T9635 - ტენდერი ახალი თაობის ბრანდმაურების, ლოგირების სისტემისა და IPS ფუნქციონალის შესყიდვაზე

აღწერა

ტენდერის აღწერილობა:

სს „ლიბერთი ბანკის“ აცხადებს ტენდერს ახალი თაობის ბრანდმაურების, ლოგირების სისტემისა და IPS ფუნქციონალის შესყიდვა ფასების ცხრილის (დანართი #1) შესაბამისად;

პრეტენდენტის მიერ წარმოსადგენი დოკუმენტ(ებ)ი:

კომპანიის მიმოხილვა:
საქმიანობის მოკლე აღწერილობა, კლიენტების სია, რეკომენდაციები;
განიხილება კომპანიები, რომლებიც მინიმუმ 2 (ორი) წელიწადია დაფუძნებული;
ინფორმაცია დამფუძნებლ(ებ)ის და მფლობელ(ებ)ის შესახებ;
კომპანიის სერტიფიკატები (ასეთის არსებობის შემთხვევაში);
სატენდერო წინადადება ფასების ცხრილის (დანართი #1) მიხედვით;
ინფორმაცია მოწოდების ვადებსა და პირობებზე;
ინფორმაცია საგარანტიო ვადებსა და პირობებზე;
ინფორმაცია წარსულში ანალოგიური გამოცდილების შესახებ;
ცნობა საგადასახადოდან დავალიანების არ არსებობის შესახებ;
რეკვიზიტები;
საკონტაქტო პირის (პროექტის მენეჯერის) მონაცემები.

შენიშვნა:

განიხილება მხოლოდ ის წინადადებები, რომლებიც მოიცავს ზემოთ ჩამოთვლილ ყველა პუნქტს.

შესყიდვის ობიექტის მიწოდების ვადა, ადგილი და მიწოდების პირობა:

საქონლის მოწოდება უნდა განხორციელდეს შემდეგ მისამართზე: ქ. თბილისი, ი.ჭავჭავაძის გამზ. #74, სს „ლიბერთი ბანკი“-ს სათავო ოფისი;

პრეტენდენტის წინადადების ფასი და ანგარიშსწორების პირობები:

ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
ბანკის მიერ ანაზღაურება განხორციელდება გამყიდველის მიერ ფაქტიურად მოწოდებული საქონლის შესახებ შედგენილი მიღება-ჩაბარების აქტის, სასაქონლო ზედნადებისა და საგადასახადო ანგარიშ-ფაქტურის წარმოდგენიდან 10 (ათი) სამუშაო დღის განმავლობაში;

ზოგადი პირობები:

პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილი უნდა იქნას მინდობილობა);
პრეტენდენტმა უნდა წარმოადგინოს მწარმოებლის ავტორიზაციის ფორმა (MAF), რომელიც გაცემული იქნება ბანკის სახელზე და მითითებული იქნება შემოთავაზებული პროდუქცია/რაოდენობა;
სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
გამარჯვებულ პრეტენდენტთან ხელშეკრულება გაფორმდება, ხელშეკრულების დრაფტის (დანართი #2) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას;

დამატებითი მოთხოვნები:

ტექნიკის მონტაჟი და პროგრამული გამართვა "კონფიგურაცია" და არსებულ ქსელში ინტეგრაცია უნდა განხორციელდეს პრეტენდენტი კომპანიის მიერ დამკვეთის საინფორმაციო ტექნოლოგიების დეპარტამენტთან წინასწარი შეთანხმებით;
პრეტენდენტმა უნდა წარმოადგინოს მწარმოებლის ავტორიზაციის დამადასტურებელი დოკუმენტი (MAF), რომელიც უფლებას აძლევს პრეტენდენტს აღნიშნული პროექტის ფარგლებში საქართველოს ტერიტორიაზე განახორციელოს პროდუქციის გაყიდვა და სერვისული მომსახურება;
პრეტენდენტმა უნდა წარმოადგინოს პრეტენდენტ კომპანიაში დასაქმებული მინიმუმ ორი თანამშრომლის სერტიფიკატ(ებ)ი, რომელიც გაცემულია შემოთავაზებული პროდუქტის მწარმოებლის მიერ;
პრეტენდენტს უნდა გააჩნდეს 2018-2020 წლების განმავლობაში ამავე მწარმოებლის არანაკლებ 3 (სამი) სხვადასხვა პროექტის განხორციელების გამოცდილება. აღნიშნულის დამადასტურებლად, პრეტენდენტი ვალდებულია წარმოადგინოს შესაბამისი ხელშეკრულებები და მიღება-ჩაბარების აქტები;
საქონლის მიწოდების ვადა: არაუმეტეს 60 კალენდარული დღე;
ინსტალაცია და იმპლემენტაციის ვადა საქონლის მიწოდებიდან: არაუმეტეს 30 კალენდარული დღე;

ინფორმაცია პრეტენდენტებისათვის:

შემოთავაზების წარმოდგენის ბოლო ვადა: 2021 წლის 1 ივნისი 17:00 საათი;
პრეტენდენტის მიერ სატენდერო წინადადება გადმოგზავნილი უნდა იყოს მითითებულ ელ.ფოსტაზე: tendercommittee@lb.ge;
ამავე მეილიდან, ბანკის მხრიდან მოხდება პრეტენდენტისგან სატენდერო წინადადების მიღების დადასტურება. სხვა შემთხვევაში, გთხოვთ დაგვიკავშირდეთ განცხადებაში მითითებულ საკონტაქტო ნომერზე;

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში:
შესყიდვების მენეჯერი შორენა თავაძე,
ელ.ფოსტა: Shorena.tavadze@lb.ge
მობ: 595 901 200;