსუბუქება რაჭაში“.
• მიზნობრივი ტერიტორია: საქართველო, რაჭა-ლეჩხუმის და ზემო სვანეთის რეგიონი, ონის და ამბროლაურის მუნიციპალიტეტები.
• დაფინანსების წყარო: სლოვაკეთის განვითარების სააგენტო.
• პროექტის ხანგრძლივობა: 1 ივლისი, 2020 – 28 ივნისი, 2021

ძირითადი ინფორმაცია:

• პროექტის ამოცანაა რაჭა-ლეჩხუმისა და ქვემო სვანეთის რეგიონის ადგილობრივი მოსახლეობის მხარდაჭერა და გაძლიერება კორონავირუსით გამოწვეული უარყოფითი ეკონომიკური ეფექტის შემსუბუქების მიზნით. 

პროექტის ფარგლებში განხორციელებული აქტივობები:

• გამოცხადდა საგრანტო კონკურსი, მხარდაჭერილი იქნა 26 საგრანტო პროექტი ტურიზმის, სოფლის მეურნეობის და მცირე მეწარმეობის მიმართულებით.
• პროექტის ბენეფიციარებს ჩაუტარდათ ტრენინგები და ინდივიდუალური კონსულტაციები ონლაინ მარკეტინგის და გაყიდვების მიმართულებით.
• დახმარება გაეწია მოწყვლად ფენებს, სულ 156 მოწყვლად ოჯახს გადაეცა ჯამში 3040 ფრთა ქათამი, თითო ოჯახზე 20 ფრთა ქათამი, 2 თვის სამყოფი საკვები, ვეტერინარული პრეპარატები და უფასო კონსულტაცია ფრინველის მოვლა-პატრონობის შესახებ პროექტის მსვლელობის პერიოდში.

პროექტს ახორციელებს ჩეხეთის რესპუბლიკის კარიტასი (CCRG) სლოვაკურ ორგანიზაცია Sosna-სთან პარტნიორობით.

ტექნიკური დავალების აღწერა:

• დავალების ფარგლებში კონტრაქტორს ევალება პროექტის ჯგუფთან შეთანხმებით წინასწარ შერჩეული თემატიკის 1 წუთიანი ვიდეორგოლების მომზადება (ყველა ეტაპი - გადაღება, მონტაჟი, აუდიო მომსახურება და სხვა შესაბამისი რგოლის შემოქმედებითი სპეციფიკის გათვალისწინებით).
• სულ დაგეგმილია 8 მოკლევადიანი ვიდეორგოლის სერიის გადაღება - პროექტის წარმატებული ბენეფიციარების ისტორია. 
• საქმიანობის პერიოდი: 24 მაისი, 2021 – 11 ივნისი, 2021
• პროდუქტის ხარისხი: Full HD

საკვალიფიკაციო მოთხოვნები:

• მინიმუმ 3 წლიანი გამოცდილება სოციალური სარეკლამო რგოლების მომზადებაში.
• მედიასთან ურთიერთობის გამოცდილება.

ტენდერში მონაწილეობა:

• აღნიშნულ ტენდერში მონაწილეობის მიღება შეუძლიათ როგორც ფიზიკურ ასევე იურიდიულ პირებს.

სატენდერო წინადადება უნდა მოიცავდეს შემდეგ დოკუმენტაციას:

• კომპანიის სახელწოდება (სახელი/გვარი), მისამართი, ტელეფონი და ელფოსტა.
• წარსულში განხორციელებული მსგავსი პროექტების ვიზუალურ მასალასთან ერთად, ე.წ. პორთფოლიო.
• ერთი ვიდეოს მომზადების მომსახურების საფასური (დეტალურად წარმოდგენილი) დღგ-ს ჩათვლით, ფიზიკური პირის შემთხვევაში საშემოსავლო და საპენსიო გადასახადის ჩათვლით (gross).
• ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან.

სატენდერო განაცხადის წარდგენა:

• გთხოვთ, გამოაგზავნოთ თქვენი შემოთავაზება ერთ (PDF) ფაილად, შემდეგ ელექტრონულ მისამართზე ccrg-tender@caritas.cz არაუგვიანეს 2021 წლის 18 მაისისა.
• გთხოვთ მეილის სათაურის ველში მიუთითოთ ტენდერის დასახელება - Tender/Racha.

პროექტის შინაარსთან დაკავშირებით დამატებითი კითხვების შემთხვევაში, გთხოვთ დაგვიკავშირდეთ: 577 44 91 91

ორგანიზაცია დაუკავშირდება მხოლოდ ტენდერში გამარჯვებულ კომპანიას/ფიზიკურ პირს.

ტენდერის კატეგორია:

• 92100000 კინოდა ვიდეომომსახურებები